تقرير مصور : كتم صوت ابواب سوزوكي التو عند الغلق
بسم الله الرحمن الرحيم
السلام عليكم و رحمة الله و بركاته
من ساعة موضوع تحسين العزل اللي فكرت فيه
http://www.nilemotors.net/Nile/313617-a.html
كنت بفكر اني اكتم صوت الأبواب عندي في الالتو عند القفل لأن الصوت بيكون مسموع بطريقة مستفزة
:019F3B~14:
اشمعني يعني المرسيدس و البي ام هو احنا قلة و لا ايه :satelite:
و الحمد لله قررت اني انفذ الموضوع ده و أحب اقول ان النتيجة ما شاء الله كانت مبهرة
نيجي بقي ازاي نعملها
اولا : الأدوات
- مقص
- شريط لاصق من عند اي محل ادوات كهربائية و انا جبت اللون الازرق لأنه نفس لون العربية ( ممكن يظهر في الصور ان اللون مختلف لكن في الحقيقة الفرق مش واضح بالعين المجردة )
http://nileup.com/up/uploads/nilemotors_13533606191.jpg
ثانيا : التنفيذ و الخطوات
- هننضف الصوابع بفوطة و ميكونش عليها اي تراب عشان اللصق
و ده الشكل قبل شريط اللصق
http://nileup.com/up/uploads/nilemotors_13533606192.jpg
- نقص حتة شريط لصق يكفي 3 لفات ع الصباع اللي جوة اللي هنلفه دلوقتي في الصورة مع مراعاة تقليل العرض بما يناسب عرض الصباع
http://nileup.com/up/uploads/nilemotors_13533606193.jpg
- بعد ما لفينا الصباع اللي لجوة
نقص حتة شريط لاصق تاني لكن بما يكفي لفتين فقط عشان الصباع الخارجي و اللي هنلفه في الصورة التالية
http://nileup.com/up/uploads/nilemotors_13533609741.jpg
- الناس هتقولي طب ليه اللي جوة 3 لفات و اللي برة لفتين لأن اللي برة هو اللي السان بيقفل عليه لو خليته 3 لفات ممكن تحس بتعليق في فتح الباب لكن 2 يعتبر ع الشعرة عندي مع 3 جوة
- و ديه النتيجة في الأخر
http://nileup.com/up/uploads/nilemotors_13533609752.jpg
- و ده الباب الخلفي و تم التطبيق ع جميع الأبواب
http://nileup.com/up/uploads/nilemotors_13533609753.jpg
-و زي مقولت فوق ( ممكن يظهر في الصور ان اللون مختلف لكن في الحقيقة الفرق مش واضح بالعين المجردة )
- محدش يبص للفينيش اللي انا عامله لأن الموضوع كان تجربة فمهتمتش بالشكل اوي لحد ما اجرب لكن شيلت كل ده و لزقت ع نضيف من اول و جديد و للأسف معرفش اصور لأن بطارية الكاميرا فضيت :closed:
اما النتيجة فما شاء الله الصوت اتكتم عن الأول بكتير و كأني بقفل باب عربية من العربيات اياهم هههههه
و كنت بفكر في فكرة تانية لكتم الصوت بنسبة 99% لكن الموضوع مازلت تحت الدراسة لأن فيه مجازفة شوية D:
اتمني الموضوع يحوذ اعجابكم