شارك وقول ازاى روشت عربيتك الاسبيرانزا A5

**kamatchodj** · 23-04-2007 12:27 AM

الف مبروك للى استلم عربيته ............. وعقبال اللى منتظر ان شاء الله

شوفوا يا جماعه العربيه مش محتاجه اى كماليات لآن بها كل شىء ولكن احنا بنحب نروش عربيتنا

يبقى نتشارك الخبرات والافكار ونشوف ممكن نساعد بعض ازاى

يعنى اللى اشترى فرش شيك يقول جابه منين وبكام ومواصفاته ايه

واللى جاب دواسات يقول برده

واللى ركب اىحاجه زياده يقول

يعنى ده الموضوع بتاع الاكسسوارى والاوبشن للعربيه

**kamatchodj** · 23-04-2007 12:29 AM

انا اشتريت الفرش من التوكيل وهو متفصل مخصصوص للعربيه وسعره حوالى 260 جنيه والتركيب ب 90 جنيه

واشتريت الدواسات بيج بس طلعت صغيره وشكلها مش عاجبنى

**aamerbebo** · 23-04-2007 12:49 AM

اولا شكرا على الموضوع لأنة فعلا موضوع حلو وجديد
انا عن نفسي انا وجنيدي جبنا الفرش الجلد من التوفيقية وبصراحة انا حاسس انة تحفة والدواسات برضة من هناك بس لونها شفاف وانت شفتها كبيرة وتنفع للعربية بتاعتنا.
بس موضوع الترويش ده مش عارف اعمل فية اية!!!! يا ريت حد يفكر معانا
شكرا
م/آمر يحيى

23-04-2007 01:59 AM

فعلا انا وأمر اشترينا نفس الفرش وهو فعلا رائع ونفس لون التابلوة وكان سعرة 180 جنية بالاضافة ال 25 جنية تركيبة --والدواسات 5 قطع ب 75 جنية --واما الاكسسوارات بالفعل انا ركبت اربع زوايا لحماية الاربع اركان بتوع العربية وهمه لونهم سلفر لامع جدا وشكلهم مع العربية اكثر من ممتاز -لانهم يشبهوا ونفس لون السلفر اللى فى مقدمة العربية --بس كدة ما فيش اى اضافات تانية --وبالفعل هو موضوع شيق والكتابة فية حلوة -- :P

**kamatchodj** · 23-04-2007 02:22 AM

واما الاكسسوارات بالفعل انا ركبت اربع زوايا لحماية الاربع اركان بتوع العربية وهمه لونهم سلفر لامع جدا وشكلهم مع العربية اكثر من ممتاز -لانهم يشبهوا ونفس لون السلفر اللى فى مقدمة العربية

ايوه اهو كده يحلو الكلام ....

منين جبتهم وبكام

23-04-2007 02:42 AM

شوف يا سيدى--احنا اشترينا من محلات المصرى فى التوفيقية--وهو محل واخد ناصية فى التوفيقية وبيبع الفرش فقط--والدواسات خللينا الراجل اللى شغال جوة ساعدنا علشان نشتريها وفعلا جبلنا سعر ممتاز-- الراجل اللى بيركب الفرش اسمة حتاتة --من امبابة --لو قلت لة انا من طرف محمد جنيدى بتاع الاسبيرانزا اللى مسافر برة ح يعمل معاك واجب ---وممكن بكرة اجيبلك تليفونة --وتحت امرك :P

**kamatchodj** · 23-04-2007 03:53 AM

انا سمعت عن حاجه زى الفيميه بتتلزق على زجاج السياره وبتمنع دخول اشعه الشمس والاشعه الضاره بس بيقولوا غاليه قوى ماحدش يعرف بديل لها

**جندى مجند** · 23-04-2007 06:35 AM

المشاركة الأصلية كتبت بواسطة kamatchodj

انا سمعت عن حاجه زى الفيميه بتتلزق على زجاج السياره وبتمنع دخول اشعه الشمس والاشعه الضاره بس بيقولوا غاليه قوى ماحدش يعرف بديل لها

غالباً تقصد VKool و هو ممتاز و ميزته انه مش بيقلل الرؤية على عكس الفيميه العادى و بيحجب فقط حرارة الشمس و بالتالى بيدى كفاءة اعلى للتكييف ... سعره اعتقد بيبدأ من 600 جنيه و مشكلته اللى بعض الناس بتقول عليها انه ممكن لو ضابط غلس يقولك انت مفيم العربية و حتى لو حاولت تقنعه ان vkool لا يحجب الرؤية ممكن ميقتنعش و يسحب الرخصة

**Tarek Ibrahim** · 23-04-2007 11:29 AM

يا سلام ع المواضيع الجامده ....

هي الزوايا اللي قصدك عليها يا أ/جنيدي ... من المصري برضه في التوفيقيه ...

و لا من مكان تاني ...

و بكام ....

23-04-2007 11:41 AM

سؤال مهم لانى كان مفروض على انى اوضح اكتر شكرا للملاحظة ---لا هو فى الحقيقة المصرية تقوم ببيع الفرش فقط --ولكن بائعى الاكسسوارات منتشرين فى امام المحلات -وهناك بالطبع بعض المحلات الاخرى التى تقوم ببيعها ايضا --والاربع زوايا كان سعرهم 40 جنية وبعد انا ما اشتريت --وجدتهم عند واحد تانى ارخص شوية وهذا شامل التركيب ايضا وصدقنى ماشيين ولايقين على العربية بشكل خطير -والحاجة التانية اللى يعرفوها الاخوة اللى اتقابلت معهم فى مقابلة شهر يناير اللى فات ان بعد ما ركبت الزوايا بيوم واحد تعرضت السيارة لخبطة من سواق تاكسى ووقتها عرفت قيمة الزوايا لان السيارة لم يصلها والحمدللة اى شىء الخبطة جت فى الزاوية--واى استفسار انا تحت امرك :P

الموضوع: شارك وقول ازاى روشت عربيتك الاسبيرانزا A5

LinkBack

أدوات الموضوع

عرض

-

-

-

-

-

المواضيع المتشابهه

عربيتك بدون تكييف يبقي شارك في الموضوع ده

عربيتك الهيونداي ماشية كام كيلومتر ؟؟؟ (شارك بقراءة عدادك!!)

ايهما افضل (الفيميه الزيرو وان ام الزيروا زيروا ام الستاير الكبس)ادخل شارك وقول لماذا

ادخل وقول معدل استهلاك عربيتك النوبيرا ؟؟؟

شارك وقول جميع عيوب السياره

الكلمات الدلالية لهذا الموضوع

المفضلات

المفضلات

ضوابط المشاركة