الى اهل الخبره فى الاراضى ومن لديه اى خبره عن اراضى القادسيه

**momo99** · 15-11-2012 06:33 PM

انا سمعت ان فى اراضى رخيصه جدا فى القادسيه وانا معرفش مكان القادسيه ديه فين وهل هى قريه ولا ايه وهل يوجد بيها اى مرافق وهل اسعارها زى ما ذكر لى ان المتر 100 جنيه وهل تنصحونى ااخد هناك ولا ايه وهل مع الوقت سوف تكون جيده فى الاستثمار وادمها اد ايه وتبقى مدينه يسكن بها الناس ويدخل لها جميه المرافق لو كان مفيش مرافق مستنى ردودكم شكرا جدا

**al_manara** · 16-11-2012 04:01 AM

ك قطعة أرض "بمنطقة مميزة"..تحت هذا الشعار
تقوم العديد من شركات النصب تحت مسمي بيع
وتقسيم الأراضي ببيع الوهم للمواطنين من خلال
التعدي علي أملاك الدولة وبيع أراض زراعية علي اعتبار أنها مبان والمثير في للأمر أن هذه العمليات تتم تحت سمع وبصر الأجهزة التفيذية دون أن يحرك أحد ساكنا وكأن الأمر لايعنيهم في شيء وقبل عدة أيام كشف الأهرام المسائي عن أخطر عصابة لبيع الأراضي في منطقة غمازة بمحافظة حلوان ورغم تحذيرات الأهرام المسائي وتأكيدات المسئولين بأن مايجري هو عملية نصب كبري إلا أن البيع مازال مستمراً ونفس السيناريو يتكرر الآن في منطقة القادسية التابعة لجهاز مدينة العبور علي غير إتفاق تقوم هذه الشركات أيضا بالبيع يومي الجمعة والأحد من كل أسبوع بسعر 200
جنيه للمتر أرض المباني وتشهد إقبالاً كبيراً من
المواطنين الراغبين في تأمين مستقبل أبنائهم
وتحقيق أحلامهم لكنهم لايعلمون أنهم يشترون الوهم.

الباقي هنا
"القادسيـة"بيـــــــــــــ ــــع الأراضــي بالنصب! جهاز مدينة العبور يكتفي بالتحذير في الصحف

وشوف دة
‫أرض القادسية الكيلو 48 طريق الاسماعلية حقيقة ام وهم | Facebook‬

ودة كمان

فضائح جديدة في عزبة «القادسية» لتقسيم الأراضي

**أبو صلاح** · 16-11-2012 04:06 AM

al_manara
شكرا ليك جدا على نقل الاخبار دي

واحب اضيف ان في قرار من وزير الاسكان والتعمير من مدة كبيرة جدا بمنع التعامل على هذه الاراضي

الاغرب من سكوت اجهزة الدولة عن هذه الشركات برغم شهرتها القوية

هو ان هذه الشركات بتحجز اماكن ليها في النقابات والاماكن العامة ذات الثقة لدى الناس او الاماكن شبه الحكومية لكسب مزيد من الضحايا

**hobyana47** · 16-11-2012 04:17 AM

اراضى فى الاصل زراعيه وتم البناء عليها وبيعها بعقود شهر عقارى لاكن الارض فى الاصل استصلاح زراعى وممنوع البناء عليها احترس اى وقت الحكومه ممكن تاخد ضدهم اى قرارات اما بالهدد او بفرض مبالغ حسب سعر الارض الحالى لان كانو اخدين المتر بجنه ونص تقريبا

**momo99** · 17-11-2012 04:15 AM

ِكرا جدا يا رجاله بس هل مدينة القادسيه اللى هى فيها الفلل سعارها كويسه مليش دعوه بى تعديات الزراعيه انا بتكلم على الكمبوند نفسو المتسرح فيهو ويوجد فيه جميع المرافق حد يعرف عنو حاجه والف شكر مره تانيه على المعلومات ديه

**wawamoha** · 17-11-2012 03:38 PM

هو يا يابشا الناس بتقولك اراضي دوله متعدي عليها - يبقى مرافق ايه بقى ؟؟

القصه قديمه جدا ان في شركه اسمها القادسيه اخدت الارض دي للزراعه و بصراحه طلعت المياه حادقه و بعيده فمشروع الزراعه وقف - راحت جايه مقسمه الاراضي و بايعاها لشركات و الشركات بتقسم و تخطط - بمزاج ...- في ارض زراعيه اساسا
احنا كان هايتنصب علينا برضه سنه 2002 او 2003 و رحنا لوزاره الزراعه في الدقي وورولنا تحذيرات الصحف - و الموظف قالنا بالحرف شوفم مين اللي هايديلكم التراخيص - و فين المرافق
و الشركه قالولنا هنمد كابل من الشروق
- هجص طبعا ؟؟؟
كان ايامها المتر ب 40 جنيه و الناصيه بحري ب 60
و الشركه اللي كنا هاناخد منها كان ليهم شريك ظابط كبير في امن المطار

ابعد يا باشا و اسمع نصيحه الاخوه الافاضل دول

**MaZaGAngeE** · 18-11-2012 01:58 AM

طيب كويس انكم فتحتم الموضوع دلوقتي
انا كنت هلبس 1500 متر منهم
الحمدلله
بس همه بيقولوا المرافق موجودة و العقود مسجلة
بس ابعد عن الشر و غنيله

**hazemhassan** · 18-11-2012 10:48 AM

شوفت اعلان فى الاخبار من كام يوم ان هيئمة التنيمة الزراعية هتتصالح مع الناس اللى اشترو اراضى الواقعة على جانبى طريق اسماعلية الصحراوى وهياخدو 357 جنية على المتر وهيدخلو المرافق كما والمبلغ هيتم دفعة على اقساط مش متذكر دا اللى انا فهمتة وممكن تتاكدو
كان عدد يوم الثلاثاء الماضى اخبار اليوم