الموضوع: ايه المشكلة فى الفليشيا

المشاركة الأصلية كتبت بواسطة sakr1964

هذا من فضل كرمكم اخى الكريم........

شوف انتا ليه قلت الدينمو لأن الاخر السائل بيقول انو الكالاكس مرة قطع منه او صوته اتحاش وهو ماشى وانا على حد علمى وبالتجربة العمليه قمت بادارة محرك السيارة ومن ثم قمت بفصل كبلات البطارية الموجب طبعا وسيبت العربية دايرة وشغلت مروحة التبريد والكلاكس والانارة بس كانت شوية ضعيفة .... وكل دا ليه علشان اختبر قدرة الدينمو وحدة على تسيير الموتور وتشغيل الكلاكس ومروحة التبريد وبلفعل الكل اشتغل تمام ما عدا انارة النور العالى ضغيفة شويه....

فبكدة لو الدينمو شغال تمام عمر الكالكس ميتخنق وعمر مروحة التبريد ما تبطء وهذه تجربة عمليه شخصيا على فيفورتى العزيزة....*

انا متفق معاك فى كلامك ووجهة نظرى ان البطارية اللى ممكن تكون فيها المشكلة زى ماقلت لحضرتك لو البطارية مش مظبوطة هتعمل معاه كده اما لو دينامو والبطارية سليمة طبيعي ان العربية هتدور معاه بس بعد فترة الحمل على الدينامو والدينامو شحنه ضعيف هيحصل معاه كده
وهو بيقول فى كلامه "وكنت من حوالى اسبوع ماشى بيها لقت الكلاكس مش شغال فوقفت وبطلت العربية وجيت ادور مدرتش واداتها ذقة دارة على طول ... المشكله دية ممكن تكون ايه "
بطل العربية وجه يدور مدارتش يعني مشكلة بطارية مش قادرة تقوم العربية

المشاركة الأصلية كتبت بواسطة aali6632

ياجماعة انا روحة لكهربائى قلى المشكله فى البطارية 40 امبير ضعيفة وانت محتاج بطارية 70 امبير هل الكلام ده صيحيح ان 40 امبير ضعيفة على الفليشيا ولو 70 امبير تنصحونى بايه وبكام وتقل معليش انا عندى علبة الفيوزات مكعبله يعنى فيها اكثر من كوبرى فكل شويه القى النور ميشغل او الاشارات هل تنصحو باصلاحة ولا اشترى استعمال ولو استعمال ممكن تبقى بكام
ولكم جزيل الشكر

البطارية المصممة للفليشيا 55 امبير ويفضل لو انت هتشترى فعلا هات 70 امبير انا جايبها فى عربيتي 70 امبير سايلة مش جافة والحمد لله مع الصيانات الدورية ماشية معايا كويس وبصراحة مش عارف الاسعار دلوقتى ايه انما لو هتجيب خليك فى ايه سي ديلكو او حاجة من الحاجات المعروفة
بالنسبة لعلبة الفيوزات شوف كهربائى نظيف يعملهالك وبلاش الكباري اللى معمولة فيها وهات طقم فيوزات جديدة بس بعد ما تشوف كهربائى كويس ويقرر هل هتنفع علبة الفيوزات دى ولا تغييرها افضل