السلام عليكم محتاج المعلومة دى هل العربيات اللى بتبقى موجودة فى بورسعيد اللى بتتجاب من برة مستعملة دى للمعاقين بس ولا انا كشخص عادى اقدر اروح هناك واشترى العربية اللى تعجبنى من التاجر اللى بيستوردها من برة وادفع جماركها
عرض للطباعة
السلام عليكم محتاج المعلومة دى هل العربيات اللى بتبقى موجودة فى بورسعيد اللى بتتجاب من برة مستعملة دى للمعاقين بس ولا انا كشخص عادى اقدر اروح هناك واشترى العربية اللى تعجبنى من التاجر اللى بيستوردها من برة وادفع جماركها
متابع للموضوع..........
افتكر والله اعلم حسب معلوماتى القديمة تقدر طبعا تجيب من اى تاجر و تخلص جمارك بس مش هاتبقى فرقة كتير فى الفلوس غير الحالة و بس
والله ياباشا احنا هنا فى مصر مهوويسين بالحالة الواردة من الخارج دا غير ان عربيات برة بتنزل بكماليات مبنشفهاش هنا فى مصر مع الزيرو
علي حسب معلوماتي
العربيات معاقين واهل بورسعيد فقط .
لازم عشان تشتري عربية تكون انت المالك الاول ليها ويكون معداش علي موديلها 5 سنوات .
العربيات هناك كلها بتكون تقريبا 10 سنوات . وبتكون 1600 cc او اقل .
لو الموضوع كان عادي كان كل واحد عاوز عربية مستعملة كان جابها من هناك . خصوصا انها مواصفات اخري والعربيات هناك ما شاء الله تاخدها من غير ماتتفرج .
متابعة
الاخ الكريم الاستاذ صلاح
هذه السيارات هي للمعاقين فقط عافاك الله
و طبعا بيكون معها شهادة كومسيون و بيطلع بيها رخصة لمالكها فقط هو من يقودها ( اللي هوه المعاق )
و هناك سيارات اخري بتكون لاهالي بورسعيد فقط و لها نظام مختلف و ايضا لا يسمح لها بالتواجد خارج المحافظة الا حسب جدول او تايم شيت بيتم ختمه كل فترة و طبعا مالكها بيكون من سكان بورسعيد كأقامة كاملة
تحياتي اليك
معاقين فقط
ايام بورسعيد ما كانت منطقه حره كانت بيتسمح بيها لاهل بورسعيد لكن المنطقه الحرة اتلغت
القانون المصري لايسمح بدخول عربيات مستعمله الا للمصريين القادمين من الخارج و بشرط امتلاكها في نفس سنه الصنع (يعني تكون اول مالك)
السلام عليكم
عشان تجيب عربيه من الجمارك لازم يكون معاك شخص معاق حتى لو هتتفع جماركها
بص يا باشا انت بتشوف شخص معاق ويتعمل عليه كومسويون طبى 100 جنيه وممكن تستنى حوالى 10 شهور اما لو تدفع مستعجل 500 بيخلص فى ثلاث شهور وبتاخد التقرير الطبى وبيوجهه للجمارك
وبعدين تروح بورسعيد وتختار العربيه والتاجر هو اللى بيخلص الاجراءات مقابل عربون بتدفعه فى العربيه
بعد كده بتاخد العربيه بس المهم بقى
المعاق لازم يكون هو اللى سائق العربيه لو اتمسكت فى لجنه ومكنتش انت المعاق بتتدفع غرامه 12000 ايوه الرقم صح اثنى عشر الف جنيها عشان تاخد عربيتك لانها بتتصادر كل ده اذا مكنتش قريب درجه اولى للمعاق لو كنت درجه اولى ممكن تدفع 2000 او 1000 انت وحظك والمهم انك بعد ما تستلم العربيه بعد الغرامه هتفضل ترخيص معاقين برضوا
انت ممكن تعمل ايه ؟
وانت فى الجمارك هناك تفك الحظر على طول وانت هناك بتدفع 9600 وتفكها ........... بس خلى بالك المعاق اللى اتعمل الورق كله بأسمه مش هيعرف يشترى عربيه تانيه (معاقين ) لمده خمس سنين حتى بعد ما يفك حظرها ويبعهالك
المهم انت عملت اللفه ديه كلها وخلصت الورق وكله تمام
العربيه تقريبا هتفرق عن السوق حوالى 5000 جنيه بس الاهم انك تكون جايبها حاله ممتازه
الموضوع بياخد وقت وجهد بصراحه
يا رب اكون قدرت افيدك
انا اعرف انه 2500 جنيه اول مرة و لقيت موضوعات كاتبه الرقم ده و هو انا فكر انه كان كده بس معرفتش اشوف حاجه موثقه بكده الحقيقة
بس 2500 ده رقم منطقي اكتر من 12000 خصوصا اول مره لان فك الحظر اصلا كان ب9600
ملحوظه :- قيمة الغرامه متعتدلش مع تعديل الغاء فك الحظر اول 3 سنين وهي غرامه تهرب جمركي مش مرور خالص
موضوع القرابه موجود بس مش بالشكل المذكور ده بيفيد لما العربيه تتسحب انك بتتحايل علي الغرامه انك تثبت ان المعاق اصبح غير قادر علي قيادة السياره - بعد ما كان قادر علي القياده وقت الكشف الطبي يعني جد جديد - و ده بيحتاج كشف طبي و كمسيون كل ده و العربيه مسحوبه وغالبا لو الموضوع ده مشي بيبقي صعب علي المعاق انه يجيب عربيه تانية بعد 5 سنين لانه اثبت انه غير قادر علي القياده -------- ده القانوني
الودي او المتعارف عليه في المرور
1- لو المعاق في العربيه و اللي سايق حد قريبه ابن اب ام اخ اخت ------ مفيش حاجه و الامور بتعدي
2- لوالمعاق موجود في العربيه و اللي سايق مش قريبه ----- غالبا بتعدي
3- لو المعاق مش في العربيه و اللي سايق درجه اولي له اب ام اخ اخت ابن ابنه-------- حسب مزاج الباشا
بس كل ده مش قانوني ----- اي ورق من عينة توكيل قياده و ما شابه ملوش لازمه
yaserbasha2000
كلامك انت صح مليون ف المية
مشكور للردودكم ياجماعة انا وربنا يعلم مكنتش عاوز اشتريها عن طريق معاق كنت مفكر انى كشخص عادى اقدر اشترى وادفع الجمرك القانونى لها