الموضوع: دخان ابيض وهزه جامده على السلانسيه

المشاركة الأصلية كتبت بواسطة ahmed air

اشتريت 128 زستافا الحمد لله سليمه بس العادم بيطلع دخنه بيضه لمه بكبس وفى رجرجه على السلانسيه وصوت تكتكه عالى ياترى ده ضبط تاكيهات ولا ايه بالظبط وياريت تقولولى التكاليف كلها وشكرا لتعبكم معايا

مبروك على 128 زستافا انا قعدت معايا 14 سنة بالنسبة للموتور حسب مابتوصف ان عندك الصبابات فى وش السلندر مبوشة ودى تخلى سحب العربية ضعيف وتاكل البنزين والزيت وصوت التكايات بيبقى عالى فنصحتى تجيب اخر الموتور دة وتجيب موتور استعمال افضل من انك تعملة عمرة بس جيبة من واحد معرفة علشان ميكونش استعمال مصرى بالنسبة لرجرة السلنسية دى اعتقد ان الزيت بيجى على البوجيهات فبتقطع غير البوجيهات بسن قصير لغاية ماتعمر او تغير الموتور

انا اشتريت موتور للعربية 1100 cc استعمال بعد ماشتريتها بسنة لان الموتور اللى فيها جاب اخرة وكان ساعتها بالفتيس من حوالى 12 سنة ب 1300 جنية وتكلفة العمرة الكاملة كانت 1000 جنية بس كان موتور استعمال خارج ودة بتعرفة من طبة تحت كوعة المية بتخنق تدفق المية وكمان كان راكب لة الترموستات وطبعا كل الحاجات دى بتتشال علشان دى للجو البارد المهم ربنا بارك فى الموتور وقعد معايا 10 سنوات وعملت لة عمرة كاملة وغيرت وش السلندر علشان الميكانيكى كسرة مكنش عاوز يتفك وتكلفة العمرة حوالى 2000 جنية ودة فى سنة 2007 وكانت اول فكة للموتور واول خرطة لية غير لما تعمر موتور ملعوب فية وبعد العمرة الموتور دة كان طلقة تحس انة عاوز يطلع من العربية وكنت بجيب بيها 120 ودة كلة بالبنزين 80 بالنسبة لل 90 كنت بخاف احطه علشان العربية بتجنن وتخليك تبقى عاوز تطير بيها ال128 عربية حلو وطلقة بس اهم حاجة تكون شاسيها سليم بمعنى ماتكلش كاوتش معاك اللى معايا بعتها بسبب ان الشاسية تعبنى كل شوية لحامات بسبب المطبات الحلوة اللى فى كل حتة نصيحة حاول متركبش ليها كاوتش عريض 165/60/13 وخليك فى المقاس الأصلى 145/80/13 علشان العريض بيكسر الشاسية وربنا يكفيك شرها !!