الموضوع: سير كاتينة عربيتي اتقطع و رحلة العذاب

المشاركة الأصلية كتبت بواسطة ehab_mansour

السلام عليكم و رحمة الله و بركاته

انا مسافر علي طريق الغردقة لمشوار عمل خاص بي وانا ماشي تقريبا 140 او 150 و فجأة المحرك توقف
نزلت احاول اشوف فيه ايه لأن عربيتي عمرها ما عملتها بعد شوية محاولات اكتشفت ان سير الكاتنية اتقطع ... المهم سحبت عربيتي الي موقع الشغل اللي بينه و بيني حوالي 25 كيلو و انهيت الشغل اللي كنت رايحله و حوالي 9 مساءا حملت عربيتي علي سيارة انقاذ و رجعت للقاهرة

وصلت علي 2 و شوية ليلا و نزلت عربيتي و صباحا جالي صديقي احمد مبارك و سحبنا العربية الي ميكانيكي فولكس هوم و صاحبه أحمد عزت طبعا جربناها بسير جديد ولا حياة لمن تنادي قلي طبعا جابت صبابات

المهم ما بين محاولة تركيب وش اخر بصباباته و مابين تسقيط شورت بلوك او موتور أخر لأني اعمل في مجال الصيانة منذ سنوات و لدي خبرة من شغل المخارط و اعلم انهم كفتجيه كما هو الحال لأغلب ميكانيكية مصر

المهم بعد يوم شاق من البحث و اللف مع اخي محمد سيد منسق القسم و اخي احمد مبارك و كان معانا اخونا العزيز مصطفي matrix12 و كان مشغول و سبنا مشي ربنا يعينه علي حاله
المهم لفينا الحرفيين كلها ولا يوجد وش استيراد لمحرك عربيتي و حكايات التسقيط او تغيير شورت بلوك او او المهم بعد استشارات كثيرة مع اخوتي اللي ذكرتهم لكم و غيرهم استقريت اني اركب صبابات جديدة و خلاص لأن موتور عربيتي حالته زيرو بفضل الله و تغيير الصبابات وجوان وش السلندر لا يعيبها و لا يعيب المحرك طالما الشغل هيتعمل صح و طبعا الميكانيكي من توكيل فولكس و من أشهر ميكانيكية فولكس

المهم طبعا اهم شيء اني قلت لازم اخوض التجربة دي و من ضمن اللي بتعلمه و ربنا المستعان و نشوف هنوصل لايه

ثلاثة ايام يوم في الحرفيين و يوم فك و شراء الصبابات و ارسالها للخراط لتركيبها و عمل روديه لقواعد الصبابات و تركيب كاوتش صباب جديد و يوم للتركيب

اخيرا العربية دارت امس و لكن حتي الأن غير مضبوطه و السبب تخيلو من ايه ؟؟؟ طبعا انا بفضل الله عارف ليه و عارف العلاج لأني متابع الشغل لحظه بلحظه و لكن هقلكم وصلت لايه في مشاركة أخري و حتي اصل لنتائج جيدة طبعا اكيد هشاركم كل شيء و هقلكم علي التكلفة كام حتي يكون هذا الموضوع مرجع ان شاء الله لكل من يحدث معه مثل ذلك ربنا يسترنا جميعا

المهم ان سبب قطع السير هو ان السير كان صناعته قديمه و طبعا انا غيرته من فترة و اكتشفت اليوم فقط لما دورت في الاكسيل شيت انه متغير عند 112 الف كيلومتر و انا دلوقتي عند 135 الف كيلو متر يعني لم يتعدي ال 23 الف تخليو

المهم الجميع يخلي باله من سير الكاتينه عند الشراء لأنه له فترة صلاحية و ينتهي

و كل الشكر و التقدير لأخوتي مهندس محمد سيد منسق القسم و أخي أحمد مبارك و اخي مصطفي علي تعبهم معايا لأنهم بالفعل تعبو كتييييييييييييير و خاصة يوم الحرفيين و اتضايقت جدا لما لفينا طول اليوم من غير أكل و روحنا حتي من غير ما نغدي منسقنا العزيز محمد سيد و أسفين جدا يا هندسه لأني لما روحت و بدأت اهدي بعد دوشة اليوم و قرفه زعلت جدا

و طبعا اكيد معايا شوية صور للموضوع و هنكمله شرح ان شاء الله و أكيد هكمل معاكم النتائج و الدورس المستفاده و كل شيء أخلص بس الدوامه اللي انا فيها و ربنا المستعان

و الله الموفق و المستعان

طيب انا يا هندسه مركب السير منذ شهر و مشوفتش التاريخ اعمل ايه