اقتباس:
المشاركة الأصلية كتبت بواسطة shaddadfalcon1
بجد ؟ الحكومه اختارت سواق الأتوبيس ؟ الحكومه هي اللي قالت لسواق الاتوبيس عدي من علي المزلقان والقطر جي ؟ انت عارف يعني ايه قطر يضرب عربيه علي المزلقان ؟ ده معناه ان العربيه عدت وهي بينها وبين القطر امتار معدوده يعني ده لا مش غلطة حكومه ولا خفيير ولا رئيس
دي غلطة شعب مستهتر فاكر كل حاجه بتيجي بالفهلوه
روح عند اي مزلقان وشوف الخفير بيبقي بيهري في نفسه عشان الناس متعديش وتلاقي برده الناس بتعدي بسرعه وفي ناس بتتباهي انها عدت بسرعه قدام القطر
كلكم راع وكلكم مسئول عن رعيته
الحكومه من الشعب و تلك نقطه اما النقطه الاخري انا اعلم ان سبب تلك الحادثه هو استهتار سائق الاوتوبيس حتي لو كان المزلقان مفتوح فكان عليه عدم المرور من خلاله
اقتباس:
المشاركة الأصلية كتبت بواسطة yasserelsayad
يا سلام ...
الخفير وسواق الاوتوبيس من الشعب المستهتر اللى مش عنده ضمير فى شغله
المشكلة مش فى الحكومة .. لو كل واحد عمل اللى عليه من الناس والتزم مش هيحصل مشكلة
لكن احنا عمالين نقول الحكومة الحكومة ومش بنغير حاجة من نفسنا
امبارح حصل حادثة باردوا فى طريق الجامعة عندى .. سواق متخلف بيجرى بالمكروباص وراح مقلوب ومات في الموضوع 17 فرد تقريبا .. هقول الحكومة زفت ولا اقول لازم القنديل يمشى .. الناس تلم نفسها شوية وتحترم القوانين وحتى لو عايز يجرى يبقى لوحده على الاقل من يموت كل اللى ركبين معاه.
هقولك على مثلا صغير
فى التجمع مثلا ببقى واقف فى الاشارة وهى منورة احمر وتلاقى الناس بتقطع الاشارة من جمبك اكن مفيش اى حاجة حتى ممكن فى عسكرى واقف .. لكن اول ما تلاقى ضابط معاه دفتر كله يتقلب فراخ.
شكلنا لازم ناخد على دماغنا عشان نمشى عدل مينفعش معانا غير كدا.
يا فندم انا اعلم ان الحكومه ليس لها ذنب عمليا و لكن هذا الحادث متورط فيه موظف حكومي (عامل المزلقان) و استقاله الوزير هي اقل واجب و هذا ما يحدث في الدول المتقدمه "انا عارف ان بعض فئات الشعب لازم تاخد بالجزمه عشان تمشي عدل فلازم يكون في قوانين رادعه عشان يمشوا عدل"