لسة يا دوب فايق من نزلة البرد .. الحمد لله
كان يوم جميل وعدى بسرعة جدا سعدت فيه بمعرفة أصدقاء جدد على سبيل المثال لا الحصر :

أبو جوجو صاحب نكتة قاعدة ال .... ولا بلاش ههههههههههه
أحمد ابراهيم ( دايو ) طلع ثورجي من الطراز الأول
محمد عبدالله اللي فرهد معايا من لعب الكورة
خالد أبو عمر الشهير ب " سعيدة يا واد "
أحمد حلمي و أحمد سلمي وأنا كنت فاكر ان الاتنين توأم لحد خالد طلعت ما رساني على الدور
مصطفى تربل اللي ساب لينا الجمبري بتاعه انا وخالد طلعت .. ربنا يكرمك يا درش ومايحوجك أبدا قادر يا كريم
عبداللطيف حيث الهدوء و الرزانة .. ما اعرفش انت صاحب شنوري ازاي .. حبيبي يا شنوري
دينا بسيوني .. اللي - ما شاء الله - عربيتها فيها فوانيس في الاكصدام
أستاذ جمال من غير ما تتكلم معاه تحس انه شخصية محترمة جدا
أحمد موجة اول ما شوفته فكرته ايطالي .. ههههه
سونا ستيل اللي ما لحقتش اتعرف عليه
معتز حبيب قريب محمد غازي - على رأي شنوري -
هيثم أبو تي شيرت مبكسل

وأصدقاء دي تاني مرة أشوفهم :
محمد قاسم عبقري التصوير
محمد غزالي جاري وحبيبي
استاذ هاني عبدالفتاح اللي ان شاء الله الظروف هاتسمح في يوم اننا نقعد ونتكلم
م . سمير الشهاوي فنان القيادة الكلاسيكية
مدام سما مديرتنا ربنا يبقيها زخرا و فخرا للمنتدى
مدام حنان زميلة المنتدى و العمل أيضا
بهنساوي حبيبي اللي كل مرة بيلعب معانا كورة ويتعب من اول 3 دقايق
حسين نايس مخترع الريجاتا
الحاج احمد ابراهيم بتاع برطمان 13 يا الهام .. هههههههه


و أصدقاء اعرفهم من زمان فأصبحوا عشرة عمر :
محمد الطويل مارادونا اسكندرية
علاء الشناوي الوحيد اللي كمل الماتش معايا من غير ما يتعب - بسم الله ما شاء الله -
شنوري الراعي الرسمي للمهرجان
كريم منير .. اللي مش هاينزل كل الصور اللي عنده من باب الستر
أحمد فارما اللي كل مرة يلعب ويتغلب .. بس المرة دي مسك بطنه و طلب التغيير عشان ما يشلش الهزيمة
مصطفى مهران .. الراجل ده بصراحة با رتاح له جدا
ميسو اللي جه متاخر و مع ذلك لحقنا نقعد ونتكلم عن الهامر 128 اللي هو متخصص فيها
احمد عيد صديق الميدان
وطبعا خالد طلعت مش هاينفع اتكلم عنه لأن ده هو اللي عرفني على المنتدى وهو اللي شجعني على المشاركة في ثورة يناير وهو اللي عرفني على حركة 6 ابريل .. يعني كل حاجة كويسة في حياتي كان سبب او شريك فيها

لو كنت نسيت حد يا جماعة فأنا أسف بجد وليه عندي حق عرب

متجمعين دايما في الخير و منتظرين مقابلة الفيوم في نص السنة باذن الله