السيراتو الكوبيه
عرض للطباعة
السيراتو الكوبيه
بص يا سيدى مع أحترامى لكل الأراء الى أتقالت
تقريبا أنا كنت زيك بالظبط
كان معايا جيتز مانيوال 2008 و قعدت معايا 5 ستين
و لما فكرت أبيعها كنت محتار زيك بين الريو و الأكسنت
من الأخر كده الريو تتفوق على الأكسنت فى الشياكه و التقفيل و أبشنز أعلى مقابل موتور أقوى لصالح الأكسنت
حاجه تانيه الريو سحبها و موتورها كأنه 1600 و برضه أستهلاكها كأنه 1600 و ده الى مضايق الناس
على فكره الجيتز عندى عمرها معملت أكتر من 500 كم أنت أزاى بتجبب بيها 600 كم
لو عندك أى سؤال أنا تحت أمرك
انا راى تنتظر 7 شهور و تشترى موديلات الكيا الجديده لانها بجد رهيبه جدا .
الف شكر يا رجاله على الاراء الجميلة بس انا فعلا اتفرجت على الفييستا و هى حلوه مفيش كلام بس قطع غيار غالية بالنسبه للكورى ... سعر اعاده بيع فى الارض بمعنى الكلمة و بالنسبه للكورسا انا معقد من اوبل بسبب عربيه كانت معانا و عانينا معاها و كانت فكترا و جايبنها زيرو ....
حبببببببببببببببببيب قلبى انت جتلى نجده من السماء
و النبى يا شيخ احكيلى معلش بالتفصيل الممل جدا عن كل حاجة فيها و تجربتك معاها و المزايا و العيوب من وجه نظر واحد كان راكب جيتز و ركب ريو ...
السحب اخباره ايه مع التكييف ومن غيره وده اهم حاجة عندى الصراحة لانك عارف الجيتس عامله ازاى ماشاء الله - التكييف حلو ولا وحش - استهلاك البنزين زى الجيتس ولا سفاحه زى ما يقال ....
موضوع ال 600 كم بتعملها معايا لو سواقه هاديه ومعدل سرعه 9-100 كم بس مش جوه البلد اكيد ...
فى الأول بس فيه حاجه مهمه أنك لو أول مره تسوق أوتو (زى حلاتى) حتقعد أسبوع كده مضايق
بمعنى أن الأوتو مش بتاع شد و جرى ,فلو أنت بتاع شد و جرى يبقى تجيب مانيول و خلاص
نبجى بقى للمهم
العربيه جميله و ناعمه جدا فى السواقه ,
سحبها حلو و خصوصا لو حتقلبها steptronic حتلاقيها معاك شد و حرق زى منت عايز
بس فى كتير قالولى أن كتر النقل بيت المانيوال و الأوتو العادى غلط (الله أعلم)
أستهلاك البنزين
على حساباتى جوه البلد بتعمل حوالى 10 ليتر لكل 100 كيلو و لو طريق مفتوح التنك بيعمل معايا حوالى 500 كم و ممكن أكتر على سرعه 110 ,120
فى كلام هنا فى المنتدى عن البوجيهات الراديوم, أنشاء الله حجربها فى صيانه ال 5000 ( أنا عامل 4000 يعنى على أول الشهر كده حروح أغير البوجيهات و حجرب)
بالتكييف أو من غيره أستهلاك البنزين مش فارق كتير ,أنا بحس بكده بس محسبتهاش
التكيف بيأثر على سحب العربيه بس برضه عادى, العربيه برضه بتجرى مفيش مشاكل
العفشه أكيد أنعم من الجيتز كمان الثبات فارق جامد عن الجيتز
السرعه على 140 لحد 160 (مجربتش بعد كده ) تمام بكون ماشى مش خايف من السرعه ( الجيتز كان أخرى 140 و بالقى العربيه بتطير)
الأضائه أنا شايفها ممتازه بليل ( الجيتز لما كنت بسافر بيها كنت دايما بشغل النور العالى علشان الأضائه مكنتش كويسه ,بس الريو الأضائه أقوى بكتير و أخرى بشغل النور العادى)
لو عندك أى أسئله أنا تحت أمرك
ممكن برضه نتقابل و تجرب العربيه مفيش مشاكل
أه عندى حاجه غريبه أن درج الطابلوه أحيانا بيفتح مع الطرق المكسره أوى ( تقريبا ديه حاجه من الأوبشنز الى نازله فى العربيه :whtauwant: ) حقلهم عليها فى صيانه ال 5000
حبيب قلبي ربنا يخليك يا كبير معلش هتقل عليك و كام سؤال كده كمان عشان اطمن و اتكل علي الله و انا ضميري مرتاح
١- الاداء بتاع الموتور في فرق ملحوظ بينه و بين الجيتز ؟؟؟ و تأثير التكييف عليه زي الجيتز برده ولا اكتر ؟؟
٢ - الفرامل بتاعتها كويسه ولا الجيتز احسن ؟؟
٣- التكييف اخبار التسقيع ايه ؟؟ ضعيف ولا تلاجه ري الجيتز ؟؟؟
٤ - انت حطيت السوفت وير الجديد ولا الحمد الله العربيه مظبوطه ؟؟
معلش والله انا عارف اني تعبك معايا بس انت سيد العارفين موضوع انك تشتري عربيه ده مش سهل ابدا
انا سوقت كذا عربيه اوتو ( النترا ٢٠٠٦ - النترا ٢٠٠٩ - تريوس ٢٠١٢ - نوبيرا - لانسر بومه ٢٠٠٨ - رينو ميجان ) مش اول مره و نظامي في المشي مش شد و حرق بس لو هجري هجري في طريق فاضي و بخلي العربيه تاخد راحتها في الجري ..
أسف حكمل بكره علشان لازم أنزل دلوقتى