الى الان 43 طفل ماتو ؟؟ من المذنب

**hazoom2006** · 17-11-2012 09:34 PM

انا مخنوق ومضايق ومرارتى اتفقت خلاص من ^%$×^&()*&×%%#*×$#&ً@× ام الحكومة ورئيس الوزراء ووزير الصحة ووزير الداخلية و...,..و....ووو

الموقف كلة محزنى جداا واللى خانقنى ان الشاهد اللى اتصور فى الفيديو قال ان الاسعاف جاى ومامعهوش تجهيزات وان كان فى اطفال لسة احياء ماتو لحد ماجابو اسعاف من اسيوط

انا قريت بعد الحادثة بكام ساعه ان رئيس الهيئه اجرى اتصالاته و الغفير اقسم بالله ان الاتوبيس كسر سلسلة المزلقان(دة تصريح مسئول يرضى ربنا) ودلوقتى المصابين قالو ان مكانش فى سلسلة ولا حاجز والاهالى بتقول الغفير كان نايم او مكانش موجود ومكانش قافل المزلقان اصلا

مهو بالعقل كدة سواق الاتوبيس كان عايز ينتحر يعنى يكسر السلسلة ويقف قدام قطر !!!!!

قنديل لازم يستقيل ويتحاسب ووزير النقل يتحاسب ووزير الصحة يتحاسب ووزير الداخلية يتحاسب طبعا بعد اقالتهم من مناصبهم وبعدين رئيس الهيئه و الغقير وعسكرى المرور

لما اب يفقد كل اولادة وام تفقد كل اولادها نتيجة اهمال حكومى ويروح رئيس الوزراء بكل وقاحة لزيارة المصابين فى المستشفى ويعلن الرئيس ان المصاب هيتصرفله التعويضات والقتيل هيتصرفلة التعويضات (4000)
اسر الاطفال مايكفيهومش فى ولادهم فلوس الدنيا يا سيادة الرئيس ..

حرام الاطفال دى كلها تموت نتيجة الاهمال و مايكونش فى تصرف حازم من الحكومة مش مجرد وزير استقال ورئيس هيئه لان كدة الكارثة اكيد هتكرر

ربنا يرحم المتوفيين ويصبر اهلهم ويعوضهم خير ان شاء الله

**hazoom2006** · 17-11-2012 09:55 PM

ربنا مايكتب الموقف ده على حد ابدا

**Ghosts** · 17-11-2012 10:21 PM

قال الإعلامي عمرو اديب ، تعليقا علي حادثة أسيوط ، ان مصر تواجه كارثة يومية أسمها القطارات والمواصلات ، موجها حديثه للرئيس محمد مرسي " أنت رئيس جمهورية فاشل وعينت رئيس وزراء فاشل وضعيف ومصر أكبر منه ، وهناك أحسن منه بكثير وبدقون " حسب وصفه .

وأكد أديب خلال تقديمه لبرنامجه القاهرة اليوم علي قناة أوربت ، ان الرئيس مرسي ورئيس الوزراء هشام قنديل يتحملون المسئولية عن هذا الحادث وليس النظام السابق ، قائلا " ليست كل المصائب من النظام السابق ، وعندك الفرصة كرئيس جمهورية أن تقوم بالتطهير الفورى .

الفجر

**sas5** · 17-11-2012 10:32 PM

المشاركة الأصلية كتبت بواسطة ghosts

قال الإعلامي عمرو اديب ، تعليقا علي حادثة أسيوط ، ان مصر تواجه كارثة يومية أسمها القطارات والمواصلات ، موجها حديثه للرئيس محمد مرسي " أنت رئيس جمهورية فاشل وعينت رئيس وزراء فاشل وضعيف ومصر أكبر منه ، وهناك أحسن منه بكثير وبدقون " حسب وصفه .
وأكد أديب خلال تقديمه لبرنامجه القاهرة اليوم علي قناة أوربت ، ان الرئيس مرسي ورئيس الوزراء هشام قنديل يتحملون المسئولية عن هذا الحادث وليس النظام السابق ، قائلا " ليست كل المصائب من النظام السابق ، وعندك الفرصة كرئيس جمهورية أن تقوم بالتطهير الفورى .

الفجر

السلام عليكم ورحمه الله
سمعته ولم يعجبنى كلامه اين كان عمرو اديب وباقى الاخوه المتشدقين في الاعلام منذ عشر سنوات مثلا.
هل مشاكل السكه الحديد حدثت فجاه ام هى تراكم لاهمل سنوات وراء سنوات .
وموضوع التطهير كل مايقرب من اى شخص نجد الدنيا تنقلب عملنا مثل جحا وابنه والحمار

**lanos2004** · 17-11-2012 11:02 PM

حاجه من الاتنين
عامل المزلقان
سواق الاتوبيس
القطر برىء

**shaddadfalcon1** · 17-11-2012 11:17 PM

شباب معلش سؤال :

ممكن اي حد فينا يتخيل نفسه واقف بعربيته اول واحد قدام المزلقات ويقولي ايه اللي ممكن يعمله عشان القطر يخبط عربيته ؟؟ وايه التوقيت المناسب عشان ده يحصل ؟

**S O P H O S** · 18-11-2012 12:12 AM

ربنا يصبر اهلهم

**Hussein_Ramdan** · 18-11-2012 12:27 AM

https://www.youtube.com/watch?featur...v=x8CFXE2ArKw#!

**khaled_legend** · 18-11-2012 10:17 AM

المشاركة الأصلية كتبت بواسطة yasserelsayad

انا مش فاهم ايه علاقة الحكومة ولا الوزير حتى فى حادثة زى دى
دا حادثة نتيجة اهمال خفير المزلقان او سواق الاوتوبيس بس كدا مفيش حد تانى ليه دخل

هقولك يا فندم

محمد مرسي اختار هشام قنديل
هشام قنديل اختار وزير النقل
وزير النقل اختار البني ادميين اللي شغالين تحت ايده
البني ادميين دول اختاروا غفير المزلقان و سواء الاتوبيس

عرفت ايه علاقه الحكومه بالحادث ؟

**shaddadfalcon1** · 18-11-2012 03:54 PM

المشاركة الأصلية كتبت بواسطة khaled_legend

هقولك يا فندم

محمد مرسي اختار هشام قنديل
هشام قنديل اختار وزير النقل
وزير النقل اختار البني ادميين اللي شغالين تحت ايده
البني ادميين دول اختاروا غفير المزلقان و سواء الاتوبيس

عرفت ايه علاقه الحكومه بالحادث ؟

بجد ؟ الحكومه اختارت سواق الأتوبيس ؟ الحكومه هي اللي قالت لسواق الاتوبيس عدي من علي المزلقان والقطر جي ؟ انت عارف يعني ايه قطر يضرب عربيه علي المزلقان ؟ ده معناه ان العربيه عدت وهي بينها وبين القطر امتار معدوده يعني ده لا مش غلطة حكومه ولا خفيير ولا رئيس
دي غلطة شعب مستهتر فاكر كل حاجه بتيجي بالفهلوه
روح عند اي مزلقان وشوف الخفير بيبقي بيهري في نفسه عشان الناس متعديش وتلاقي برده الناس بتعدي بسرعه وفي ناس بتتباهي انها عدت بسرعه قدام القطر

كلكم راع وكلكم مسئول عن رعيته