الموضوع: bmw e28

انا معايا بى ام دبليو 518 e28 حالتها كويسه جدا ولكن السياره سحبها كويس لغايه 80 لكن بعد 80 صوت الموتور بيعلى يعنى علشان اجيب 100 بيكون عددلفات الموتور 4 يعنى لو عاوز اجيب 120 مثلا هيبقى 5 اربى ام و140 هخش فى الرد زون هى العربيه بموتورها 1800 استوك اربعه غيار وحاله الموتور كويسه مفيش دخنه ولاتسريب زيت ولا اى حاجه وكل ميكانيكى يقولى الموتور كويس طب السبب من ايه هل دى امكانيات هذه السياره بس مش معقول د البيجو 1979 بتجيب 140 واحيانا 160 مش معقول بى ام موديل التمانيات تبقى كده والعربيه الى معايه كل غيار حدوده 20 كيلو متر يعنى الاول من صفر الى 20 والثانى من 20 الى 40 لوجبت بالتانى 60 بيبقى صوت الموتور عالى والتسارع بعد40 لو على الغيار التانى بيكون بطئ جداجدا مع انى ركبت سيارات 1600 سىسى ولكن احدث فى الموديل والثانى ممكن لغايه 70 طب ايه السبب هل ياترى هذه هى امكانيات هذا الموديل

من كلامك يبقى العيب فى الجير ...

ياريت كله يشارك برايه وخبرته لان الموضوع ده عملى ازعاج جامد خصوصا انى ببقى مسافر مسافات طويله وبفضل على 80 ولو مشيت على سرعه 100 بيكون صوت الموتور عالى فبضطر انزل لسرعه 80 تخيل انك ماشى طريق العين السخنه على 80 و90 ياريت حد يفدنى لانى دخت على الصنيعيه ولوزى ما العضو الفاضل قال الجير ازاى اتاكد وهل المشكله هتتحل لو غيرت الفتيس

ممكن يكون طقم الدبرياج

ديسك واسطوانة وبلية .

انا رحت للميكانيكى وبيقولى الاسطوانه مفهاش حاجه طب ايه السبب وبعدين امكانيات هذه السياره ايه يعنى المفروض الغيار التانى لغايه كام والتالت لغايه كام والرابع الى هو اخر غيار هيجيب معايا لغايه كام مع العلم انى ركبت سيارات مثل البيجو كان الرابع بيجيب فيها لغايه 140 مش عارف عندى العمليه محدوده ليه لدرجه انى فكرت انى اعدل واركب فتيس خمسه غيار بتاع موديل تانى

انا عاوز اعرف ايه السبب وازاى اتاكد لان ناس كتير بتقولى احتمال كذه وكذه واروح للميكانيكى يقولى مافيش حاجه فانا عاوز اعرف المشكله فين وازاى اتاكد منها بشكل يقينى

لو طقم الدبرياج سليم يبقى عيب فى الفتيس وممكن تغيره بواحد 5 غيار افضل ويريح الموتور .

انا عندى واحدة bmw m5 e28 الخمس غيرات التانى اخره 80 والثالث 140 والرابع 160 والخامس بيقفل