الموضوع: 504 كربيراتير

]

المشاركة الأصلية كتبت بواسطة MAHA2MAHA2000

و علي فكرة الكاربيراتير بتاعي الكهربا فيه قاطعة من زمان جدا علي أساس أنها ملهاش لازمة إلا في الدوارة الصبح
إيه رأيك في الكلام ده

أيوة هو له دخل الكهرباء عشان السخان و بيشتغل لما تكون العربية باردة بيزود نسبة البنزين في الخليط و بيزود لفات الموتور. و أعتقد له علاقة بعد العربية ما تسخن لأن في مرة الفيوز المتصل به وقع فلاحظت أن لفات الموتور زادت جداً لحد ما ركبت الفيوز تاني الموتور هدي

المشاركة الأصلية كتبت بواسطة MAHA2MAHA2000

إستهلاك عالي جدا
المفروض أقل حاجة من 180 - 220
عشان كده عايز اغير الكاربيراتير
تطلع معايا الطالعة دي

كلامك مضبوط المفروض زي المصنع ما بيقول متوسط استهلاكها 23.8 ميل/جالون و الميل 1.61كم و الجالون 3.78لتر يبقى الحسبة مظبوطة
http://img114.imageshack.us/img114/5...oadtestce2.jpg

ولاحظ كمان أننا شغالين ببنزين 80 أظن ده استهلاكه أكتر شوية و أنا شايف أن الاستهلاك كده معقول بغض النظر عن اللي مكتوب في الكتالوج
بس في حاجة أنا عايز الأول أحسب الاستهلاك صح في مشوار كبير. عايز أعمل رحلة انتحارية لمرسى مطروح و أحسب المسافة بالضبط بالـ GPS و أحسب الاستهلاك الصح
و عايز أتأكد بحاسة الشم كمان لا يكون في تسريب أو تنفيس من أي مكان (وصلات الخراطيم، جوانات الكربراتير، غطاء تنك البنزين، جوان عوامة البنزين) كل دي أماكن محتملة للتسريب

في واحد صاحبي قوي معاه 504 بس كاربراتير Solex و كل مشاويره داخل المدينة، هابقى أسأله كده استهلاكه عامل ايه مع أني حاسس أنه مش فارق عنا كتير كل يوم يقول لي كنت بامون كنت بامون

عايزين نسأل في موضوع استخدام بكات أضيق هل له تأثير سلبي ولا لأ
اتأخرت عليك عشان نزلت أشوف العربية و كان فيها كذا حاجة عايزة تتظبط و قلت بالمرة أبص لك على الكاربراتير لقيت فيه شغل خفيف هو كمان
صبي الميكانيكي ابن التييييييييت ما ربطش المسامير كويس من آخر مرة لما غيرت طقم الجوانات بتاع الكاربراتير، نزلت دلوقتي لقيته بينشع بنزين و لقيت في كل مسمار بتاع 1/2 أو 1/4 لفة ناقصين.


ربطتهم و كله تمام ألاقي مين نايم على بك السرعة؟ حتة مقطوعة من جوان كاوتش فوق الكاربراتير (مش بتاع العمة) الجوان ده وصل لمرحلة التدمير الذاتي و بقى يتقطع من نفسه






المهم شلت الحتة المقطوعة دي من فوق البك و رميت الجوان و طلعت الشقة و أتيت بالجوان المطلوب، جوان جديد بالبودرة بتاعته Made In France بتاع حلة الضغط SEB كان عندنا كذا واحد استبن المهم قطعته بالطول المطلوب و استخدمت سلك حديد عشان أوصل الطرفين ببعض الصور تتكلم











كمان مرة صبي الميكانيكي ابن التيييييت و هو بيقفل غطاء الكاربراتير قفله بوضعية تخليه يزنق حتة الصفيحة دي بتاعة الشفاط ما يخليهاش تفتح للآخر (واضحة في أول صورة)، عدلتها و ربطت الغطاء فوق الجوان الجديد و كله تمام ولا نفس


كام رشة جريئة من بخاخ تنظيف الكاربراتير و قفلت العمة و كله تمام


نرجع لموضوعنا بقى بالنسبة لمقاس البيكات اللي عندي أعتقد بك السرعة الأول مكتوب عليه 150 و البك الثاني أضيق و مكتوب عليه 90 أما بك السلانسيه مش باين أنه بيتكتب عليه حاجة. أنا اتعودت على العربية كده و هي مضبوطة و سحبها ممتاز و عنيف كمان بالنسبة لمثيلاتها


حسب كلامك لو عايز أوفر بنزين مثلاً مش ينفع أبدل بين ال 150 و ال 90 ولا كده هيبقى السحب ضعيف قوي و الخليط فقير lean و له تأثير سئ؟؟؟؟؟؟؟



بالنسبة بقى للأوكتان أنا مع الـ504 ثمانيني و أفتخر، و على فكرة باستخدم بنزين 80 قبل البنزين ما يغلى بزمان و الموتور عمره ما بيسقف مهما ضغطت الدواسة. و موضوع الشوائب ده ثقافة شعب. مش عشان 80 يبقى فيه شوائب يعني و اللي متشال منه شوية شوائب يبقى 90 و هكذا لأ. الشوائب دي تعتمد على خزان العربية اللي نقلت البنزين و نظافة الخزانات و وجود مرشحات في البنزينة ولا لأ. كل الفرق أن البنزين ذو رقم أوكتان عالي بيتيح لك تقديم موعد الإشعال دون حدوث صفع=أداء أحسن

بس أحياناً كنت بافول التانك 90 و أروح أقدم الأسبراتير و الفرق بيكون سحب أفضل قليلاً و صوت أهدأ. بس كده
بعدين ده صوت عربيتي ببنزين80 أهدأ من موتور فولكس باراتي بتاعة جوز أختي

ما علينا، نرجع لموضوع الاستهلاك، عايز أحسبه في مشوار طويل عشان نقلل هامش الخطأ (ممكن إسكندرية:10D5C8~1107:) . على فكرة أنا عملت تقريباً 45كم بعد آخر تفويلة و لما نزلت دلوقتي من ضمن الحاجات اللي عملتها فكيت عوامة تانك البنزين (كانت معلقة) لقيت البنزين هينط في وشي يعني ما نقصش قوي :)

غريبة، هابقى أشوف لو ينفع أبدل البيكات و أجرب
بالنسبة للكاربراتير بتاعك لو ينفع يتصلح أو حاجة فيه تتغير يبقى مالوش داعي تشتري واحد تاني (و مستعمل كمان) الله أعلم باللي فيه و لو على السخان مش مشكلة ابقى دوس عالبنزين شوية الصبح :)