الموضوع: من فضلكم يا جماعة عايز حد يسعدني بسرعة

يا جماعة أنا امبارح روحت و أتفرجت علي امبريزا.......

العربية حلوة جدا و عجباني........

بس فيه حاجة و ياريت اللي هيجاوب عليا يكون خبييييييييير في الحتة دي.

فتحت غطاء التانك لقيت مكتوب unleaded 95 is recommended هل دة معناة ان مش ينفع بنزين غير 95.............!!!!!!!!!!!؟؟؟؟؟؟؟؟؟؟؟؟ ؟؟؟؟؟؟؟

مع العلم يا جماعة ان تفويلة الامبريزا 95 = 2.75 * 60 = 165 جنية

92 = 1.85 * 60 = 111

ولو حد يعرف 95 يمشي أد اية و 92 يمشي أد اية.........

يا أصحاب الأمبريزا لو سمحتم سعدوني و عيزكم تقولولي اية اللي عاجبكم في العربية و اية اللي مش عاجبكم.........

بصراحة أنا عاجبني العربية دي و بردة عاجبني السيات كوردوبا..........

صحيح المقارنة بنهم مش عادلة بس التنين دول هما اللي عاجبني..........

المشاركة الأصلية كتبت بواسطة Moustafa Al-mansy

يا أصحاب الأمبريزا لو سمحتم سعدوني و عيزكم تقولولي اية اللي عاجبكم في العربية و اية اللي مش عاجبكم.........

بصراحة أنا عاجبني العربية دي و بردة عاجبني السيات كوردوبا..........

صحيح المقارنة بنهم مش عادلة بس التنين دول هما اللي عاجبني..........

لو هتقارن بين العربيتين احسن اسال في منتدى المقارنات لان هنا الناس هتلاقيهم متحيزين للامبريزا اما هناك هتلاقي اراء مختلفة

اما عن الامبريزا فانا كنت عملت تقييم ليها هنا في المنتدى بس بغض النظر عن اي عربية تانية

نصيحة اخيرة هامة
امبريزا= مانيوال (وده رايي الشخصي)

هيا العربيه بصراحه جامده
وانا من عشاق سوبارو كلها
ولكن موضوع البنزين لا اعلم فيه بصراحه

السلام عليكم ورحمة الله

اولا اسف للتاخر في الرد

افضل اداء للامبريزا تاخده مع بنزين 95
يعني استخدام بنزين 95 يعطي:
1-اداء العربية بالكامل 106 هورس باور
2-كيلو مترات اكبر يحوالي من 20 - 25 %

استخدام بنزين 95 لازم في حالة لو انت من هواة الشد و الحرق و الجري لتحصل على اعلى اداء + امان لموتور عربيتك

هناك حالة فردية (على حد علمي) لزميل معنا هنا في المنتدى (خالد عادل) عربيته موديل 2006 عامل بها 80000 كيلو متر , خالد ما شاء الله عليه ربنا يحفظه ويسلمله طريقه مشواره دائري كل يوم و العادي بتاعه 160
المهم عربيته اتكسر فيها بستم بعد 80000 ولما راح لابو غالي صورو الموتور من جوه وبعتوا تقرير للشركة اليابنية جه في ردهم انها نتيجة استخدام بنزين ذو رقم اوكتان اقل من الموصي به وده قراه خالد بنفسه كما ذكر المهم بالرغم من ان العربية بره الضمان الا ان التوكيل دفعه نصف التكلفه فقط

عموما انا وباقي مالكي الامبريزا سواء 2007 او 2008 شايفين ان 95 هو الافضل

بنزين 92 متوسط استهلاك في ظروف مختلفة حوالي 9,5 لتر لكل 100 كيلو
بنزين 95 متوسط استهلاك في ظروف مختلفة حوالي 7,5 لتر لكل 100 كيلو

الاول فبل الزيادة الاخيرة في سعر البنزين كان 95 اوفر من 92 او على اقصي تقدير نفس المسافة تقطع بلترات ثمنها متساوي بأي من 95 او 92

اما حاليا
انا عن نفسي بحط حوالي 400 جنيه في الشهر بنزين 95
لو حطيت 92 حسبت لقيت اني هحط ب 320 جنيه
يعني فرق 80 جنيه شهريا انا عن نفسي شايفهم مش كتير بالنسبة لاداء افضل واستهلاك موتور اقل

بالتوفيق

شكرا يا جماعة علي ردودكم..............

معني كدة يبقي لازم 95 هية هتفرق معايا شهريا في حوالي 200 جنية.......

مش مشكلة بس ربنا يقدرني.....

المشكلة الكبري ان ال 95 مش موجود في كل مكان..........

أنا حاليا مقيم في العاشر من رمضان و طبعا مش فيها 95...........

وفي حاجة تانية........

أنا عايز حد من مالكي 2008 يقولي هي فعلا العربية دي تستاهل اني أضحي عشنها و خصوصا اني بمشي كتيييييييير

هل هتستحمل ........... بمعني عمرها الأفتراضي كبيييييييييييير ولا هتخسع معايا......

و شكرا يا جماعة علي ردودكم.............

ماشي يا vet mitcho أنا أصلا ان شاء الله هجيب مانيوال.........

فين قسم المقارنات دة؟؟؟؟؟؟؟؟؟؟؟؟؟؟؟

المشاركة الأصلية كتبت بواسطة Moustafa Al-mansy

ماشي يا vet mitcho أنا أصلا ان شاء الله هجيب مانيوال.........

فين قسم المقارنات دة؟؟؟؟؟؟؟؟؟؟؟؟؟؟؟

في المنتديات العامة هتلاقيه