لاصحاب m 11تقيمكم ايه للعربيه وتنصحوني بيها وألا لا

**khaled_Saga** · 19-11-2012 09:38 PM

المشاركة الأصلية كتبت بواسطة moh_faheem

شكرا لجميع السادة الافاضل الذين قاموا بالرد والافادة
وشكر خاص للاستاذ خالد
والله الموفق والمستعان

العفو يا استاذ محمد ده واجبنا ..
انا قولتلك رأييى بكل امانة وضمير وذكرت العيوب قبل المميزات عشان محدش يقول ملاك الاسبرنزا متحيزين ليها .ز نسيت كمان اقولك التوكيل زبالة لكن حقيقى العربية جميلة وحبوبة

هحكيلك حكايتى مع العربية دى عشان تعرف ان موضوع الاستخارة مهم جدا مادام هتحط مبلغ فى عربية .. انا كنت هتجنن واجيب بريليانس fsv وكان الكلام ده بعد الثورة مباشرة لكن بسبب سوء الاحوال الاقتصادية كان الاستيراد واقف حبتين وبم ان العربية تقفيل صينى ووارد الصين مية فى المية فملحقتش منها الا حتة واحدة عند احمد موتورز الهرم وكان لونها زهرى وكان مغلى فى تمنها 10 الاف (85000 جم) فطبعا استحرمت خصوصا انى كنت هشترى تقسيط .. المهم اتجه نظرى للبروتون ساجا كنت معجب بأداءها بس كانت ضيقة عليا عشان انا طويل شوتيتين مكنتش بقعد فيها مستريح فكان ده مضايقنى وشكلها من ورا مضايقنى بردو وفضلت اقارن وادور ومكنتش حاطط اسبرنزا فى حساباتى لان المدام كانت رفضاها رفضا بتا بتا معرفش ليه والمشكلة انها بتسوق وبتفهم شوية فى العربيات فكان ليها جزء من القرار .. المهم وقفت واحد معرفوش راكب ام 11 وسألته عنها واقنعت المدام واستخرت ربنا ولقيتنى مرتاح جدااااا لما اخدت القرار ده واتوكلت على الله واشتريت .. مفيش شك كان فى اول ما اشتريتها هوسهوس الصينى بيراودنى وكل ماتسمع صوت تفتكره طالع من عربيتك لكن بعد سنة ونص (20 الف كم) اكتشفت ان كل مشاكلها كانت كلام فارغ وسببه سوء التقفيل ورداءة الخامات انما كأساسيات العربية صاج متين بسم الله ماشاء الله وثبات عالى وفرامل وشكل جذاب .. العيوب زى ماقولنا فوق بقا.

مش هطول عليك وربنا يوفقك فى الاختيار

**hemaa_82** · 20-11-2012 08:47 AM

انا بقي يا خالد جبت 190 صحراوي و 200 علمين ... بس لما بصيت علي معدل استهلاك البنزين مشيت 140 لان علي 200 العربية كانت بتسحب من 21 الي 23 لتر لكل 100 كيلو .....
صباح البنزين اللي في الهوا ....

**TAMERMEGAHED** · 20-11-2012 09:50 AM

السلام عليكم
احب انقل تجربتى حيث ان السياره كانت معايا لمده شهر وانا مأجرها وماشاء الله كانت تحفه وماكنتش مصدق انها صينى لولا خامتها الضعيفه شئ ما ولكن بصراحه انا سافرت بيها من القاهره مطروح وكان قمه الثبات وانا ماشى تقريبا 180 وانا مشغل التكييف بتاعها الى فعلا ممتاز بالنسبه لبعض الكورى وبعد كده بالنسبه للعفشه كويسه لحد ما لانى اخدت شويه مطبات غصب عنى بس كانت ناشفه شويه بس اعتثد ان الصيانه اسعارهاغاليه شويه وده من صاحب العربيه

**moh_faheem** · 20-11-2012 02:21 PM

والله الاجمل من السيارة m11 هو اصحاب هذه السيارة لان مشاركتكم جميلة جدا ومفيدة ومقنعة جدا
وبأذّن الله هأستخير ربنا
والله يفعل ما يريد

**hemaa_82** · 20-11-2012 04:19 PM

طب سؤال للاخ </B>TAMERMEGAHED اللي معاه اوبترا و سيراتو كوبيه اللي اجر العربية شهر...

لو هنديهم ارقام هما ال 3 ... تدي كل واحدة كام من عشرة ؟؟؟؟

و لو قيمناهم بالنسبة لفلوسهم ؟؟؟ مين فيهم احسن واحدة بالنسبة لفلوسها ؟؟؟؟

**aftr** · 20-11-2012 06:01 PM

النهارده ياهيما اقسم بالله كان ورايه ابترا حب يشد معايه والله العظيم حسيت انه هيموت عشان يحصلنى بس مين يامعلم بسم الله ماشاء الله ربنا يحرص العربيه دى بجد الثبات فوق الممتاز المهم خلاص وصلنا لحد الكارته لقيته بص عليه اكنه بيقول الصينى يعمل كده فيه اه والله فضلت اضحك قولت ربنا يسترها

**TAMERMEGAHED** · 21-11-2012 11:21 AM

المشاركة الأصلية كتبت بواسطة hemaa_82

طب سؤال للاخ </B>TAMERMEGAHED اللي معاه اوبترا و سيراتو كوبيه اللي اجر العربية شهر...

لو هنديهم ارقام هما ال 3 ... تدي كل واحدة كام من عشرة ؟؟؟؟

و لو قيمناهم بالنسبة لفلوسهم ؟؟؟ مين فيهم احسن واحدة بالنسبة لفلوسها ؟؟؟؟

الاستاذ الكريم هيما
انا كان معايا اوبترا وكانت مستعمله بس بصراحه العربيه ماشاء الله عليها عربيه ثابته وقطع غيارها متداوله وتقفيلها الداخلى خامات جيده وكنت دائما اشعر ان موتورها قوى عن البودى بتاعها وفعلا عربيه محببه الى قلبى واعتقد انها سعرها مقبول جدا بالنسبه لامكانيتها
اما بالنسبه للسيراتو الكوبيه فهى معى الان الحمد لله وهى عربيه جيده لكن بالنسبه لسعرها اعتقد ان سعرها غالى بالنسبه لامكانيتها وخصوصا انها كوبيه فسعرها اغلى من السيدان شويه ولكن خاماتها الداخليه جيده جدا
اما بالنسبه لل m11 لما اجرتها لانى كنت نازل اجازه القاهره لانى اعمل فى السعوديه فاعتقد ان هى انسب سعر ولكن خاماتها الداخليه ضعيفه ولكن موتورها قوى ومناسب لحجم العربيه وثبات جيد