مفتاحين للعربية + جنط استبن + ولاعة والاكوريك بس كدا
عرض للطباعة
الحمد الله أنا أستلمت السيارة ومعها الاتى 2 مفتاح ريموت و عجله استبن و كوريك و مفتاح العجل و مثلث الخطر و الضمان وكتاب دليل المستخدم و اهم حاجه خطاب المرور و صوره من الافراج الجمركى مسجل به رفم الشاسيه
وسوف تدفع 100 جنيه رسوم استلام ( هى دى مصر ... يقول لك دى مصاريف استخراج الورق من المرور ... ) المهم انك حاول تذهب بدرى حتى تلحق تخلص و تروح المرور للترخيص و بالتوفيق للجميع
الف شكر لكم جميعا و في انتظار استلام السياره
الحل مكتوب فى الكتالوج و هو قبل ما تفتح الكونتاكت ترفع دراع المساحات اللى خلف طارة الدركسيون لفوق وماتسيبوش ينزل لمدة 4 ثوانى هاتلاقى المساحات اتحركت لحد ما بقت عمودية وبتقف لوحدها فى نص البربريز و بعدين ترفعها بعيد عن البربريز وتعمل اللى انت عايزه وترجعها تانى على البربريز وتقدر ترجعها لمكانها الاصلى يدوياً يعنى تدفعها بايدك لحد ما تنام تحت فى مكانها او تفتح الكونتاكت و ترفع دراع المساحات لفوق وتسيبه على طول ها ترجع المساحات مكانها وانا شايف ان ده مفيد لحماية الساحات من السرقة. :tumb:
السلام على جميع الاخوة الكرام
اولا: تحياتي لبلدياتي المهندس احمد حمدي كاتب الموضوع وتحياتي للدكتور مدحت البلبيسي صاحب الفضل في كتابة الموضوع واعتقد لولا مجهودهم المشكور ما انتبهت لهذه السياره وقررت شراؤها والمفروض التوكيل يبعتلهم شكر وتكريم لاني لاحظت ان في اعضاء ذيي قرروا الشراء بناءا على هذا الموضوع المتفرد عنها
ثانيا: انا عمري 43 سنه وعندي 4 اولاد وبسافر لبلدتي كل فتره وقررت من مده اني اشتري سياره زيرو اتوماتيك واسعه وتستحمل وبها وسائل امان وكماليات كويسه وترددت واجلت كتير قراري لحد ماالاسعار ارتفعت بصور لم اتخيلها
فقررت اخيرا شراء سياره عائليه من معرض قريب مني في مدينة نصر
و لما شوفت عنده v5 افتكرت اني قرأت موضوعكم هذا عنها والاعجاب بيها رغم اني مكنتش حططها ضمن اختياراتي لانه لم يسبق لي رؤيتها كما ان التيجو وهي صيني ايضا ضيقه في الكنبه الخلفيه و اعجبت انا واسرتي بالعربيه و بوسعها وشكلها الاجمل من الكارينز والكماليات الموجوده فيها ولما سألت عن السعر قال مندوب المعرض 143 الف بعد زيادة الدولار واعتقدت انها هاي لاين لانه قال انها بتفتح بالبصمه وهي كانت مفتوحه وقاعدين جواها ورغم اعجابي بها عن الكارينز في الكماليات والامان والشكل الا انني تعجبت من السعر بالنسبة لعربيه صيني وانا لا اقلل من اي عربيه صيني فانا ارى انها عربيات محترمه وتناسب مع اسعارها لكن v5 عدت في السعر جامد
عشان كده قولت ارجع اقرأ موضوعكم عنها بتأني واشوف تستحق هذا المبلغ ام لا ولقيت ان العربيه مقارنة بغيرها تستحق لما كانت ب 136 الف و ايضا بعد الزياده الدولاريه لانها جت على كل العربيات
لكن ايضا اكتشفت من الكلام انني رايت الهاف لاين او الكومفرت لان مكنش فيها فتحة سقف فاتصلت بمندوب المعرض فاعتذر انه اخطأ وانها الهاف مش الهاي لاين
وقلت اسبني من المعارض واتصل بالتوكيل افضل وللاسف مكنتش قرأت اخر صفحتين في الردود هنا عشان كده اتصدمت وانفعلت جدا لما عرفت ان الهاف لاين ب 143 الف وان الهاي لاين بقت ب 150 الف يعني زادت مره في يناير بمناسبة الدولار ومره في فبراير بدون مناسبه وبقت تقريبا ذي الكارينز هاي لاين اللي رغم انها تقل في الامان والاوبشن عن ال v5 لكن كوري المفضل حاليا في مصر وسعر اعادة البيع افضل بكتير جدا عن الصيني وكنت اتمنى من التوكيل مراعاة ذلك لان مش هيفكر يشتريها غير واحد ذيي عشري جدا مع العربيات
والسؤال للدكتور مدحت والاعضاء اللي اشتروا الهاي لاين والهاف لاين هل توافقوني في تفضيلي شراء الهاف لاين وخاصة اني شوفتها فعلي وعجبتني وهشتريها من المعرض بنفس سعر التوكيل وموجوده عنده اما الهاي لاين فلم ارها بنفسي حتى احكم عليها ومدى اعجابي بالفارق بينهم كما انهم هيبعتوا يجبوها لي لانها قليله وخلصت عندهم بسرعه ولكن سعرها هيزيد عن التوكيل
ولقيت الفارق بينهم 10 الاق جنيه والفارق في 7 اشياء فقط وهي كماليات - فتحة السقف- الدخول وادارة المحرك بالبصمه - 8 سماعات بدل 4 - جراب نظاره - تسخين المريات ذاتي- مساحه خلفيه- فوجات ضباب اماميه . وهذه الاخيره يمكن تركيبها بسهوله وانا افضل وجودها ام الباقي فيعني بين بين
فين المشاركه السريعه والردود
يا اخونا انا رايح اخلص اوراق الشراء بكره و مش عايز اندم اني وفرت 10 الاف جنيه ومجبتش الهاي لاين
وخاصة اني في جميع الاحوال هجبها تقسيط
وبالمناسبه نسيت حاجه ان الهاي لاين بيزيد فيها 2 ايرباج جانبي موجودين في الابواب الاماميه
بخلاف ال 2 ايرباج امامي الموجودين عموما للسائق والراكب الامامي
وده من البروشور اللي التوكيل مشكورا ارسله لي على اميلي لأعرف الفارق بين الهاف والهاي لاين
لكن معرفتش انزله هنا عشان الملف مساحته اكبر من المسموح بيه هنا
الأخ الفاضل أ/ أبو عمر .. قرار الشراء من عدمه يرجع للشخص نفسه ووفقاً لظروفه الشخصية اللي بتختلف من واحد للتاني .
بمعنى أني ممكن أنصح حضرتك تجيب الهاين لاين علشان الكماليات الزيادة وأقنعك بذلك .. ما أنا مش غرمان حاجة .. في حين أن ظروفك المادية لا تسمح .
أعمل استخارة قبل أي شيء .. وربنا سيهديك للأفضل إن شاء الله .. سواء في أختيار أي فئة أو في العربية دي أو غيرها بصفة عامة .
معذرة لأني عارف أن اجابتي غير شافية إلى حد كبير .. لأني بعتبرها مسئولية في رقبتي في توجيه شخص نحو شيء معين وأنا غير ملم أو مدرك لظروفه أو احتياجاته .. فما بالك بأي لم يسبق لي تجربتها أو حتى قيادتها .. خاااااااالص تحياتي .
لو حضرتك حسبت فارق الامكانيات في الهاي لاين
وخصوصا الامان بخصوص الاير بااج وانها بننفتح بزرار مش كونتاكت عادي عشان مش تتفطش وتتسرق
ونظام الاموبيلزر (مش عارف موجود في الهاف ولا لأأ) وباقي الحاجات كماليات انت بقا تقدرها حسب حاجتك
انا معاي الهاي لاين وهيا مميزة فعلا
شكرا