يا خوفي لتكون منتهتش ودي البداية!!!
ههههههههههههههههه
بعيد الشر عنك بهزر بس....
تحياتي
Sent from my LT18i using Forum Runner
عرض للطباعة
باشا انا كتبت رد فى الموضوع ده امبارح بس مظهرش هى العفاريت لبست الموضوع ولا ايييييييييه
بص لو قريبتك دى بتصلى ومنتظمه فى الصلاه متخافش ممكن يكون ده نصيب
لكن لو مش بتصلى او بتصلى متقطع وفيه حاجه منعاها عن الصلاه والقرأن يبقى بدون تفكير خودها عند حد ويكون موثوووووووق فيه ومش بياخد فلوس عشان فيه نصابين كتير جدا وفيه واخدنها مهنه مش بيعملو كده لوجه الله او عشان ياخدو ثواب
والله نفس اللى انا بحسه بالظبط عشان كدة انا بصدق كلام حضرتك فى اى موضوع حتى لو كان ظاهريا مش مقبول اوى ,,,,,, بالمناسبة انا مش بنكر الموضوع دا بس انا ضد ان الواحد يعلق اى حاجة مايعرفش تفسيرها على شماعة العفاريت او الحسد و خصوصا موضوع الحسد دا عشان بيضايقنى , يعنى مثلا تلاقى واحد مشترى عربية جديدة و مش عارف ابعادها فا تتخبط منه و يقولك اصلها اتحسدت (على فكرة انا مش بنكر وجود الحسد بس بيضايقنى اللى ياخدة شماعة)
سؤال يطرح نفسه ,, ليه الاجانب ماعندهمش عفاريت رغم انهم جدعان اوى ف افلام الرعب؟!!!!!!!!!!!
اكيد الاجابة معروفة
مين قال لحضرتك كده ؟؟؟؟؟؟؟
الاجانب عندهم سحر وعندهم حسد كمان وعندهم عفاريت طبعا
طب انت تعرف ان فيه ناس كتييييييير بيبقى الجن اللى لابسها مش عربى واصله من اى دوله او بلد تانيه ؟؟
على فكره دى حقيقه مش هزار هو الجن بيسكن فين غير فى اماكن مهجوره او متسابه فتره كبيره بعيد عن البنى ادمين وعشان كده لما حد من البنى ادمين بيروح يسكن نفس المكان الجن بيضايقه وممكن يمسه او يسكنه هو شخصيا
مش شرط المكان ده بقى فى مصر او اروبا ولا اى حته على الكره الارضيه
الجن لايفرق بين عربي واجنبي او مسلم او مسيحي
كله بيتلط يابرنس
لا هي بتصلي وملتزمه جدا بس الفكره ان مش معني انها بتصلي انها مش هيحصلها حاجه لان ممكن يكون حد عامل حاجه فعلا مش مجرد مس يعني
الراجل اللي اخوها راحله قاله انه عشان هي بتثصلي وتحفظ قران فمش بيقدر يعمل حاجه غير لما عريس بييحي واخر واحد جه قالك انا اول ماشفتها قلبي اتقبض مع انها جميله
مهى الفكره فى كده ان اللى بتصلى وكده ومعمولها حاجه بيكون تأثيرها ضعيف او مش بتشتغل غير فى اوقات معينه ويستحسن وقت ما العريس موجود تفضل مشغله سوره البقره فى البيت وهى كمان تقرأها وفيه بعض السور والايات ممكن تقولها بصراحه مش عارفها بس ممكن تسأل فيها شيخ
وعموما فيه شيوخ بيقرأو على مياه الحنفيه وانا بكرر مياه الحنفيه وتكون انت اللى جايبها من الحنفيه وهو يقرأعليها بعض الايات وهى حتشربها والميه دى ليها كذا فايده
والميه دى لو هى لقيتها طعمها غريييييب ومش قادره تشربها يبقى 90% معمولها حاجه وانتم كده اتأكدتم لو هى شاربه حاجه قبل كده (لان فيه اعمال بتتشرب اكيد انت سمعت عنها ) حتلاقيها رجعت كتير وفى الغالب بتلاقى ريحه وحشه جدا الحاجات اللى بترجعها دى اللى هى اصلا شارباها
وبكده تبقى هى ما راحتش لحد وعرفت وهى فى بيتها هى فعلا حد عاملها حاجه ولالا ولو حد عاملها حاجه مفيش مفر لازم تتعالج بس ساعات الموضوع مش بيبقى شربه حاجه وخلاص بيبقى حجات تانيه كمان ومش بتبان غير لما تروح لحد بس طريقه المياه دى جابت نتيجه مع ناس اعرفهم
ومش بعد ما تتعالج تقول خلاص لا لازم تتأكد بعد اسبوع او شهر ان الحاجه دى مرجعتش تانى لان فيه جن ابن لذينه بيقول للى عمل الحاجه دى انها اتفكت فبيرجع اللى عملها كده يجدد الموضوع تانى
بأختصار الافضل لازم حد موثوق فيه يشوفها وبلاش موضوع العلم ومتعلمه ومش مقتنعه والكلام ده لان زى ما انت قولت دى حاجه مذكوره فى القرأن وانا زمان كنت بقول انها تهييس وشعوزه لكن اكتشفت عكس ذلك تماما
ده اللى انا شفته وعرفته يخليك ممكن تفقد الثقه فى اى حد حواليك اقسم بالله ده فيه ناس بتعمل لاخواتها وولاد اخواتها وكلام من ده يعنى فيه ناس كافره بجد ربنا ينتقم منهم
على فكرة انا اختى اتعمل لها عمل وانا بفضل الله الى لقيته وكانت هتتطلق من جوزها-لا تطيق العيش معه مع انه انسان فاضل ومحبوب ومحترم جدا
اختى ولله الحمد سيده فاضله تواظب على الصلاه وقراءة القرأن
دة غير ان اختى من الناس الى عندها شفافيه ولما تحلم الحلم يقع زى الصبح-وكان ليا تجارب مع احلامها وكانت صادقه جدا
الموضوع ملوش علاقه ان الانسان بيصلى او مش بيصلى -الحاجات دى غريبه وفيه منها ما هوة حق-وما هوة دجل وتربح وشعوذه
وعلى فكرة الاجانب العفاريت والجان والسحر بيشغلهم اكتر مننا -وخاصه التقرب من الجن والشياطين وعندهم مدارس وعالم خفى فى المواضيع دى
اقوى علاج للحاجات دى انك تغير بيتك او البلد الى انته عايش فيها وعن تجربه
فكرتونى بايام طين يارجالة
فكرتونى بايام سودا من اربع سنين او خمسة ايام مكانت مرسي علم دى كانت هوووووو
ياما ركبو معانا العربية وياما طلعو على جتتنا طول الطريق مابين مرسي علم الى شلاتين وابورماد
وللعلم ديما كان وجودهم غير مؤزى اذى مباشر يعنى مكنوش بيقلبوك بالعربية بس كان بيضطرووك انك تموت نفسك اهون من الرعب وخصوصا اول مرة تحصلك
هيا الاولى بتبقا صعبة وبعد كده شكة دبوس بتبقا ايقنت الحوار وبتبقا هادى ف ردة الفعل
في ناس كتير ملتزمة كانت معايا ف الشغل كانو بيقولو علينا غير مؤمنين وايمانا ضعيف ،، بعد محصلهم هما الناس الوحيدة اللى طلبت نقلها واتنقلو بالفعل
لسه كنت بقرا قصه اسمها الفيل الازرق .... بغض النظر عن اسلوب الكاتب بس كان محورها عن حاجه شبه اللى صاحب الموضوع بيسال عنها
الموضوع فعلا موجود بس المشكلة الكبيرة انك تلاقى الحد الامين الى يعالج احلات دة و ميكنش نصاب و دة نادر اووووى و للاسف معظم النصابين دول بيستغلوا الموضوع و يزوداة اكتر و يدخلوك فى دائرة مغلقة علشان متعرفش تستغنا عنهم
هههههههه موضوع جامد جدااا
الحمد لله مش بخاف
بس طبعا منكرش وجودهم :)
تعليقة علي موضوع الاسلوب المتجاوز شويتين ... ان واقع بنعيشة في الشارع يومياً و هو مش بيحب يداري او يهرب من اسلوب حياة الشارع
و اتسال برضة ان عرضة للخمور و الحاجات دي بصورة كبيرة و نوع من التدقيق انه ياثر علي القاريء
قال انه مش خايف من الموضوع دة لانه الي بيدفع فلوس في كتاب عندة حصانة فكرية ضد الحاجات دي
لا هو اسلوب حياة بعض الناس بس مش الشارع كله ... نفس الكلام للخمور و اماكنها و البارات و المطاعم .... اللى بيدفع فلوس فى كتاب مش شرط يكون عنده حصانه فكريه ولا حاجه ... بالعكس ممكن الكتاب يوجهه فى اتجاه معين ... انا بعترض عليه مش عليك ... انا عارف انك بتنقلى الرد بتاع الكاتب :)
و معذره لصاحب الموضوع على الخروج البسيط ده عن السياق.
بصوا علي الفيديو ده كده
‫عفريت على كوبرى سوهاج الجديد‬‎ - YouTube
موضوع جامد حصل كتير معايا من هذا القبيل وكنت دايما اقنع نفسى ان لكل حدث تبرير ومفيش حاجه خارقه للطبيعه مع انى بامن بكلام ربنا ان الجن موجود....................لاصحاب القلوب القويه الحكايه اللى حصلت معايا وتخيل نفسك مكانى....................
البدايه طريق الاوتوستراد طلعه مايو قبل الدخول بين الجبلين..............الزمان """"شهر يناير السنه اللى فاتت الساعه 2 بعد نصف الليل ومحدش فى الطريق يا معلم والجو ضلمه ..........يااااااااااااااما
المهم كنا راكبين عربيه نيفا اوشكت على تشطيب البنزين اللى فيها ودا شى طبيعى لانها بتاكل بنزين والعوامه مش مظبوطه لاكن اللى مش طبيعى المكان والوقت اللى شطبت فيه بنزين ودا اللى عمرى ما هنساه http://january-25.org/images/posts/27491_Large.jpg
المكان بالظبط قبل مقبره السيارات واللى عايز يعرف يعنى ايه دا اللينك
في سجن السيارات التابع لوزارة الداخلية 1200 سيارة محتجزة من كافة الانواع والاحجام والموديلات علي ذمة قضايا الفساد والاموال العامة
المهم كنت انا اللى سايق وجنبى صاحب العربيه قريبى شطبت قبل الجبلين ركنت على جنب ونزلت ابص على الموتور وطبعا اكتشفت انها فضت بنزين وانا منهمك فى اعمال اكتشاف العطل لاقيت قريبى بيقولى هم البنى ادمين الى ممكن يقعدو فى الصراء اللى قدامنا دى (ملحوظه بجانب الطريق صحراء زى الصحراوى كدا) يبقو ايه
طبعا بكل صقه رديت عليه ياعفاريت ياعرب وطلعين يثبتونا قالى طب سيب اللى فى ايدك كدا وتعالا بص اللى بيهزرو مع بعض فى الصحراء بالليل دول............
ببابص لاقيت اتنين قاعدين فوق تبه مابنا وبينهم حوالى 30 متر وبينا حاجز الطريق الحديد واحنا على الطريق وهم فى الصحراء طبعا الموقف لحد هنا غريب بس لسه ملحقتش اترعبلان مفيش حاجه لسه ترعب
اللى يرعب انهم ابتدو يلحظونه ويتصرفو تصرفات غريبه يعنى بدائو يعووو زى الديابه بالظبط (عوووووووو) قولنا اكيد دول بنى ادمين وبيخوفونا .....ياعم فكك منهم ورجعت اللعب فى الموتور تانى لاقيته بيقولى احمد تعاله كدا بسرعه ........ببص لاقيت الاتنين قامو من مكانهم وطولهم بالظبط ما اختلف ش عن مكانو قاعدين
ياجماعه لاقيت كائنات غريبه النصف العلوى زى البنى ادمين والراس والجزءالسفلى زى البطريق وبيزحفوعلى ايديهم زى البطريق لانهم طبعا معندهمش رجلين ......لا وايه كمان جايين ناحيتنا وبيعووو
السؤال بقى لو مكانى تعمل ايه تسيب قريبك والعربيه وتجرى ولا تقف وتموت بالمنسبه ببص لقريبى لقيتو بيضحك وعايز يطلع الموبايل ويصور والتكمله بعد شويهههههههههه........
ههههههههههههههههههههههه جامده اوى عاوز اعرف عملت ايه انا لو مكانك حعمل زى صاحبك اصل حتجرى منهم فين يا معلم دا انت وهما والصحرا والطريق طوييييييل
يا تتصرف بسرعه وتشغل قرأن او حاجه وتولع نور العربيه وامرك لله اصلهم مش حيموتوك الا لو انت اللى موتت من الرعب لوحدك ههههههههه
مهو انت مش بتشوفهم طبعا ولكن بيجولك فى صوره حاجه تانيه زى لما بيبقى واخد مللبوس وبيتكلم لما بتجيله الحاله بتتسمع صوته مش هو وممكن يتكلم كلام مش باللغه بتاعته بلغه غريبه انت مش فاهما وهكذا
زى اللى انت قولت عليه من شويه بيتعلق فى المرايه ويقولك خودنى معاك ههههههههه
بالظبط كده يا lanos2004 اخر واحد كان ممكن يشوف الجن على حقيقته كانسيدنا سليمان عليه السلام ودعا ربنا انو يهب له ملكا ليس لانسان بعده عشان كده اوعى تصدك اللى يقولك شوفته على حقيقته وانما بيجيلك فى صورة تانيه غير صورته زى ما العضو misoalex قالك
يا جماعه اياكم من الكلاب السودا بدون اى لون كاسر السواد او القطط السوداء من هذا القبيل ايضا ودا مش كلامى دا كلام علماء دين
موضوع المرايا دة بتاع واحد صحبى حشاش ومصدقتوش
انا عشت معاهم صدق اولا تصدق ومشوفنش حد منهم ولعبت فى الترب ونمت يوم فى المشرحه بسبب حادث لشخص ومشوفتش عفاريت-وعملت رحلات سفارى كتير جدا ومشفتش حاجه
ممكن اكون مبشوفهمش علشان مبدخنش سجاير ولا حشيش ولا باخد مهدئات او ترمادول
المهم نكمل::::::::::
طبعا انا حاصلتلى حاله هلع ورعب واستغراب من فى نفس الوقت من تصرفات قريبى وافتكرته هو كمان اتلبس وبدات اقرا ايات الكرسى بسرعه بسرعه فى سرى ........ وهو مبسوط جدا كانه بيتفرج على فيلم لمحمد هنيدى المهم شخت فيه بنبره فزع .........اتصرف دا مش وقت هزار ........ قالى طيب طيب طلع الموبايل اتصل بواحد صاحبنا قالو تعالى عشان العربيه واقفه بين الجبلين فى مايو................قفل الموبايل من هنا ....وانا بدات اعد الثوانى واقول اكيد هيتاخر علينا ......لسه هيقوم يلبس وينزل يدور العربيه ويطلع على الطريق نكون احنا موتنا..............
وبدات اتصرف تصرفات الحب فى البقاء الانانيه طبعا يعنى بدات ابعد عن المكان واقف فى نص الشرع عشان لو حصل حاجه اكون فى نص المسفلت بين العربيات اللى طايره من جمبنا على 160/170 طبعا لان الطريق واسع زى الدائرى وكبير .........وابص لصاحبى اللى واقف على السور مدى جسمه ناحيه الكائنات الغريبه وبيبصلى براسو ويقولى انت خايف (ومستنى طبعا حاجه تطلع تشفتو من قدامى وهو بيبصلى ومش واخد يالو) الله يخرب بيت الافلام الاجنبى اللى بوظط عقولنا.........
وفجائه ببص ناحيه الطاريق ....................
فاصل ونعود
ايه ده الموضوع احلو قوى
متابع
بس على فكره مبحبش الاعلانات كتييير
:U_thin1[1]::U_thin1[1]:
يلا نرجع نكمل قبل ما اعمل حادثه واتقلب من فوق كرسى الكمبيوتر :::::::::::::::
وببص على الطريق ولاقيت عربيه فيرنا طايره 180 فى ملف(((((((انا بضم صوتى لصوتك ياااا lanos2004 هما الناس دى هتفضل تجرى بعربياتها الفيرنا لحد امتى حتى فى اصعب الاوقات بيلعبو موست وونتد بس كويس جى فى وقته))))))))))) المهم الللى سايق العربيه شافنى واقف كبس فرامل للاخر العربيه اتكفت على وشها بطريقه بهلوانيه ووقفت بعد ما عدتنى ب35 كيلو ودا شى رائع جدا بالنسبه لفرامل الفيرنا الاستوك وكويس بردو ليا انى قدرت اشوفالمسافه دى بنظرى بردو الاستوك ....................المهم ادى مرشيدير ورجع بضهرو طلع صاحبنا اللى قريبى كلمو فى التليفون ........انا شوفت الموقف دا قولتلو يابنى انا كنت مرعوب 50% بعد اللى انت عملتو نسيت كل حاجه وبقيت مفزوع 100% ........... انا تخيلت بعد كل دا العربيه دى طبعا تطلع خياليه من العالم الاخر ويطلع مكان السواق كائن مكفن بملايه بيضاء لان دا الكائن الوحيد اللى عندو المقدره انو يعمل اللى انت عملتو دا........... مع العلم ودا كلام ليكو والله العظيم الواد دا ما ليه فى الجرى اساسا والله كمان كنت ببقى راكب 128 ومعلم عليه وهو عمرو ما عدا 100 اساسا وكنا بنضرب بيه المثل فى البرود المتناهى فى السواقه لدرجه انو كان بياخد المطب فى ربع ساعه ..........ساعه لما وقف ولقيتو هو اساسا انا مصدقتش نفسى ان دا ؟؟؟؟؟؟؟ يعمل كده............(((((فعلا الفرنا ...تعمل اكتر من كدا فى الناس)))))) المهم سالتو فيه ايه رد عليا وقالى..........
معلش والنبى اخر فاصل ونخلص الحكايه...
يا باشا قطعت نفسنا معاك فين باقى القصة
المهم دة حقيقى و لا اشتغالة و لا حضرتك كنت نايم
حقيقى والله العظيم تلاته وما كدبت فى حاجه .....المهم ننهى الحكايه ::::::::::::::
رد وقالى انتو اول ما كلمتونى كنت مروح انام لما عرفت مكانكو فين خوفت حديطلع عليكو يسبتكو ولا ياخد العربيه منكم فقولت الحقم .......قولتله لا فيك الخير .......لاقيت قريبى بيقوله خد يامحمد اوريك حاجه جميله جدا طبعا انا قولت ((((دا جنان دا ولا ايه)))) طبعا احنا اول ما بقينا تلاته الكائنات دى مرة وحده بدا ت تقلق وتتراجع لحد ما استخبو جوة مغاره وكل شويه واحد منهم يطلع راسو من مدخل المغاره يبص علينا ويدخل تانى بيامن يعنى علينا
المهم صاحبنا ابو فيرنا دا شاف كده قالنا حد يجى معايا البنزينه وحد يقف يستنى جنب العربيه لتتسرق ....بينى وبينكم انا اتكسفت من نفسى اوى خصوصا انى بعدت فى الاول ووقفت فى نص الشارع وعلامات الخوف بانت عليا وابتديت اراجع لحظات الشجاعه اللى معروفه عنى ومن غير تفكير قولتلو ....................،،،،::: انا جاى معاك البنزينه وسيب الخفيف دا مع حبيبه بقى (((مهو اللذيذ للذيذ))) استمتع بقى ياسلام have fun .....وركبت العربيه ووصلنا البنزينه وملينا بنزين واحنا راجعين فى الطريق ...بدا القلق يراودنى وبدا ضميرى يوجعنى وبدات افكر فى سنيريوهات لو حصلت هكون فى حوسه وهرجع اقولهم ايه فى البيت وخصوصا انو ((((جوز اختى)))) ولو لاقدر الله حصلو حاجه ........مين اللى هيتحمل مسؤليه النزول الساعه2 بالليل عشان يجيب بامبرز للعيال .....لا انا مستحملش المسؤوليه دى كبيره عليا..............وقد كان اللى حسبتو لاقيتو طبعا رجعنا فى الطريق المعاكس وركنا العربيه وعدينا الطريق جرى وبنبص حوالين العربيه ملقناش اسلام ...هاااااااااااار اسود .........بصيت من السور لايكون نزل يلعب معاهم دا مجنون وانا عارفه ........بردو مفيش ...صاحبى بيبص جوه العربيه بالصدفه ............لقينا ايه
ثوانى وقولكو
لقينا اسلام قاعد جوه العربيه وقافل الشباك وقافل انوار العربيه والمسوجر وقاعد ساكت وماسك الموبايل باديه الاتنين .................................................. ...............وبيلعب اسناك..............تيييييييييييي ييييييييييييييييييييييييي يت
انا بكل رهبه وخوف اسلام فيه حاجه هم طلعو عليك............لاقيتو بيقولى هم مين .......كل ما هنالك بعد منتو مشيتو لاقيت الجو برد جدا قولت ادخل العربيه ادفى على مانتو تيجو.......انا بعد ما تنفست الصعداء ((((اوف الحمد لله))))) شاكلنا هنعيش لبكره ياسولوم .......وحطينا البنزين والعربيه دارت .....وحكالنا صاحبنا التالت حكايه كدا خلاصتها ..........
ان الطريق دا بيحصل عليه حوادث كتيرة اوى بسبب السرعه الجنونيه طبعا وناس كتير بتفقد حياتها على الاسفلت
فا دول يجوز يكونو اشباح ميتين بيحولو يتجنبو البشر بشكل او باخر بدليل انهم بيحولو يخوفونا عشان نمشى لاكن على مين يابا دا اسلام راجل اوىىىىىىىىى......
وشكرا جدا جدا للمتابعه وجميع احداث القصه حقيقيه حبيت اضيف عليها بس من عندى الالقاء الساخر عشان الناس تقراه بدون خوف مش اكتر وشكررررررررررررررررررررا