برجاء النصيحة للبيجو 307sw

**mas23** · 12-07-2008 04:55 PM

السلام عليكم

ان شاء الله ناوي أن أشتري 307 SW
وذلك لإحتياجي في اقتناء سيارة تتسع لأسرتي بعد اضافة الكراسي الخلفية

لذلك ارجوا من أهل الخبرة النصيحة :

- المواصفات
- العيوب
- قوة التحمل

شاكر لكم حسن تعاونكم و نصيحتي - خصوصا اني ملاحظ ان فيه سيارات كتير من هذا الطراز معروضة للبيع و لسه تقريبا جديدة .

ارجوا النصيحة و الافادة

إحترامي .....

**sakrouz** · 13-07-2008 01:09 PM

العربية ممتازة جدا سحب الموتور قوى العفشة ناعمة الكراسى مريحة جدا كرسى السواق مريح الكماليات كتير ولكن قطع الغيار غالية شوية انا معى العربية من شهر يناير 2008 وبصراحة ركبيت عربيات كتير لكن البيجو مريحه جدا فى كل حاجة

**ssafwat** · 13-07-2008 01:34 PM

توكل على الله وإشتريها هيا زي ما سكروز قلك كدة ناعمة ومريحو وبعدين هيا اعلى اوبشيونز في المستوى ده من العربيات. بتقكر تجيبها خليجي ولا تبع الوكيل؟

**mas23** · 14-07-2008 12:10 AM

السلام عليكم

انا اشكركم جدا علي سرعة تلبيتكم - وربنا يحرسلكم ما تملكون

الاخ ssafwat
انا بفكر ان شاء الله اشتري الخليجي لقدراتها العالية في الابشن - واشكر لك مشاركتك الجميلة .

الاخ sakrouz
أشكرك علي النصيحة و المشاركة الجميلة - بس انا قريت في موضوع سابق انك تواجه بعض المشاكل في التيل و التكييف - وقلت انك هتقولنا النتيجة بعد ما تروح الصيانة - ارجوا ان تقولنا ايه الاخبار وهل هناك مشكلة فعلا في السيارة خصوصا بعد ان الشركة الام اعلنت نزول التعديل الجديد للسيارة 308sw

احترامي

**sakrouz** · 14-07-2008 01:53 PM

لا شكر على واجب بس انا الفرامل عندى ده مش عيب فى السيارة ولكن عيب منى لانى كنت بخلى السايس يغسل الجنوط كل يوك بالصابون ودة بلم رمل كتير وبيأثر على التيل متخافش العربية جامدة جدا ان شاء الله هاتعجبك ولو عايز تجرب انا ممكن اقابلك فى اى مكان وتجرب عربيتى Test Drive على فكرة Ssafwat واحده مش واحد ومن اجمد الناس فى قسم البيجو وبجد انا دائما بحتاج الى نصائحها

**banboty** · 14-07-2008 02:00 PM

المشاركة الأصلية كتبت بواسطة mas23

السلام عليكم

ان شاء الله ناوي أن أشتري 307 SW
وذلك لإحتياجي في اقتناء سيارة تتسع لأسرتي بعد اضافة الكراسي الخلفية
...[/COLOR][/FONT][/SIZE]

ممكن سؤال اخونا الفاضل

يعنى ايه اضافة كراسي خلفية ؟؟؟

هل تقصد كنبة اضافية ثالتة !!

**mas23** · 14-07-2008 03:21 PM

الاخت العزيزة : ssafwat
تحية طيبة - و متشكر جدا علي نصيحتك وأكيد سوف أعمل بيها

الاخ العزيز : banboty
بالنسبة لموضوع اضافة كراسي خلفية - دي مش كنبة ولكن وحدتين كراسي منفصلة يمكن طيهم او شيلهم خالص وكذلك الحال لكل الكراسي في السيارة يمكن طيهم او خلعهم خالص من أماكنهم حسب الاحتياج ودي بصراحة ميزة ملقتهاش في سيارة تانية .

أخي وحبيبي العزيز : sakrouz
أشكرك جزيل الشكر علي مبادرتك الجميلة في دعوتك لاختبار السيارة - حفظها الله لك وأعطاك خيرها و حفظك من كل شر ....

إحترامي وتحياتي .....

**sakrouz** · 14-07-2008 04:16 PM

يا باشا لا داعى للشكر احنا هنا علشان نفيد بعض وانا معاك لو فيه اى حاجة وعلى فكرة لو انتا فكرت انك تجيب العربية خليجى انا اعرف معرض كويس الى انا جبت منه وهما ناس كويسة جدا وانا تحت امرك

**mas23** · 14-07-2008 09:00 PM

أبقا شاكر جدا لو كتيتلي رقم تليفونهم - علشان اشوف معاهم السعر النهاردة كام - لغاية ما انزل من اسكندرية و ارحلهم

مع وافر شكري و تقديري

**ssafwat** · 15-07-2008 12:55 AM

العفو يا ماس ربنا يوفقك ويكرمك فيها ويكفيك شرها. نصيحة صغيرة تانية ما تشتريش الكراسي الإضافية مع الغربية كتكلفك كتير. ممكن بعد ما تشتري العربية تشتري الكراسي من الحرفيين يعملوا حوالي 1500 - 2000 بدلا من 4000. اتاكد وانت بتشتري العربية ثمن الكرسيين الزيادة يفرقوا كا في سعرها