ياريت اهل الخبرة فى الصيانة

**kabos** · 17-11-2012 05:41 PM

كان معايا عربية لانسر بطة 92 السماعات اللى فيها بايونير 400 بس القديم اللى مفيش منة طبعا دلواتى وكان صوتهم على كاسيت الفابريكة مالهوش حل بجد ونقلتهم دلواتى فى الفيرنا وصوتهم زبالة حد يعرف لية كدة ياريت ضرورى بجد

**YHYAKOTB** · 17-11-2012 08:17 PM

هى الهيد يونيت نوعها اية فى الفيرنا الى عندك

**reallistic** · 17-11-2012 08:19 PM

لو أنت تقصد أن فيه خروشة في الصوت يبقى إحتمال أثناء نقل السماعات يكون دخل تراب أو حاجة
في الحالة دي الحل إنك تقلب السماعات على وشها و تشغلها على صوت عالي شوية لحد ما ينضفوا
و تلاقي الصوت بقى كويس و ترجع تعدلهم

أنما لو تقصد أن الصوت مش بنفس القوة و النقاء يبقى أقولك
هل الكاسيت إللي كان في اللانسر أنت نقلته في الفيرنا ولاّ ده كاسيت تاني ؟
لو هو هو يبقى راجع على توصيل أقطاب السماعات (الموجب في الموجب و السالب في السالب)
و لو مش هو هو برضه الأول راجع على الأقطاب ، لو فضل الصوت زي ما هو يبقى من الكاسيت هو خرجه كده :(

**kabos** · 18-11-2012 12:33 AM

الكاسيت اللى فى الفيرنا بايونير جديد اكيد مش منة وانا جربت اقلب الاقطاب زى ما قلت يا reallistic مش عارف اعمل اية دلواتى صوت سماعات الباب احسن منهم ودول مش عايز افرط فيهم ياريت اى حل

**reallistic** · 18-11-2012 01:04 AM

يا ريت يا باشا توصف صوتهم عامل إزاي بالضبط
مكتوم ، واطي ولاّ فيه خروشة ولاّ إيه !

**kabos** · 18-11-2012 01:33 AM

صوتهم زى اقل سماعات صينى مفيش بيز خالص وساعات بتخروش جامد وساعات لا :( بس لما بعلى بيعلى عادى بس الصوت هو هو مش حلو

**reallistic** · 18-11-2012 02:08 AM

هما السماعتين البيونيير الإتنين صوتهم وحش زي بعض ؟
أنا مش عارف الحقيقة ممكن يكون عندك مشكلة في الأسلاك ولاّ السماعات هي السبب !
بأقولك إيه ما تشوف سماعتين مع حد من أصحابك تجربهم ورا بدل البيونيير
لو صوتهم تمام يبقى شوف بقى السماعات بتاعتك مالها
لو صوتهم طلع بايظ زي سماعاتك يبقى راجع على الأسلاك من الجهاز لحد السماعات