الموضوع: "سكاى نيوز العربية" اخبار ونشرات ووجه حسن

من فترة عملت سكان على القنوات الجديدة على النايلسات ونزلت قناة سكاى نيوز العربية، وبعد متابعة جيدة اقدر اقول انها قناة اخبار عالمية احترافية بدرجة امتياز ولا جزيرة ولا بى بى سى ولا عربية ولا اى قناة عربية تانية

متابعة لحظية للاخبار بمهنية عالية وافضل نقاء للصورة وسلسلة مراسلين فى كل مكان بيطلعوا فى اى وقت، استوديوهات فخمة وشغل جرافيك عالى ومذيعات قمرات ومذيعين جناتل زى ممثلين تركيا واداء مثالى يعنى شكل ومضمون، ونظام اى بى جى للبرامج.... بدون مبالغة الواحد بيستمتع بسماع النشرة منهم، مفيش مأمأة ولا اخطاء ولا اعادة للكلمات ولا لخبطة.. حاجة ممتازة

وامبارح بالصدفة بقلب على القنوات كانت كاثرين اشتون فى الجامعة العربية وبحكم المجال الواحد بيحب يسمع ترجمات القنوات ويقارن بينهم، وافاجا انها جايبة المؤتمر بث مباشر واسمع احلى ترجمة، والله العظيم من افضل الترجمات اللى سمعتها فى حياتى وكان المترجمة بتقرا الترجمة من ورقة مثلا بدون توقف او تردد او اعادة صياغة للجمل او المعانى ولغة عربية فخيمة

شئ جمييييييييل

انا حبيت بس الفت انتباهكم ليها

وده ترددها 11977 راسى

ودول شوية صور لبعض المذيعات
عشان تعرفوا قدراتهم فى قراءة النشرة مش اكتر










مشاهدة ممتعة

المشاركة الأصلية كتبت بواسطة naser_56

هههههه تصدق حتي الاخبار السيئه بتتقبل منهم برحابه صدر وروح رياضيه

ههههههههههه وتلاقى خبر كارثى ودنيا بتولع وانت ولا فارقة معاك ما انت مركز فى ال hd، بس بجد والله الناس دى محترفين وشغل عالى بصرف النظر عن المذيعات الجميلات والمذيعين اللبقين الا انه فى النهاية فى منتج جيد ومتابعة روعة ولغة عربية فائقة الجودة hd يعنى ههههههه