الموضوع: فلتر زيت الباور للموديلات من 1979 وحتى 1984

ده للمرسيدس الخنزيرة 200 أو 230

الفلتر دة بيتغير كل اد اية و زيت الباور نفسة بيتغر كل اد اية؟
وبعدين زيت الباور والفتيس والكرونة ما يتغيروش ولما تسئل اى
ميكانيكى يقولك زود بس ما تغيرش..

زيت الباور المفروض كل 40ألف أو حسب نوع الزيت أو توصيات الشركة المنتجة بكتالوج العربية.
ممكن تعرف بإنك تاخد عينة من الزيت اللى فى الباور وتقارنها بالزيت الجديد هتلاقى الفرق واضح وهوا إن الزيت الجديد بيبأا أحمر شفاف والقديم غامق ومش شفاف وعلى أسود وده بيبأا نتيجة الرواسب وتآكل الخراطيم بتاعة الباور وده بيرجع لنوع الزيت والعمر الإفتراضى للخراطيم..
وخد بالك إن تغيير الزيت مفيد جدا لطرمبة الباور وعلبة الدريكسيون أو الإسكاترة لأنه بيحافظ على الأويسيلات والرولمان بلى والكاوتشات الداخلية والخراطيم وكمان بيحسن من أداء الباور وكمان صوته..
الفلتر ده لو ماكنتش غيرته قبل كده ممكن تعمل دورة غسيل الأول وده بإنك تغيره مع زيت الباور وبعد كده تغيره بعد 1000 أو 2000 كم عشان تضمن نضافة دورة الباور تماما من أى شوائب ممكن تأثر على المكونات الداخلية لنظام الباور..
وخد بالك إن فى مصر ماحدش بيغير زيت الباور غير لما خرطوم يضرب أو الطرمبة تعطل ولا بدورة الغسيل لو غيرو الزيت بتاع الباور!!
ممكن ماتحسش بأى فرق بعد تغيير الزيت أو الفلتر بس دى تعليمات صيانة مؤكده على الأقل للحفاظ على نظام الباور بالعربية عندك ولضمان عدم العطل المفاجئ وساعتها هتصرف كتييييييييييييييييييييييي ييير
تمن الفلتر (15-25) جنيه
الزيت (12-25) جنيه
يعنى كلله أقل من 50جنيه!!

زيت الكرونه بتغير كل اد ايه ؟ وهل في نوع كويس يوصي به ؟

المشاركة الأصلية كتبت بواسطة original

تمن الفلتر (15-25) جنيه
الزيت (12-25) جنيه
يعنى كلله أقل من 50جنيه!!

زيت الباور أسعارة للعلبة 1 اتر:

شل دوناكس: 20 جنية
موبيل: 24 جنية
أمارات: 21 جنية

اعتقد دورة الباور بتاخد 3-4 لتر زيت و ممكن اكتر في العربيات الكبيرة يبقى التكلفة مش زي ما حضرتك حاسبها خالص
بس أنا معاك ان كل الزيوت مفروض تتغير, سواء باور , كرونة, فتيس أوتوماتيك او عادة, باكم
لكن الميكانيكية في مصر بتفتي كتير انها تتزود بس و ماتتغيرش و دة اكبر غلط

زيت الباور لو غيرته مش هيكلفك أكتر من لتر