Gabbour is one of the best Car dealers In Egypt

**حماده المصري** · 15-07-2008 04:38 PM

والله غبور ده بساعات احيانا يبوز الدنيا واحيانا بيبقى كويس

في صيانه الف كيلو للنيو اكسنت كان التكييف تعبان زبطووه وزي الفل

في صيانه تانيه كان دراع النور بايز قعدوا العربيه يومين وفي الاخر قالوا مفيش دراع للعربيه وصل خدها وفي الصيانه الجايه نركبلك الدراع عشان يكون وصل وفعلا ده الي حصل

لحد كده تمام

مره بجري طلعت فوق الرصيف بار علبه الدركسيون باز وقعد يخبط وانا ساعتها مكنتش اعرف حاجه عن العفشه روحت التوكيل عملولي فيلم هندي وروح الهياكل اكشف على الشاسيه واعمل وسوي وطبعا طنشت بعدين روحت لعفشجي في الحرفيين وطلع البار وعلبه الدركسيون حصل فيها شغل بسيط وشكرا

مره دخلت العربيه الصيانه طلعت لقيت السنتر لوك بايز رجعت تاني قعدت ساعه ولما بقول للمهندس اكده كتير عشان طبعا كنت قاعد من 10 لحد 5 كالمعتاد قالي انت الي بوزت السنتر وكويس اني هعملهولك ببلاش والموضوع بيحتاج وقت عشان لازم تفك الاربع ابواب

بعدها بفتره لقيت الموضوع كله ان في علبه بتاعه السنتر موجوده تحت الطبلون ناحيه السواق هي اتفكت من مكانها وده الي كان بسيبب ان السنتر يعلق فتره ويشتغل فتره عشان العلبه مهزوزه

وشكرا

**حماده المصري** · 15-07-2008 04:40 PM

وعامه انا كل مره بروح فيها غبور كان اساسي لازم الاقي ناس بتزعق الي متدايق من الوقت والي طالع له عيوب في العربيه والمهندسين بيشتغلوه والمصيبه انه بيكون فاهم والمهندسين عايزين يقنعوه خصوصا ملاك الفيرنا الي ربنا يكون في عونهم

بس طول ما مفيش عيوب في عربيتك او حاجات بايظه الصيانه بتبقى زي الفل غير كده بقى ببقى في كلام تاني المهندس هو الي بايده يبعتك او يخدمك

**ahmedfd** · 21-07-2008 11:58 AM

الحقيقة أنا عن تجربة مرتين مع غبور في قليوب في صيانة الأف و الـ 5 ألاف.. في المرتين إتصلت بالرقم المختصر و خدت معاد مرة بعد يومين و مرة بعد يوم.
بالنسبة للإستقبال ساعات زحمة شوية بس المهندس الل يبيستلم قمة في الأدب و الزوق لدرجة إنو بعد ما قلتله على الملاحظات قعد يسألني طب التكييف قلتله تمام... طب الكاسيت ... مفيش حاجة .. طب يعني مفيش حاجة تانية خالص.. يا عم و الله مفيش...
المهم الـ downsides بقى ممكن تواجهوها مع العمال و دا راجع لطبيعة فهلوة العامل المصري اللي بيبوظ الصورة الكويسة... و دي هتشوفوها في أي مكان في مصر للأسف.
بس الإنطباع العام... جيد و مش مأسوي خالص زي مبسمع هنا الحقيقة..