عرض للطباعة
السلام عليكم
يا جماعة أنا معنديش خبرة في السيارات والضمان و كنت سألت في معرض على مواصفات العربيات الكيا ريو الهتشباك اوتوماتيك و في 3 فئات منها في التوكيل و أول فئتين حساهم تقريبا فاضيين و الهاي لاين سعرها غالي عليا, والخليجي سعر وأوبشنز مناسبة ليا بس خايفة عشان مفيش ضمان و برده خايفة من إني أشتري ضمان إنه مش هيبقى زي التوكيل, معلش عايزة رأيكم و إيه رأيكم في العربية أصلا, أنا فكرت أستنى شوية و أجيب بدالها فورد فيستا .... شكرا
لو فى امكانيه تجيبى الفورد هاتيها طبعا
بالنسبة للخليجى ممكن تشترى ضمان لمده سنه عشان لو لا قدر الله ظهر عيب صناعه يتحل
شخصيا افضل الفورد فيستا عن الريو
الفيستا فئة قليلة اشتروها ومعرفش قالوا ايه عنها ولكن بشكل عام انا معايا الريو توكيل وانت هات توكيل افضل وريح دماغك من القلق
الريو على أعلى مستوى عندي بجد فعلاً روعة وممتازه وشكلها جميل وكماليات لكن احنا العرب مجانين بحاجة اسمها اوروبي بجد فعلاً حتى لو الاوربي كانت عربية سيئة هيقولوا لك لا دي عربية مش عارف صناعة ايه بدون ما يكون جرب العربية اللي هو طلعها من الاختيار ولا حاجة
المهم الفور بشكل عام ممتازه وانا مع خالي فوكس وجربتها وركبتها اكتر من مره وممتازه جداً
فالاختيار انا عن نفسي احتار ومعرفش سعر الفيستا كام ولكن لو سعر الفيستا اغلى من الريو يبقي اشتري الريو وتوكل على الله مش هتندم ابدأ شكل ومنظر وامكانيات وكماليات وموتور بتقنية عالية جداً لان
فالاتنين في كفة واحده ولكن السعر الاقل هو اللي هيتكلم لان الاقل في السعر اشتريه فوراً من الاتنين
شكرا على ردك, لأ الريو سعرها اقل أعلى فئة فيها تمنها 126000 لكن الفيستا فئة واحدة بس تمنها 134000اقتباس:
المشاركة الأصلية كتبت بواسطة 2code
ممكن أعرف حضرتك معاك أنهي فئة من الريو و ليه اعلى فئة بس اللي فيها اير باج ولا الفئة اللي تمنها 116000 ده كمان فيها لاني اتلخبط جدا من كتر الفئات اللي كانت موجودة في الخليجي
لان مشكلتي مع الريو تحديدا هي عوامل الامان بس
شكرا على ردك, الفيستا رغم إنها مش منتشرة بس مشفتش حد بيشتكي منها بصراحة, بس تعرف حد جرب إنه يشتري ضمان وكان فعلا زي التوكيل؟اقتباس:
المشاركة الأصلية كتبت بواسطة temo85
انا معايا الريو 2013 الخليجي اعلي فئة هي هي الوكيل ولكن يزيد عليها جنط ال 17 بس ده كده هيخلي العفشة عندك ناشفة , 2 ايرباج اي بي اس و اي بي دي ( المفروض يعني ) انا اشتريت ضمان تريبل ايه 3 سنوات ب 2 جنيه ضد عيوب التصنيع يعني لو في اي حاجة لا قدر الله هيغيروها , والحمد لله انا جبتها و مفيش اي مشاكل بالنسبة للصيانة اللي اعرفه اني اعمل صيانة في اي مركز صيانة تابع للتوكيل او غيره و مفيش مشاكل ان شاء الله .اقتباس:
المشاركة الأصلية كتبت بواسطة israa17
بالنسبة للفيستا انا كنت بفاضل بين كذا عربية فلوانس و اكسنت و النترا ولقيت ان الريو افضلهم كسعر مقابل اداء او امكانيات , الفيستا اوروبي اه بس مش الفرق الكبير اللي يخليني اروحلها افضل عنها الفلوينس لو هجيب , اهم حاجة الاستخارة وربنا يوفقك و تحت امرك في اي استفسار عن الريو .
كيا ريو هاي لاين وكيل
بس الفيستا هتبقي أحسن من الريو
كثبات و ده شيء أكيد
أنا لو قدامي الاتنين بصراحه هختار الفييستا و أنا مغمض
الريو جميله و كل حاجه بس الفييستا أفضل بفرق مش قليل
هاتى الخليجى بس تكون من عند مستورداقتباس:
المشاركة الأصلية كتبت بواسطة israa17
واشترى ضمان تريبل ايه او ميدل ايست
الخليجى تقفيل وامكانيات ضربت الوكيل
جنوط 17 سبور
فوانيس ليد امامية وخلفية
تكييف ديجيتال
حساس ركن
حساس مطر
حساس نور
فرش جلد
عدادات متطورة
مرايات كهرباء حرارية ضم
ليدات فى المرايات
2 اير باج
فرامل abs
وفى بعض الفئات فيها برنامج توازن الكترونى
وروحى شوفى مركز خدمة تريبل ايه و مركز خدمة ميدل ايست قبل ما تشترى
وربنا يوفقك للخير ان شاء الله
و لا مجانين ولا حاجة يا باشااقتباس:
المشاركة الأصلية كتبت بواسطة 2code
الموضوع بسيط
شوف فورد بتصنع عربيات من امتى و كيا بتصنع عربيات من امتى ؟
اوروبا معروفة دايما بالجودة عن كوريا يعنى لو حتى بتشترى اى حاجة مش عربية شوف مثلا لو حاجة صناعة المانى او فرنسى و حاجة صناعة كورى شوف هتختار ايه فيهم ؟ فيه فرق كبير اوى فى الخبرة و العقلية نقسها و التطوير و طبعا اوروبا هى اصل العربيات ..
طبعا دا مش معناه ان كوريا عربياتها وحشة لا بالعكس ليها مميزات خصوصا هنا فى مصر بعيدا عن العربية نفسها ..
بصراحة انا لو مكانك هفكر فى الاوبل كورسا .. عربية حلوة و فيها بانوراما و جنط 17 و منتشرة شوية عن الفييستا
اقتباس:
المشاركة الأصلية كتبت بواسطة mohab.nabil
هو انا يعني مينفعش اكون متعلم اكتر منك وانا اصغر منك سناً ؟ كلام لايعقل !
اقتباس:
المشاركة الأصلية كتبت بواسطة mohab.nabil
هنعيده تاني يا جماعة يعني معنى كده لو مهما عملت اوروبا من عربيات حتى لو كانت سيئة هتشتريها وانت مغمض من غير ما تشوف اراء اللي اشتروها ولا تجربة ولا غيره ؟
هوهل يعقل يا جماعة ان خط انتاج لايتغير مستواه ؟ دا كلام علمي يا جماعة اي خط انتاج ممكن ان تقل جودته وتزيد جودته والجوده العالي اذا اتغيرت مش بتتغير الا للاسوء ولكن الخط السئ لما يتغير ممكن يكون للافضل
الموضوع مش موضوع ده بيصنع في سنة كام وده كام طيب ما انت عندك ناس عواجيز في البلد وفي ناس شباب يفهموا اكتر منهم مليون مره ومش واخدين فرصتهم نفس الموضوع ينطبق على كلامك يعني مينفعش ان يطلع حد احسن من القديم ؟ كل ده علشان اللي بيصنع العربية دي في اوروبا ؟ طيب تخيل فورد كانت في كوريا كنت هتقول ايه :36_7_4[1]:
ياريت نغير تفكيرنا شويه ونتكلم بواقع (التجارب) محدش ركب الفيستا قبل كده ومش بنشوفها في الشوارع الا نادراً واللي يقول لك الثبات ومش عارف ايه انا ركبت الفورد فوكس وبركبها مليون مره هي والريو عندي كنت لقيتني دخلت اقول للناس على الريو سيئة لو الفرق زي ما بتقول كده
انا معايا الريو هاي لاين توكيل فيها 2 ايرباج و abs و ebd ودي اعلى وسائل امان في عربية في نفس الفئة السعرية لعلمكاقتباس:
شكرا على ردك, لأ الريو سعرها اقل أعلى فئة فيها تمنها 126000 لكن الفيستا فئة واحدة بس تمنها 134000
ممكن أعرف حضرتك معاك أنهي فئة من الريو و ليه اعلى فئة بس اللي فيها اير باج ولا الفئة اللي تمنها 116000 ده كمان فيها لاني اتلخبط جدا من كتر الفئات اللي كانت موجودة في الخليجي
لان مشكلتي مع الريو تحديدا هي عوامل الامان بس
يا باشا بالراحة بس انا مش عارف ليه متعصب كده ؟اقتباس:
المشاركة الأصلية كتبت بواسطة 2CODE
دلوقتى طبعا الاولوية و الطبيعى ان الاكبر يبقى احسن .. يعنى لو عندك مدرس او استاذ جامعة طبيعى هيبقى ذو خبرة و اداء افضل من التلميذ الا بقى فى حالات قليلة بس الطبيعى اللى شغال فحاجة بقاله 100 سنة مثلا مش زى اللى شغال فى حاجة بقاله 20 سنة مثلا الا بقى لو اللى شغال 100 سنة دا فاشل اصلا فاللى بدأ بعده بمراحل عرف يسبقه .. و مثال حضرتك فى غير محله .. عشان محدش يقدر يقول ان كيا عندها تكنولوجيا و تعليم افضل من فورد .. حتى كيا نفسها متقدرش تقول كده :wink14:
اكيد لو عربية سيئة محدش هيجيبها حتى لو صناعة المانى بس احنا بنتكلم عن فييستا محققة ارباح برة زى الفل و عربية معروفة
يا باشا انا هقولك على حاجة بصراحة لو مش لاقى فرق بين الفوكاس و الريو تبقى حاجة غريبة شوية لأن اصلا الفوكاس مش فئة الريو :brn: ..
و على فكرة انا بتكلم عن تجربة عامة و ركبت عربيات كورى و اوروبى كتير و فيه فرق واضح بين الاثنين ...
و برضه انا بحب الريو جدا و شكلها حلو فعلا و كيا بتطور من نفسها جامد بس فى نفس الوقت العربية غالية اوى يعنى مش عارف بصراحة لما الريو السنة ديه تبقى بسعر السيراتو الكوبيه من سنة و اهى ديه عربية من نفس الشركة و فئة اعلى و كوبيه كمان و مفيش فرق فى الاوبشنز تقريبا
انا بصراحه باقلق من موضوع الخليجى و ما باحبش أخد المخاطره و اشترى ضمان و بعد كده انا و نصيبى لو لاقدر الله حصل مشكله . هو ده مش نتيجه تجربه سيئه و لا حاجه بالمناسبه لكن إذا كانت التوكيلات نفسها اللى جايبه العربيه أحيانا بتستهبل فما بالك بضمان من شركه وسيطه ؟ هى بتحسس اللى اشترى انه كده عمل اللى عليه و جاب ضمان و خلاص إنما الاعتماد عليه هو ده المشكله . العربيه اللى من الوكيل بتبقى كمالياتها اقل اكيد و أغلى شويه طبعا بس فى مقابل الضمان و فى حاجات من اللى موجوده فى الخليجى ينفع تتركب على بتاعه الوكيل و تبقى العربيه بالضمان برضه. طبعا ده علشان الواحد يأمن نفسه على قدر الإمكان و خاصه لان مفيش حاجه تحمى المشترى الغلبان فى حاله لو اتدبس فى حاجه فيها مشكله :rfds:
ماهو ده اللي مخلي مصر ورا اعذرني ولكن بجد انا مبنقدرش العقول في البلداقتباس:
المشاركة الأصلية كتبت بواسطة mohab.nabil
الانسان حياته هرمية يعني يبدأ بالطبقة السفلى وهي مرحلة الطفولة حتى ان تصل للمرحلة العليا التي هي مرحلة الشباب وفيها يكون نضج العقل بعدها يبدأ ينخفض من الطبقة العليا من الهرم الي الطبقة السفلى مره اخرى وهي فتره الشيخوخة وفيها دمار وصغر العقل وده معروف طبعاً
جميل جداً وده اللي احنا عايزينه بس انا مش هقول لك انت طبعاً سيد العارفين ان متاخدش برأي الناس برا على اي عربية لان العربيات اللي بتجيلك هنا غير اللي عندهم نهائياً طيب ما لو هنتكلم كده ريو اخدت جوايز كتيره جداً وتشوفها على موقعهم بس العربية اللي عندهم غير العربية اللي بتجيلك خالصاقتباس:
اكيد لو عربية سيئة محدش هيجيبها حتى لو صناعة المانى بس احنا بنتكلم عن فييستا محققة ارباح برة زى الفل و عربية معروفة
فللاسف ده مش مقياس انا مشتريتش العربية على اراء الاجانب انا دخلت هنا شوفت مين اشترى الريو وقال ايه عليها وده الصح مش تشوف برا ايه الاخبار واشتري ما انت عارف التوكيلات بتعمل ايه في مصر والعربيات بتجيلنا ازاي
تصدق يا مهاب انا زمان مكنتش بحب الكيا نهائي واي حد كان بيجيب كيا كنت بقول له ملقتش الا الكوري! وده غلطنا اننا بنعمم على الحاجةاقتباس:
يا باشا انا هقولك على حاجة بصراحة لو مش لاقى فرق بين الفوكاس و الريو تبقى حاجة غريبة شوية لأن اصلا الفوكاس مش فئة الريو :brn: ..
و على فكرة انا بتكلم عن تجربة عامة و ركبت عربيات كورى و اوروبى كتير و فيه فرق واضح بين الاثنين ...
و برضه انا بحب الريو جدا و شكلها حلو فعلا و كيا بتطور من نفسها جامد بس فى نفس الوقت العربية غالية اوى يعنى مش عارف بصراحة لما الريو السنة ديه تبقى بسعر السيراتو الكوبيه من سنة و اهى ديه عربية من نفس الشركة و فئة اعلى و كوبيه كمان و مفيش فرق فى الاوبشنز تقريبا
لكن بعد السيراتو بدأت اغير رأيي وجت الريو وكل ده خلاني اغير رأيي وليه لأ ما انا اشتريتها بالفعل :)
لصاحب الموضوع محدش اشتري الفيستا كتير ليه تكون انت من الناس اللي هتتجرب فيهم العربية في مصر ؟ احنا المصريين مش لاقيين الفلوس في الارض فعلشان كده خليك في حاجة الناس اشتريتها ومجرباها واهم حاجة توكيل العربية ايه اخباره هي دي اهم عوامل شراء العربيات خصوصاً في مصر العربية بتجيلنا صفيحة وموتور مش اكتر ولو حبيت تشتري شويه وسائل امان في العربية تلاقي فرق 40 او 50 الف جنية فعلشان كده شوف اراء الناس في العربية ومتشتريش عربية محدش جربها كتير ومش منتشره شوف الريو شوف الاوبل كورسا هتلاقي عربيات برضه في نفس الفئة ولكن الارخص ومقابل الجوده ووسائل الامان هتلاقي الريو
يا باشا مين قال ان كلامى معناه ان مفيش تقدير للعقول بس طبيعى اللى عنده خبرة منك و عاش تجارب اكتر منك يبقى احسن منك و بعدين احنا بنتكلم عن صناعة يعنى بحث و تطوير و علم مش واحد ذكى خلاص يبقى هو احسن واحد .. يعنى هقولك مثال تانى لو انت و حد تانى و قعدت تدرس 100 سنة و تطور فى نفسك و ابحاثك و تنتج و حد تانى قعد يطور فى نفسه 20 سنة طبيعى و منطقى جدا ابو 100 سنة هيبقى احسن من ابو 20 دا مش تقليل من ابو 20 بالعكس كويس انه قادر ينافس مع ابو 100 بس زى ما قلتلك طبيعى جدا ان صاحب الخبرة يبقى الافضل لأن و لا الاوروربيين اغبياء و لا الكوريين اغبياء ، كل ما فى الموضوع ان فيه فرق تراكم خبرات و تطوير و بحث يدى الافضلية لاوروبااقتباس:
المشاركة الأصلية كتبت بواسطة 2CODE
يمكن مثال الانسان مكنش فى محله اوى بس احنا زى ما قلت بنتكلم عن صناعة ايه اللى هيخلى شركة كبيرة بتطور و بتبحث ترجع لورا او حتى تقف تستنى المنافسين اللى ابتدوا بعضها انهم يحصلوهااقتباس:
المشاركة الأصلية كتبت بواسطة 2CODE
لا معلش الكلام دا معظمه فى الكورى و اليابانى .. هقولك ليه العربيات الاوروبى معظمها بيجى من برا مش تقفيل مصرى و فى نفس الوقت العربيات الاوروبى هنا مبيعاتها تكاد لا تذكر بالنسبة للشركات الام فمش هيقدر ينزله خط انتاج بمواصفات مختلفة و اظن انى عمرى ما سمعت عن عربية اوروبى بيحصل فيها اللى بيحصل فى الكورى هنا فى مصر من فك و تركيب اوبشنز زيادة و كلام من ده و ده طبعا برضه مش عيب من شركة كيا مثلا دا عيب ضمير الناس هنا فى مصر ..اقتباس:
المشاركة الأصلية كتبت بواسطة 2CODE
الفييستا اللى هنا زيها زى اللى بتنزل برة و دا حال كل العربيات الاوروبى فى مصر تقريبا و هتلاقى فرق اوبشنز بس يعنى مش جايبين اعلى فئة بس العربية نفسها هى هى
يا باشا انا مش بكره الكيا ولا الهيونداى و الله و كتير اتخانقت مع ناس فى المنتدى هنا و انا بدافع عن الكورى بس فيه برضه فرق بين الاوروبى و الكورىاقتباس:
المشاركة الأصلية كتبت بواسطة 2CODE
و على فكرة انا نصحت ناس كتير اصحابى بكورى و صينى كمان بس كل وضع و ليه ظروفه و احنا بنتكلم عن معادلة كاملة يعنى مش عربية و خلاص لا فيه اعادة بيع ، سهولة تصليح ، قطع غيار متوفرة بسعر كويس ..
و برضه كلام الزيادة فى الفلوس ده عشان الامان فى الكورى بس ، الاوروبى بينزل standard بوسائل الامان abs & airbags & ebd .. نادرا ما تلاقى عربية اوروبى مفيهاش الكلام ده عكس الكورى نادرا ما تلاقى فيه الكلام ده و ده برضه مش عيب كيا او هيونداى عيب الوكلاء هنا فى مصر
بصراحة كعربية قصاد عربية الكورسا و الفييستا افضل من الريو .. بس لو حطينا اطراف المعادلة التانية زى الصيانة و الانتشار و قطع الغيار الريو هتنافس
ناس كتير من ملاك العربيه اشتكومن الريو علشان استهلاك البنزين بتاعىها عالى جدا دورى هتلاقى المواضيع فى المنتدى
يا جماعه أنا كنت برضه بفكر فى الفيستا قبل مجيب الريو
بس لما ركبت الفيستا لقيتها ضيقه جدا من وراه كمان الشنطه ضيقه و ده الى خلانى أختار الريو
الى بيقوا أن الريو ضعيفه أو وحشه يبقى مركبش العربيه و ميعرفش عنها حاجه
أنا جبت الوكيل علشان كنت خايف من مشاكل العربيه بس الحمد لله مفيش مشاكل غير أستهلاك البنزين عالى و فيه كلام أننا ممكن نغير البوجيهات العاديه ب راديوم فى أبو رواش بس أنا لسه مجربتش ده
غير كده الحمد لله مفيش مشاكل
من رأيى تجيبى الفئه التانيه أو التالته من الأوتو (على حسب أمكانياتك) غير كده حتكونى مضايقه من قله الأوبشنز
والله يا جماعة العربية زى الفل ومفيش فيها مشاكل غير ان استهلاك البنزين عالى شوية واتحلت
انا كان معايا موديل 2012 هاى لاين وكيل - الدفعة اللى كان فيها مشكلة استهلاك البنزين العالى وعدم الاستجابة للتسارع
مشكلة البنزين خلاص اتحلت مع البوجيهات الراديوم - بقى الاستهلاك طبيعى جداً مع التكييف 7.5 لتر
وموضوع عدم الاستجابة للتسارع فى السرعات البطيئة - كانت مشكلة تعديل للسوفت وير بتاع الكنترول واتحلت وبيتعمل فى التوكيل من غير اى تكلفة والنتيجة مرضية جداً
يا جماعة والله العظيم انا سافرت بالعربية دى وكنت ماشى بسرعة 200 كم/س فى طريق وادى النطرون والعربية كانت زى الفل
انا بعت العربية دى وهجيب واحدة ثانية بس هاتش باك خليجى ان شاء الله
العيب الوحيد فى العربية ان الفتيس بتاعها 4 سرعات بس مش 6
عاوز اقول حاجة كمان
اللى عاوز يجرب العربية قبل ما يقرر يشترى :
كلم 19542 - واحجز تجربة قيادة
جرب العربية واحكم علىها بنفسك..
شكرا على ردك, طب معلش ممكن أعرف الفئة التانية اللي من الوكيل إيه الأوبشنز بتاعتها وفيها اير باجز ولا لأ عشان ده مهمة بنسبالي, أنا ممكن أجيب الفئة التانية دلوقتي أو أصبر كام شهر و أجيب الهاي لاين بس لو حسيت اماكنيات الفئة التانية مناسبة ليَّ هجيبها بإذن اللهاقتباس:
المشاركة الأصلية كتبت بواسطة tmhami
أنا معايا الفئه التانيه فيها 1 أير باج و جنط 15 و ريموت بيفتح الشنطه , و الباب طبعا و الطاره و الفتيس جلد و كنسول
المرايات ظبط كهرباء مش ضم , فوج لايت
الحاجات ديه بالنسبه للسيدان
الهاتشباك فيها أوبشنز زياده فى نفس الفئه زى الفيميه و مرايات ضم كهرباء و حاجات تانيه بس مفهاش أير باج
أدخلى على موقع kia Egypt
و حتلاقى كل الفئات بالتفاصيل كلها سواء hatch back أو sedan
Specifications : Kia Rio, a talented compact: Models l KIA Motors
أى سؤال أنا تحت أمرك
سؤال لو سمحت ما هو مركز خدمة تريبل ايه و مركز خدمة ميدل ايست