card not detected

**airfox** · 16-11-2012 04:46 PM

النهارده و انا جاي ادور العربيه ظهرت الرساله card not detected المهم شلت الكارت و حطتوا تاني دارت و بعد شويه والعربيه دايره ظهرت علي الشاشه و بعد كده راحت و لم وقفت ودورت تاني مره ظهرت و التانيه لا و دلوقتي بيدور عادي بس مش عارف اه المشكله يا ريت لو حد عنده معلومات يفيدني و شكرا

**solly1979** · 16-11-2012 04:53 PM

انا بعد مدور العربيه بشيل الكارت اصلا على طول والرساله بتطلعلى بردة بس مش فاكر امتى بالظبط بس عادى طلعتلى كتير بس الكارت بيبقا برة اصلا
بس لو الكارت محطوط عمرها مبتطلع
انا بشيل الكارت علشان لما اجى ادوس على الانتظار مغلطش وادوس على Start/stop button
والعربيه تقف منى ولما احب ابطل ادوس مرتين

**karezzzma** · 16-11-2012 05:19 PM

الكارت الى معاك ابتدى يبووظ
طلع واحد تانى بدل اما يبوظ خالص ومش تعرف تدورها

**airfox** · 16-11-2012 05:31 PM

انا قولت اغير البطاريه و غيرتها بس بره الرساله بتظهر يعني اجي ادور تظهر اشيل الكارت و احطه تاني العبيه تدور ادي و مش عارف اعمل ايه هل ممكن الكارت يتصلح عند حد لانه الكارت الاصلي و التكلفه تكون كام ومكانه فين و ايه سبب ظهور العيب ده

**medori** · 16-11-2012 06:25 PM

كده الكارت ابتدا يبوظ، الاحسن تروح لحد يصلحه، فى كذا واحد بيصلحوا فى حدود 100 او 150 جم، بالكتير اوى 200 جم، هتلاقى ناس بتضرب ارقام عجيبه و بتقولك 400 و 500 و كلام من ده، سيبهم و امشى على طول.

انا اعرف 2 جنبى، واحد عند عمارات الفاروقيه فى جسر السويس بعد مدينه قباء و انت رايح على الحرفيين وواحد تانى فى الحرفيين، و كنت شفت فى مواضيع قبل كده ان فيه ناس فى مدينه نصر و واحد تانى فى شارع السودان، شوف ايه اللى اقرب ليك و روحله

**medori** · 16-11-2012 06:28 PM

على فكره البطاريه ملهاش اى علاقه بالدواره، البطاريه عشان السنتر بس، انا الكارت اللى بدور بيه بايظ فيه السنتر و مقيهوش بطاريه اصلا و بيدور من غير اى مشكله

**MohammedAladel** · 16-11-2012 08:14 PM

اللى بياخد فى تصليح الكارت 150 حرام عليه

بس كل حاجة فى مصر بالشكل دا والانتهازية منتشرة فى كل حاجة برغم إن لو الكارت باظ وفكيته بنفسك هتصلحه العملية بسيطة يعنى

**airfox** · 16-11-2012 09:51 PM

انت شوفت الفيديو بتاع طريقه تصليح الكارت بس الصراحه انا مش عندي مكنه القصدير و مش عندي قلب افتح المفتاح و كمان مش عارف بعد ما افتحه هرجعه ازاي انت سمعت ان في واحد في جسر السويس اسمه مركز سعيد الفني ناس بتشكر فيه و في واحد في طريق الاتوستراد بس مش موضحين مكانه بالظبط انا مش عارف والله ايه العمل هي شكله حاجه عبيطه بس مش عارف اعملها ازاي

**MohammedAladel** · 17-11-2012 01:52 AM

http://www.nilemotors.net/Nile/3874509924-post3.html

**Ahmed Selim** · 17-11-2012 12:51 PM

المشاركة الأصلية كتبت بواسطة airfox

النهارده و انا جاي ادور العربيه ظهرت الرساله card not detected المهم شلت الكارت و حطتوا تاني دارت و بعد شويه والعربيه دايره ظهرت علي الشاشه و بعد كده راحت و لم وقفت ودورت تاني مره ظهرت و التانيه لا و دلوقتي بيدور عادي بس مش عارف اه المشكله يا ريت لو حد عنده معلومات يفيدني و شكرا

زى ما الشباب وضحوا لك.........الكارت كده أبتدى يبوظ............يا تشوف حد يصلحه أو تطلع واحد تاني.

المشاركة الأصلية كتبت بواسطة solly1979

انا بعد مدور العربيه بشيل الكارت اصلا على طول والرساله بتطلعلى بردة بس مش فاكر امتى بالظبط بس عادى طلعتلى كتير بس الكارت بيبقا برة اصلا
بس لو الكارت محطوط عمرها مبتطلع
انا بشيل الكارت علشان لما اجى ادوس على الانتظار مغلطش وادوس على Start/stop button
والعربيه تقف منى ولما احب ابطل ادوس مرتين

لو أنت ماشي بالعربية و دوست على زرار stop العربية مش هتبطل :)

العربية مش بتبطل غير لو واقفة تماماً.

جربها فى مكان فاضي.

الموضوع: card not detected

LinkBack

أدوات الموضوع

عرض

-

-

-

-

المواضيع المتشابهه

هو نيل موتورز متفيرس ؟؟؟؟؟؟؟؟ Malware detected

كارت الميجان not detected

smart card

Car DVD/ VCD/ CD/ CD-R/ CD-RW/ MP3/ MP4/ USB/ SD/ MMC Card

الكلمات الدلالية لهذا الموضوع

المفضلات

المفضلات

ضوابط المشاركة