استفسار يا رجاله الريو عاجل جدا جدا
السلام عليكم يا رجاله كيا
اخوكم واقع فى حيره و ورطه و مش عارف اعمل ايه ولازم اخد قرار و محتاج مساعدة منكم
انا معايا جيتز فتيس مانوال و نظرا للزحمه المفرطه الى بقت فى الشوارع قررت انى اغير و اجيب حاجة اتوماتك حلوه فى رنج ال 135 الف و الصراحة ملقتش غير عربيتين عجبونى مع انى شفت البوما الزيرو و الشارك و صنى الجديدة بس هما 2 الى عجبونى الصراحة
الريو الهاتشباك ( اعلى فئه خليجى ) 131 الف
الاكسنت الار بى هاتشباك 129 الف
و الصراحة فكرت فى السيراتو الكوبيه ... بس مش عارف ؟؟ ياريت رأيكم برده فى الموضوع ده ؟؟
مع الفارق الرهيب فى الامكانيات طبعا و فى كل حاجة مع احتفاظ الاكسنت بالموتور الاقوى طبعا ..
و انا الصراحة مايل جدا للريو بس خايف اجبها و البسها خصوصا ان كلام الناس منقسم و مفيش رأى قاطع فى الموضوع ده ....
الصراحة يارجاله بقه انا عاوز رد قاطع على الكام سؤال دول علشان دى تحويشه العمر ..
1- اخبار سحبها ايه مع التكييف و من غيره ؟؟؟ خصوصا انى راكب 1600 فهل هحس بفرق يذكر؟؟ وموضوع تأخر الاستجابه بتاعتها ؟؟
2- موضوع مشكلة استهلاك البنزين ده انا مرعوب منه خصوصا ان الحمد لله الجيتز بتعمل معايا 600 كم فى التانك و ساعات اكتر على حسب السواقه ؟؟؟ فموضوع مشكلة الريو مع البنزين ايه ؟؟ خصوصا نى سمعت ان الكلام ده على حسب العربيه انهى دفعة و كلام غريب كده ؟؟
هما دول اكتر حاجتين مخوفنى فى العربية الصراحة و عايز القول الفصل قبل ما اشترى .... و لو عندكوا اى اقتراحات يا اهلا يا رجاله
الف شكر