القاهرة
كتب كريم منير
في تداول لظاهرة النقل غير الادمي لتلاميذ المدارس
قامت الاستاذة Yasmin Shaaban بتصوير سيارة نصف نقل تحمل ما يقرب من 40 تلميذ ابتدائي
في منطقة صقر قريش وهي احدي مناطق القاهرة القريبة من المعادي
في مظهر غير ادمي ولا حضاري لنقل تلاميذ
لدرجة ان قائد السيارة وضع احد التلاميذ على رجله لعدم وجود مكان له
الا يوجد تواجد للمرور في منطقة صقر قريش يا سيادة وزير الداخلية
ام تنتظر كارثة اخري
سؤال يطرح نفسه وننتظر اجابة
http://nileup.com/up/uploads/nilemotors_13532450381.jpg
شوفت من حوالى اسبوع نفس المنظر ده بس كان تروسيكل عليه تقريبا 30-40 طفل فى المقطم عند الهضبة الوسطى بجد منظر غير ادمى و غلطة من اول الاهالى للمدرسه للناس الى ماشية فى الشارع و سايباهم كده
المشكله فى المنظرالغير حضارى وادمى ولا العدد الكتير ولا المدرسه البعيده ولا الاهالى اللى ممعوهمش فلوس علشان يدفعوها لميكروباص نضيف ولا الحكومه اللى مطنشه حاجه اسمها مرور ووسائل مواصلات محترمه ورخيصه
ولا ايه بالظبط
عموما الهوجه هتنام فى اقل من 3 ايام ونتقابل الكارثه الجايه بلا دوشه
http://sphotos-h.ak.fbcdn.net/hphoto...83423464_n.jpg
انزل شارع الهرم شوف التكاتك اللى مركبه فوق ال 10 عيال الصبح مناظر تقرف وحاجه اخر قلة ادب
انزل اي قريه هتلاقي نفس المنظر كتيييييييييييييييييييير والاهالي هي اللي بتوقف العربيه وتركب العيال عشان ميمشوش وخلي راجل في الداخليه يتكلم والناس هتاكله
99% من الناس اللى موديه ولادها مدارس خاصه و معندهاش عربيات توديها بيها و نجيبها أو ممعهاش فلوس تدفع فلوس الباصات أو المدارس الحكوميه اللى فيها ولادها بعيده عن بيتها بتتفق مع اى عربيه او ميكروباص او حتى توكتوك يودى العيال و يجيبها من المدرسه .. العيب مش على الاهالى لان مفيش قدامهم اى حدل تانى علشان ولادهم تتعلم .. المشكله دلوقت فى الحكومه مش فى الاهالى و اللى هيتكلم هيقولوا هو يعنى ذنب الرئيس مرسى او ذنب رئيس الوزراء هشام قنديل و فى الاخر هترسى على عامل المزلقان و سواق القطر و تتقفل القضية و كلها كام يوم و تيجى مصيبة جديده و ننشغل فيها .. يا جماعه النهارده الناس كلها بتتكلم على ماتش الاهلى بتاع امبارح او على حفله البابا الجديد و محدش جايب سيره الحادثه دى و لا كأن احنا عندنا عيال و كان ممكن جدا جدا باص المدرسه اللى بادفعله الفين جنيه علشان ينقل اولادى يكون مكان الاتوبيس اللى ده ..
المضطر يركب الصعب
يا أخي والله الواحد مش عارف يقول إيه.... أنا ساكن في بشتيل وعلشان أقدم للإبنتي في مدرسة تجريبي... طلع أقرب مدرسة لسكني في شارع السودان... ولما رحت أقدم فيها قالوا لازم يكون العنوان على إمبابة.. مش بس كده ده كمان لما شفت منظر الفصل اندهشت من كثرة العدد قالوا لي 50 طالب في الفصل... أي كلام يعقل يا سادة.. طبعًا قررت أني مقدمش في منطقة إمبابة تمامًا.. طبعًا اضطررت أني أقدم تبع محل سكني إللي هو منطقة المعادي الجديدة بمساكن السعودية... بعد ما قدمت واستنيت التنسيق للمتقدمين للمدارس التجريبية في المرحلة التمهيدية بمنطقة المعادي... طلع حظي وحظ ابنتي إللي لا حول لها ولا قوة في مدرسة تجريبية في وسط مكان هاوي بعد كارفور المعادي إللي على الدائري... والغريب في الأمر والله العظيم يا سادة أن في مدرسة تجريبية على بعد 200 متر من منزل العائلة إللي في مساكن السعودية إسمها الهلال الأحمر التجريبية وإللي في الأول قدمت الورق فيها.. أي عقل وأي دين وأي مله تقول أن جنبي مدرسة وبنتي لم تقبل بها علشان المدرسة إللي جنب البيت أخذت 5 سنوات و7 شهور.. وابنتي كان عندها 5 سنوات 6 شهور و3 أيام علشان كده تنسيقها جه في مدرسة السيدة خديجة إللي خلف كارفور المعادي إللي على الدائري... بصراحة لما رحت المدرسة قلت خيرًا قدر الله وما شاء فعل.. وذلك من نظافة المدرسة إللي مشفتش زيها في مدارس إمبابة ولا الجيزة تمامًا.. ولكن والله العظيم بنتي تيجي كل يوم مغيبة تمامًا من طول الطريق وتكدس الباص إللي كل يوم معاه في مشكلة بسبب التأخير وساعات ميجيش خالص وساعات نتصل بيه المشرفة تقول أصل معلش اتخرنا في البنزينه علشان كان بيفول سولار ويقف طابور كبير ومعه الأولاد.. حسبنا الله ونعم الوكيل في التعليم بمصر والقائمين عليه... دلوأتي بنتي الحمد لله في kg2 وطبعًا أثناء الدراسة مضطر الإقامة مع والدتي ووالدي في المعادي وأرجع (خميس، وجمعة، وسبت)... إمبابة..
لحد ما ربنا ييسر الأحوال وأشوف شقة حوالين المدرسة
http://sphotos-h.ak.fbcdn.net/hphoto...53008817_n.jpg
تصوير : د. Nermeen Bedair
٧:٣٠ صباحا في شارع أبوبكر الصديق في مصر الجديدة.. من غير فوانيس ولا نمر ولا ازاز وبينقل أطفال مدارس... كان فيه مرور في الشارع بس تقريبا ماشافش المشهد يستحق التوقف عنده
و بعدين تحصل حادثة يروح ضحيتها أكثر من 60 طفل أكبرهم 8 سنين كانوا رايحين المدرسة ... يا رب وقفه بقى ضد الإهمال .. يا رب صبر قلوبنا و قلوب أهلى طفالنا اللى أطفى نور بسمتهم من حياتنا صباح اليوم فى جادث أتوبيس مدارس أسيوط :(((
المصدر
http://www.facebook.com
احنا شعب مستهتر بطبيعه الحال, واحنا المسؤلين عن اللي بيحصل عشان بنشوف حاجات كتير زي دي وبنسكت
ده مشكلة الفهلوة المصرية المعتادة ولا مشكلة الحكومة التى لم توافر مواصلات آدمية ومحترمة لهذا الشعب
http://sphotos-d.ak.fbcdn.net/hphoto...77433734_n.jpg