لازم هاتترش
عرض للطباعة
لازم هاتترش
انا لو مكانك اسيبها على كدة
لو صلحتها لازم ترش الحتة بتاعة العتبة اللي جوة و تيجي تبيع بقى هتلاقي الكل فاكر ان القايم مخبوط و حادثة و فتي المصريين بقى فسيبها كدة احسن
اه عادي اشتريها لو اساسيتها سليمة
مش شرط كل عربية راشة سقف تبقى حادثة ممكن البويا اجربت مثلا او وقع عليها اي حاجة تنر اسمنت انا جاري كان معاة كورولا 2007 و راكنها جنب عمارة بتتبني ووقع عليها كام قالب طوب عالسقف و ردة كويس و العربية مرشتش غير السقف بس و اتباعت على كدة عادي و مفرقش حاجة في سعرها تقريبا
وديها لسمكري يتفاهم معاها
دي اوبترا صح ؟!!!
مش عارف ليه عندى احساس كبير انها عربية يابانى وممكن تكون تيدا
لان الفرش بيج مع لون فضى !
عموما انا راى انك تعملها ولازم لازم البوهيجى يكون فنان علشان لو ف فرق فى الشغل او اللون
هتتعاب اوى
وربنا عوضك خير ن شاء الله
هو نوع العربية دي سر قومي لا مؤاخذة؟؟
أسف يا جماعه على التأخير كنت بره ولسه راجع
العربيه لانسر بومه سبورت 2009 عامله 12 ألف كم :((((
واللي حصل ان سيخين حديد ( حديد بناء ) مرمين فى الشارع ودخلو فيها
بس أنا منذهل من اللى حصل :(((
دلوقتى أنا رحت لسمكري مشهور أوي وقالي هيقطع حته على ادها وهيلحمها
وقالى هترش 30 سنتيمتر بس
والتكلفه 1500 سمكره ( بعد الواجب ) + 700 جنيه رش
أيه رأيكم أتوكل على الله ولا أوديها التوكيل أضمن ؟!