الموضوع: عصارة استخدام بروتون لمدة 3 سنين ( مميزات وعيوب )

المشاركة الأصلية كتبت بواسطة ahmedsiyam

تقرير حيادى و جميل
شكرا ليك

المشاركة الأصلية كتبت بواسطة د.هشام

شكرا يا باشا على التقرير الجامد دا
اكيد اللي في التوكيل حيحتفلوا بعد ما فترة الضمان بتاعتك خلصت

ده اكيد طبعا يا باشا و اعتقد انهم كسرو زير ورايا كمان لاني بشتكي من كل حاجة واي حاجة في العربية ومفيش حاجة عجباني مع اني ببقى ملاحظة في انواع تانية بس انا عايز كل حاجة مظبوطة :)

المشاركة الأصلية كتبت بواسطة smsmsaad

الله ينور عليك يامعلم، وربنا يباركلك فيها

ربنا يخليكو وشكرا للمرور :)

المشاركة الأصلية كتبت بواسطة كابوس الليل

لو فكرت اكتب تقرير عن البروتون حعمل كوبى لكلامك :D
باشا انا شاديت بالجين تو مع شيفورليه كروز ومع كرولا ومع مرسيدس وكلهم جابوا ورا
كلامك فل .... وكله صح وجبت عصارة بروتون ..
بس سؤال على حاجة مش فاهمها ... هوا ايه ال stut bar ده على بيساعد على الثبات

ربنا يخليك ياباشا وربنا يباركلك فيها ويكفيك شرها

ده الشداد او ال sturt bar


وده بيثبت العربية في الملفات اكتر وبيحافظ على البطاحات

وعلى فكرة مبينزلش في اي عربية من العربيات اللي في بتتباع لحد سعر 160 الف تقريبا

هو مش قصة كبيرة وسهل انك تجيبه بس انه ينزل ستوك في العربية ده احترام للعميل من الشركة دي

المشاركة الأصلية كتبت بواسطة a_nesta13

طيب انا بقا عندي مشكله في السحب اللي انتا بتحكي عليها
انا معايا جين2 2012
وانا مثلا طالع مطلع ومشغل التكييف بلاقي العربيه عزمها نزل وثبت مده كبيره علي تقريبا 1800
ومايزدش عن كده غير اما اعمل كيك داون او ان المطلع يخلص بس العربيه تستجيب للزياده من غير كيك داون بعد فتره برضه
وعلي فكره مش لازم يكون مطلع برضه
واول اما عزم العربيه يزيد يطلع من 1800 ال 2200 مره واحده مش تدريجي
فلو سمحت بما ان انتا بقيت خبره في العربيه انا عاوز اعرف ده ايه سببه
انا العربيه اوتو وعامله 14000
وعلي فكره الموضوع ده من ساعه اما جبت العربيه

طبيعي يا فندم اي عربية في المطلع وكمان مشغل التكييف انها تعمل كدة

لو بتظهر معاك على الطريق المستقيم العادي انصحك انك تنظف البوابة وفلتر البنزين

عايز اقولك ان الكروز مثلا مبتقدرش تطلع مطلع الجراج اللي عندي بالتكييف الا لو كابس كتير في حين ان عربيتي بتطلع المطلع ده مع التكييف وكمان بطلع بضهر العربية

الله ينور فيلكيس باشا موضوع متميز وجميل
وربنا يباركلك فى سيارتك:)

المشاركة الأصلية كتبت بواسطة a_nesta13

طيب لو حصل الموضوع ده من غير اما اكون مشغل التكييف
يبقا ايه السبب

الاحسن مدام العربية لسة زيرو انك تشتكي في التوكيل احسن

لان الحركة دي معروفة اكتر في البروتون القديم

المشاركة الأصلية كتبت بواسطة motarjim

بسم الله ما شاء الله يا باشمهندس فيلكس

تقرير رائع، وأروع ما فيه حياديته!

وإن كانت صورة بروتون اهتزت لدى البعض أكثر مما هي مهزوزة لأن ما ذكرت من عيوب قد تكون فردية وحصلت معك فقط، إلا أنها قد تُسحب على الماركة بكامل طرازاتها، إنها ثقافة التعميم - لكِ الله يا بروتون!

ربنا يكرمك ياباشا

والله ياباشا بالرغم من كل المشاكل دي بس انا بحب العربية ولو كنت عايز اخلص منها كنت بيعتها من زمان


وكنت ناوي ابيع واكمل واجيب جين2 جديدة او استنى الساتيريا نيو ان نزلت مصر ابقى اجيبها


المشاكل دي كلها للاسف ولجل حظي السيء اجتمعت في عربيتي انا .. مشكلة المساعدين دي من ساعت استلام العربية وانا حاسس انها ناشفة بزيادة اوي


ومع مقارنتها بواجا تانية وجين2 اكتشفت ان المشكلة عندي


والتوكيل ايدك منه والقبر .. عمره ماهيريحك ابداً


غير لما روحت اخر ايام الضمان وعملت مشكلة هناك وطلبت اني اسوق عربية تانية عشان اعرف الفرق .. واخيراً المهندس اقتنع


سبب المشكلة هو ان العربية انتاج شهر 1 او 2 من سنة 2009 .. وانا استلمت العربية في نص شهر 10- 2009 يعني العربية واقفة على كاوتشها وعفشتها لمدة 9 شهور