الموضوع: هل يوجد مايمسي بالجن العاشق ؟

المشاركة الأصلية كتبت بواسطة shaddadfalcon1

ياجماعه انا عارف انه موجود والله بس السؤال هل في الجن العاشق اللي بيحب واحد او واحده وميخلهوش يتجوز ؟ هو ده السؤال

اضافة لكلامكم : فين نوعين من المس

المس: وده بيحصل للناس اللي ايمانها ضعيف ولما انت بتتعرض للجن زي مثلا لو دست علي حد فيهم او اذيت حد فيهم من غير ماتاخد بالك وده علاجه بسيط وبيطلع بسرعه

اللبس: وده مصيبه واللي بيسمي بالسحر او العمل وده مش بيطلع الا لما توصل للي عمله وتفك السحر وده اللي حصل للرسول عليه الصلاة والسلام وسيدنا جبريل اخبره بيه وكان الرسول بيتخيل انه عمل حاجات وهو معملهاش وده مثال لان اللبس ملوش دعوه انت مؤمن وايماني قوي ولا لآ لانه ممكن يجي لاي حد والدليل انه جه لافضل خلق الله وطبعا في الأول وفي الأخر ده قضاء من ربنا سبحانه وتعالي

انا اختي شخصيا حصلها موضوع المس وشفنا ايام طيييييييييييييين معاها لمدة حوالي سنه لحد ماربنا اراد شفاءها والحمد لله

ممكن دليل علي اللي بتقولة ؟

بالنسبه لموضوع الاعمال كان ليا اخت اصغر منى متجوزة فى شقه ايجار-الحمد لله عندهم عمارة الان-ربنا بيرزق- المهم او ل جوازهم كانوا ساكنين فى شقه صغيرة وخلفت عيل صغير والحياه مابينهم كويسه جدا ومافيش مشاكل نهائى -خاصه ان الاتنين هاديين جدا وعاقلين
المهم ربنا كرم جوز اختى وقام مأجر شقه اوسع شويه والحمد لله كله تمام
شويه وابتدت بينهم مشاكل واختى تقلى انها مش طيقاه -وعاوزة تتطلق-ربنا يهديكى يرضيكى علشان ابنك مافيش
المهم فضلت كارهاه بس عايشه معاه علشان الطفل
فى يوم لقيت الدش بتاعهم القنوات بتقطع قلت اطلع على السطح ازقه يمكن يتظبط
لما طلعت لقيت اوضه فيها خروف بقرون كبيرة-الحمد لله انا مش بخاف لامن خروف ولا غيرة-بس اقسم بالله جسمى ارتعش وحسيت انى شوفت شيطان على شكل خروف
المهم جمدت قلبى ورحت على الدش لقيت مربوط فيه حاجه زى حجاب كدة
مسكتها وفكتها الاقى ورقه مكتوب فيها بحروف عربى بخط ااحمر وحروف منفصله مش متصله -ل-م-س وحروف غير مرتبه ومش فاهم حاجه
كل الى جه على بالى انى قطعتها مليون حته وطيرتها من فوق السطح ونزلت
صدق اولا تصدق
لقيت اختى مخضوضه وبتقلى مش قاعدة فى البيت دة تانى بقلها ليه بتقلى لقيت دخان طالع من السرير كانه بيولع
اخدتها على بيت ابويا الله يرحمه وحكيت لجوزها وشاف شقه تانيه ونقلوا فيها
ومن يومها محصلش بينهم مشاكل تانى
بس جوزها سال ناس فى الشارع واتضح ان الست الى ماجرين منها الشقه بتاعت اعمال وحاجات زى كدة
الى اقصدة ان ممكن انسان يكرة انسان بدون سبب وبدون ذنب
والاخر يطلع السبب ان حد عامل له عمل شيطانى

المشاركة الأصلية كتبت بواسطة فتح الباب

الجن موجود
والانس موجود
ولكل منهما حياته الخاصه ولا يختلط احدهما بالاخر
هذه منظومه كونيه ربانيه سبحان الله
عذا ذلك لا اصدق .......................................حتى لو رأيت بعينى فأنا اكذب ( عينى )
واصدق الله . ..............................
اما عن الجانب الدينى لو تكلمنا فلن ننتهى وهو خير دليل على ذلك
اشهد ان لا اله الا الله واشهد ان محمدا رسول الله

طيب لما نقول ان الرسول سحر يبقي هتصدق ولا ايه ؟

المشاركة الأصلية كتبت بواسطة شريف

ممكن دليل علي اللي بتقولة ؟

شريف باشا انت عايز دليل علي انهي جزئيه بالظبط ؟
عموما لو انت فاضي 10 دقايق ممكن تضرب لفه النت هتلاقي اصلا في جزء لوحده لموضوع السحر والجان

المشاركة الأصلية كتبت بواسطة midooo_119

امال النبى اتسحر ازاى مادام مش بيختلطوا؟؟؟
و ازاى النبى مسك جنى و كان عاوز يربطه فسارية المسجد ليطوف بيه غلمان المدينة لولا انه تذكر قول سيدنا سليمان رب اغفر لى وهب لى ملكا لا ينبغى لاحد من بعدى انك انت الوهاب
والجن العاشق موجود و شوفوا حلقه ريهام سعيد مع بنت اسمها دينا و انت هتعرفوا

بجانب ان الجن كان يعمل عند سيدنا سليمان عليه السلام
بجانب حديث الصحابي الجليل ابو هريرة في الصحيحين لما الجن كان يسرق منه اموال الزكاة وامسك به واخبره الجن بفضل اية الكرسي ولما اخبر النبي صلى الله عليه وسلم بذلك اخبره انه جن

اما قصة سحر النبي صلى الله عليه وسلم فهي واردة في البخاري و مسلم وهي سبب نزول سورة الفلق (( مع ان من الجهلة والفسقة من القرأنيين وغيرهم من يستخدمها لتكذيب البخاري ومسلم )) وقد اجمع العلماء على صحتها

وبعدين اللي مش مصدق مشوار صغير لعمارة رشدي و يبات هناك ليلة واحدة وبعدين يقول لنا رأيه


النبي صلى الله عليه وسلم امرنا ان نرمي العظام الا بعد التسمية حتى تكون طعاما لاخواننا المسلمين من الجن


سورة الجن (( ذهاب حي كامل من الجن الى النبي صلى الله عليه وسلم لسماع الدعوة والاسلام لما علموا ببعثه بأبي هو و امي صلى الله عليه وسلم وامره الله عزوجل ان يخبر قومه بجلوسه مع الجن ولو كان شئ مستحيل ما امر الله نبيه لاخبار قومه به في اول الدعوة ))

انا شخصيا كنت احضر دروس علم عند الشيخ وحيد بالي واخبرنا بوجود اخوة لنا من الجن اسلموا على يديه عندما اخرجهم من تلبسهم من ناس بفضل الله عزوجل يحضروا دروس العلم معنا ويقيموا معنا العشر الاواخر من رمضان ((كان بعضهم بيعمل عمرة بس مش عارف كان واخد التأشيؤة بكام الصراحة ههههههه))

ارسل النبي صلى الله عليه وسلم الى الجن والانس عامة

سكان الجنة من الجن والانس

سكان الارض قبلنا من الجن
المقصود بالخليفة في الارض (( استخلاف الانس للجن وليس استخلاف الانس لله عز وجل كما عن كتير من الناس

المشاركة الأصلية كتبت بواسطة islam_shady

زمان روحت اشوف عروسه جواز صالونات

الكل اجمع انها خارقة الجمال و فيها كل اللى الواحد عايزه

ماعدا انا

اول ما دخلت البيت جالى صداع فظيع و ماشوفتهاش اصلا و مارضيتش اتم الموضوع و نهيته

بعدها حسيت ان الموضوع فعلا فيه حاجه زى كده

حلو قوي الكلام ده

كان لسه متقدملها حد اخو صاحب جوز اختها وصاحب جوز اختها ده شايفها جميله يعني فعشان كده رشحها لاخوه
المهم اخوه جه وقعد معاها وراح مجاش وبصراح الموضوع يضايق فقام جوز اختها مكلم صاحبه وقاله كده مينفعش لازم تبعت رد قاله انا كلمت اخويا وقالي انه اول ماشافها قلبه اتقبض وفضلو ساكتين وشكرا علي كده
غير كلام اخوها الللي بيقعد معاهم لما يبقي في حد جيلها يعني بيقول ان صوتها بيبقي متغير قوي مش زي العادي بس انا مش مقتنع قوي لان هي ساعات بيبقي صوتها كده بس ممكن برده يكون بسبب الموضوع ده
المشكله انها مش مقتنعه تروح لحد عشان الموضوع ده