انا مدمن ومش عاوز اتعالج

**zrzr1** · 18-11-2012 10:42 AM

مبروك عليك يا باشا ربنا يديك خيرها ويكفيك شرها

**sherif_m72** · 23-11-2012 02:45 AM

والله انا مش عارف ارد اقول ايه بس انا حاسس انى رجعت بيتى تانى
انا اسف انى مش برد كتير وده عشان شغلى وسفرى الدائم وبالنسبه لموضوع انى ابيع ده مش فى حساباتى خااااااالص دلوقتى وموضوعى المكنه انها 1600 ده فعلا اكبر مشكله انا رشقت فيها لانى عربيتى اللى قبليها كانت 2000 سى سى وايكوتيك كمان تخيلوا انتوا فرق القوه والعزم بس ان شاء الله هحاول انى اتأقلم عليها
شكرا لكل من باركلى ودعالى او دخل وقرا بس
انا هجرب بكره اللى قولته يا فادى ويارب يكون تنضيف فيش وبس

**forget** · 24-11-2012 02:00 AM

المشاركة الأصلية كتبت بواسطة فادى محمد

ع البركه يا شريف باشا
ماشاء الله الموتور اللي معاك من احسن المواتير اللي نزلت في الفيكترا من حيث ندره الاعطال ورخص تكلفه الصيانه
-موضوع الايه بي اس ..
نظف ال4 حساسات اللي في العجل وغير زيت الباكم لانه لو مش نظيفف بياثر علي بلوف جهاز الايه بي اس
-بعد كده لو ماشتغلش هقولك تعمل ايه ؟؟

يعنى لو االوحدة فاصلة واللمبة مبتنورش أساساً هل ممكن يكون عيب الحساسا ونضافتها ولا دى حالة تانية؟؟؟؟

**فادى محمد** · 24-11-2012 11:34 AM

المشاركة الأصلية كتبت بواسطة forget

يعنى لو االوحدة فاصلة واللمبة مبتنورش أساساً هل ممكن يكون عيب الحساسا ونضافتها ولا دى حالة تانية؟؟؟؟

-لو الحساسات مش نظيفه او جه عليها ميه غسيل اللمبه هتنور لان مفيش اشاره
-لو اللمبه طافيه والايه بي اس مابيشتغلش يبقي عاوز يتنشط ,غير زيت الباكم بنوع نظيف يكون لزوجته دوت4 في كتير من الحالات دي بيشتغل تاني لان وساخه الزيت بتاثر علي عمل البلوف الداخليه للجهاز