الموضوع: جمارك بورسعيد

السلام عليكم محتاج المعلومة دى هل العربيات اللى بتبقى موجودة فى بورسعيد اللى بتتجاب من برة مستعملة دى للمعاقين بس ولا انا كشخص عادى اقدر اروح هناك واشترى العربية اللى تعجبنى من التاجر اللى بيستوردها من برة وادفع جماركها

المشاركة الأصلية كتبت بواسطة wael_kamel

السلام عليكم
عشان تجيب عربيه من الجمارك لازم يكون معاك شخص معاق حتى لو هتتفع جماركها
بص يا باشا انت بتشوف شخص معاق ويتعمل عليه كومسويون طبى 100 جنيه وممكن تستنى حوالى 10 شهور اما لو تدفع مستعجل 500 بيخلص فى ثلاث شهور وبتاخد التقرير الطبى وبيوجهه للجمارك
وبعدين تروح بورسعيد وتختار العربيه والتاجر هو اللى بيخلص الاجراءات مقابل عربون بتدفعه فى العربيه
بعد كده بتاخد العربيه بس المهم بقى

تقريبا قيمة الكشف زادت عن 100 جنيه دلوقتي مش متأكد كنت سمعت انها 300 جنيه

المعاق لازم يكون هو اللى سائق العربيه لو اتمسكت فى لجنه ومكنتش انت المعاق بتتدفع غرامه 12000 ايوه الرقم صح اثنى عشر الف جنيها عشان تاخد عربيتك لانها بتتصادر كل ده اذا مكنتش قريب درجه اولى للمعاق لو كنت درجه اولى ممكن تدفع 2000 او 1000 انت وحظك والمهم انك بعد ما تستلم العربيه بعد الغرامه هتفضل ترخيص معاقين برضوا

مفيش فرق قانونا بين ان اللي سايق قريب او غريب او ان المعاق في العربيه او لأ بس ساعات اللي في اللجنه بيراعي الموضوع ده وديا مش قانونيا ...... السياره لايقودها الا مالكها ده الرسمي

لو اتمسكت حد تاني سايقها قانونيا :- اول مره فعلا بيتدفع غرامه بس مش 12000 اقل من كده و تاني مره بتدفع قيمه جمرك العربي بالكامل و الا تتصادر

انت ممكن تعمل ايه ؟
وانت فى الجمارك هناك تفك الحظر على طول وانت هناك بتدفع 9600 وتفكها

الكلام ده اتلغي من 4 سنين
دلوقتي متقدرش تفك حظر العربيه بدفع 9600 غير بعد 3 سنين من الشراء
و بعد تمام 5 سنين بتفكها ببلاش و يقوم المعاق بشراء سيارة اخري بعد الكشف عليه من جديد

........... بس خلى بالك المعاق اللى اتعمل الورق كله بأسمه مش هيعرف يشترى عربيه تانيه (معاقين ) لمده خمس سنين حتى بعد ما يفك حظرها ويبعهالك
المهم انت عملت اللفه ديه كلها وخلصت الورق وكله تمام
العربيه تقريبا هتفرق عن السوق حوالى 5000 جنيه بس الاهم انك تكون جايبها حاله ممتازه
الموضوع بياخد وقت وجهد بصراحه
يا رب اكون قدرت افيدك

انا رديت و عدلت بس علشان تصحيح المعلومات و افادة اي حد ممكن يكون بيدور في الموضوع ده

لكن نصيحتي لصاحب الموضوع انك ما لم تكون من المعاقين - عافاك الله - فالموضوع ده ابعد عنه