انا كمان قريت تعليق الاستاذ سعفان علي كونتاكت كار و قلقني جدا علشان بفكر جديا احجز
تقريبا ده التعليق السلبي الوحيد اللي قريته علي العربيه دي
ياريت التوضيح و شكرا
عرض للطباعة
أنا فعلا كتبت على الكونتكت كار كلام سئ مثل ماسيادتكم قلتم ولم أنكر ذلك - وهذا كان بسبب خلاف شديد مع توكيل المجموعة البافارية عن حجز هذه السيارة لأننى أول من ركب ماركة بريليانس فى مصر ومن المشجعين الأوائل لهذه الماركة ، ووقبل أن يتم عرض السيارة v 5 فى التوكيل أو بالمعنى الأصح قبل أن تنزل فى مصر كنت عارف هذه السيارة ودارس جميع إمكانياتها - ولذلك كنت دائما متردد على التوكيل الموجود على الأوتوستراد القريب من منطقة شيراتون المطار ، وعندما تم إستيراد السيارة v 5 وجاءت بالتوكيل المذكور أبلغونى عنها لكى أشوفها وفعلا ذهبت ورأيتها والتصورت فيها وكان أول شخص يشوفها هو أنا وعجبتنى جدا وأخبرت المسئول عن البيع بأننى أريد شرائها فورا وكان ذلك فى أواخر شهر أغسطس 2012 ولكن قال لى لسه لما يعملوا لها حفلة إفتتاح فى 24 سبتمبر 2012 وبعد ذلك نبدأ فى بيعها وتسليمها فوريا للمشترى - فقلت له عموما أنا عاوز واحدة مجرد ماتفتحوا البيع فيها - وقام بتسجيل بياناتى عنده على الكمبيوتر وقال سوف نخبرك فور بدأ البيع فيها - ولكن إنتظرت أن يخبرونى فلم يخبرنى أى شخص من التوكيل - وذهبت لهم بعد ذلك فى أول شهر أكتوبر حتى أشوف ماذا تم فوجدت أنهم فعلا بدأوا فى البيع والتسليم وقالوا لى إذا كنت عاوزها إدفع 30000 جنية وإحجزها وسوف تستلمها بعد ثلاثة شهور - ومن هذا حدث خلاف شديد بينى وبين التوكيل وقلت لهم سوف أكتب بأن جميع مركات البريليانس سيئة - المهم بعد ذلك إتصلوا بى وأبلغونى بأنهم سوف يحاولوا تسليمى السيارة فى أقرب وقت فذهبت ودفعت قيمة الحجز المطلوب بل دفعت قيمة السيارة بالكامل وقلت لهم إما أشوف هتعملوا إيه - وفعلا عندما جاءهم السيارت من الصين إتصلوا بى وسلمونى السيارة فى أول شهر ديسمبر 2012 والحمد لله السيارة من أجمل وأحسن السيارت الشبيهه فى فئتها من الماركات الأخرى ( الهاى لاين ) - فأنا أسف على ماكتب سابقا فى الكونتاكت كار مع العلم حاولت إزالة كل ماكتبته على الكونتاكت كار ولكن للأسف الشديد لم أنجح مش عارف ليه .
امبارح والله شديت مع سبورتاج وقشقاى وتم بحمد الله المطلوب وقد كان الانتصار يليهما فانتازيا وسراتو حد بقى يفهمنى ازاى السبورتاج 140 حصان ولا زى ما بيقولوا مافيش الكلام دة بجد انا باحترم عربيتى بالذات فى الغرز والملفات والله ماكسفتنى والحمد للة ربنا يباركلى ويبارك للجميع الى اشتروها فيها يارب
الى أحمد حمدى
مجهود ممتاز ... أشكرك عليه ... و انا فضل هذا التقرير ... حجزت السياره و أن شاء الله استلمها بعد شهر
تحياتى لك .. و ان شاء الله تصبح مهندس كهرباء ناجح فى حياتك دائما
اانا حاجزها من شهرين وقالو ليا برضه الاستلام في فبراير (النص الاول منه )
ويا ريت لو يكون في تنسيق بينا بخصوص موضوع السعر دا
في الموضوع هنا
http://www.nilemotors.net/Nile/329577-a.html
ياجماعة فى ناس قابلتها وكانوا لسة بيعملوا صيانة الالفين كيلو وكانوا خايفين لان العربية كانت ناشفة شوية بسيطة فى بعض الحفر الصعبة فى الاول وانا طمنتهم وبطمن الكل الى ناوى يشترى على حاجة مهمة ان العربية فى الاول كدة بس بعد ما بتمشى بيها اكتر واكتر العربية بتنعم معاك جدااااااااااااااااااااا وسحبها كمان بيزيد قووووووووى زى اى عربية بتطبع فى الاول عشان لسة ما مشيتش على الارض وحاجة بسيطة مش جامدة يعنى وبصراحة بعد ماعديت الخمس الاف كم العربية فرقت كتيررررر وبقت ناااااعمة جدا وثابتة زى ماهية وكمان السحب فرق وزاد بعد مافتحت الموتور كمان انا عامل لحد النهاردة 12000كم والحمد لله العربية زى الفل وبسم الله ماشاء الله العربية مافيهاش اى مشاكل وانتشرت بالرغم انها مش موجودة بكثرة فى المعارض ولا التوكيل ولا ليها دعاية وانتشرت بنسبة معقولة وبقيت اشوفها كتيرجيرانى بس خمسة جابوها بس انا بقى اتميزت باللون الابيض ماشفتش غير بتاعتى بيضاء هههههههههههه شوية تناكة بقى ههه ربنا يباركلكم يارب ويستر طريق الناس كلها يارب وتحت امركم فى اى سؤال