الموضوع: سيفيك 93 ex صوتها عالي

المشاركة الأصلية كتبت بواسطة adham_medo

السلام عليكم يا شباب الهوندا

المشكلة 1 : عربيتي سيفيك 93 ex كربراتير اوتوماتيك عملتلها عمرة من شهرين والحمد لله 100% العربية تمام وبتعرق ( ما شاء الله ) , ولكن العربية بتسحب بنزين بطريقة غريبة , جربتها مشوار من رمسيس الي ميدان الحصري ب 6 اكتوبر الساعة 3 الفجر ورجعت تاني والطريق فاضي خالص ومافيش معايا وزن , سحبت نصف التانك ( 15 لتر ) .

سألت واحد ميكانيكي هوندا عامل فيها بيفهم قال الكتاوت والكاربراتير عايزين تظبيت وهيأخذ 50 ج مصنعية , حسيت من كلامة انه بيعمل عليا شغل , افيدونا اعمل ايه ؟

المشكلة 2 : رمان البلي الخلفي والامامي انتهي وعايز اشتري جديد , سألت علي الاسعار عند (اوره ) في جسر السويس قال : الفردة الواحدة خلفي ب 255 ج والامامي فردي ب 245 ج يعني ثمن رمان البلي امام وخلفي جديد ب 1000 ج مقفولة , وقال كمان أن رمان البلي ما ينفعش يتفك من السرة يعني رمان البلي والسرة حته واحدة وده اللي بيخلي اسعارها غالية , سؤال هل يوجد أحد يبيع رمان البلي بأسعار ارخص شوية ؟ وهل يمكن فك تركيب رمان البلي عن السرة حتي استطيع فكها وشراءها بسعر اقل ؟

شكرا يا شباب الهوندا الكرام

الكابتن / محمد الشرقاوي

كده حاجه من 2

يا اما الكربيراتير مش مظبوط بس مستحيل انها تاكل الكميه دى كلها

يا اما فى تسريب فى احدى الخراطيم يا اما التانك مخروم ياريت تراجع عليهم كلهم اكيد فى تسريب

لو راجعت و الدنيا زى ما هى يبقى تروح عند حد بتاع كربيراتير نضيف و موثوق منه هيخلى الدنيا تمام

بالنسبه لرولمان البلى ده هتروح للخراط يفك البللى القديم على المكبس و مفيش حاجه اسمها البليه مبتتفكش

و تروح شارع شمبليون عندى توكيلات الرولمان البللى اللى هناك هتشتريها ارخص من كده

بس المهم ان مقاس البليه ييجى صح علشان متفضلش رايح جاى

و عندك بقا هناك انواع كتير و مركات كتير جدااااااا تقدر تختار منها و على حسب السعر اللى انت عايزه عايزه

و شكرا على كده و اللى قالك ان البللى مبيتفكش قوله انت بتاع شاى

^_^

المشاركة الأصلية كتبت بواسطة matrix_87

أعتقد انه بيختلف من عربية للتانية
لازم تفكها الاول وتشوف المقاس

+111111

^_^