قدر الله وماشاء فعل الحمد لله انك انت والاسره بخير اى حاجه تانى تهون البلد اصلا مليانه حوادث من كل ناحيه عافانا الله جميعا منها انا كنت مفتقدك جدا فى الفتره اللى فاتت لعل المانع خير من قبل موضوع العربيه باسبوع تقريبا وربنا يجعلها اخر الاحزان
عرض للطباعة
قدر الله وماشاء فعل الحمد لله انك انت والاسره بخير اى حاجه تانى تهون البلد اصلا مليانه حوادث من كل ناحيه عافانا الله جميعا منها انا كنت مفتقدك جدا فى الفتره اللى فاتت لعل المانع خير من قبل موضوع العربيه باسبوع تقريبا وربنا يجعلها اخر الاحزان
طب انا معرفش سير الكاتينه ماشى عليه بقالى قد ايه ومش عارف هل المفروض اغيره ولا لسه اعمل ايه؟ وهو المفروض امشى عليه اد ايه ؟
خير ان شاء الله باشمهندس ايهاب
ايهاب باشا ... صديقي .. الف حمد لله على السلامة يا كبير و فداك الدنيا كلها ولا تزعل حتته حديدة و بتتصلح
المهم انك بخير و اولادك تمام و بعد كدا ما تحملش هم و تحمد لله انه عفاك من اي هم اخر
انا عارف اني متاخر عليك كتير اوووووي انا اساسا بقالي بتاع يمكن يومين ما فتحتش ع المنتدى
مقصر معاك يا كبير متزعلش .. انا ملهي في الشغل جااامد و كمان عربيتي في سمكرة علشان خبطها خبطه رخمة جدا كنت برجع بضهري و مش شايف اللي جه فجاه ركن ورايا
قدر الله و ماشاء فعل .. المهم اني انا متعطل من جميع النواحي
ان شاء الله عربيتك تتصلح و ترجع تمام بس انا عاوز انصحك نصيحة .. في الالماني بالذات ما تصلحش .. لازم تغير .... لو ذاكرتي ماخنتنيش انا قاري انك مصلح بعض الحجات
اظن انك فاهمني ..... لان هو اصلا بطبيعة العربيات دي خشنة فلو ما ظبطهاش صح هتتكتم زيادة
القصد و الغرض من كلامي انك ما تصلحش و تغير في نفس الوقت
يا تصلح و تمشي حالك ياما تغير اللي باظ بحاجه سليمة من بابها ... التجربة خير دليل
بص يا كبير موضوع التاريخ و الصلاحية مش واخد بالي منه .. انا ماسك في ايدي سير دينامو BOSCH لسه جايلي طازة من المانيا اقسم بالله .... كلمت واحد صحبي كان مسافر و رجع كنت عاوز موبينة و سير دينامو جابهملي BOSCH من بلدهم ولا مكتوب اي افلام صلاحية ولا الهوا
و معايا علبه سير كاتينة BOSCH بردوا بصيت عليها بردوا ولا الهوااااا
اللي بيقطع سير الكاتينة الاتي يا كبير و كله بالدليل
1- ترس تاكيهات ملووح 4/1 درجة .
2- طرمبة مية لو بعافية و محجرة تقطع اللي صنعوا السير نفسهم بدري بدري تلاقي السير بعد 3000 كم بالسلامة يا روح قلبي .
3- تهريب زيت من اويل سيل عمود الكرنك على البكرة الخارجية (من الداخل الى الخارج) .
4- خامة سير الكتينة نفسها - ينصح بـ (الاصلية = BOSCH) .
خد بالك انا وانا في التوكيل اخر مرة سالت المختص عن التغيره راح فاتح الكمبيوتر كاتب رقم الشاسيه في لحظه و بعدين قالي بعد 60 الف هتيجي هتكون كدا مشيت عليه 90 ... هو بيتغير في التوقيت ده ، سالته عن التكاليف رد و قالي انه بيكلف علشان بيغيروا (سير + طرمبة مية + شددات انا عندي 2 علشان انا 20v و هيغيروا وايسيلات .... امر احترازي....) سألته يعني انتوا كل مره بتغيروا طرمبة ؟؟!!!! قالي هي بتكون اساسا بعد 90 الف و جو الخليج الحر بتكون جايبه اخرها و بدل ما نرجع نفك ده كله تاني و ندفعك ف احنا لو حتى فيها نفس تشتغل 40000 احنا بنغيرها احسن لانها بتكون فعلاً على وشك و ما نقدرش نحدد هتخرب امتى .
صيانة منطقة سير الكتينة هي timing belt area services
1- تغيير سير الكتينة الاصلي كل (90000 كم )
2- تغيير بكرة شداد سير الكتينة و احيانا بيكونو 2 بكرة .
3- فحص طرمبة المية و تغييرها ان وجد عطب .
4- فحص ميزان بكرات الحزام .
5- فحص تهريبات و تسريبات الصممات الكوتشوك الخاصة ب منطقة عمود التاكيهات و الكرنك .
ملحوظة اخيرة : لازم قبل ما تغير حزام التوقيت لاااااااااازم تاخد المعيار على المؤشر اللي حطه المصنع كما في الصورة .. و ده علشان اي مخالفة فيه = ماكينة مش صافية و برجله و تنتيش
http://nileup.com/up/uploads/nilemotors_13532747301.jpg
ربنا يعوض خير ان شاء الله يا بوب ... حمد الله على سلامة عودتك من البحر الاحمر
الحمد الله يا بشمهندس انك سليم ده اهم حاجه صدقنى
أنا عارف ان لما يكون الواحد له فى الصيانه او معرفه وخبره بها ومابيرضهوش غير الشغل الصح
وربنا معاك وتخرج بنتيجه ترضيك بأذن الله ، وربنا ييسرلك الأحوال........
لما بيجى ميعاد تغيير الزيت ودى اسهل حاجه تتعمل بس برده الواحد بيكون شايل همها
بجد الله يكون فى عونك وان شاء الله تلاقى النتائج مرضيه وماتحسش بفرق فى الموتور انا عارف الصنايعيه مش بيصلحوا حاجه غر لما يبوظو حاجتين
ازيك يا ابو الصلح
عامل ايه يا حبيبي
بص يا باشا - انت كلامك صح لا شك
بس انا ليا تعليق صغيور اوي
اولا 90,000 كم علي سير الكاتينة اكتر مرة ونص من الموصي بيه من الشركة المصنعة
http://nileup.com/up/uploads/nilemotors_13532827121.jpg
لاحظ انهم قايلين علي 90,000 في حالة لو العربية بتمشي طوالي - والمسافة بتقل لو بتمشي وتقف كتير (حال كل عربيات مصر) دة غير انهم كاتبينها ضمن صيانة ال60,000 او كل سنتين (ايهما اقرب) وموضوع سنتين دة واضح طبعا علشان صلاحية السير - لأنه بطبيعة الحال كاوتش علي تيل (زي العجل) وبالتالي السخونة وكتر الأستعمال هتسخن التيل وتضعف الكاوتش بالأضافة انه عليه ضغط شديد من سرعة الدوران واحتكاكه بأكثر من مكون في المحرك زي طرمبة المياة وبلية الشداد وطنبورة عمود الكامات وطنبورة عمود الكرنك
وطبيعي مش هتلاقي مكتوب علي العلبة تاريخ انتاج ومدة صلاحية - ولكن المهندس ايهاب بيرجح ان السير قديم ومركون لقلة الطلب نظرا لقلة المحركات ال16 بوجه عام ومحركه هو شخصياً بوجه خاص
اما عن تغيير طرمبة المياة وبلي الشداد ومراجعة الأويلسيلات فدة اجراء احترازي كما اوضحت ولكنه ليس لزاما - بس دة شغل توكيلات - عندنا في مصر كدة - لازم ينبهك لتغيير بلية الشداد مع سير الكاتينة وبصراحة دة احسن وأأمن
تحياتي ليك
ياباشا فداك والحمد لله انك كويس
هي العربيات المستعمله كده لازم يطلع فيها 100 عفريت مهما صرفت وعملت
اوعدنا بالزيرو بقي يارب