الموضوع: سانديرو ستيب واى بالتفصيل

الف الف مبروك ربنا يديك خيرها ويكفيك شرها
ويحفظهالك من العين
يا سلام لو التقرير ده بالصور كمان :)

المشاركة الأصلية كتبت بواسطة amrelsha3er

السلام عليكم ورحمه الله وبركاته
الحمد لله رب العالمين بعد لف وحيره وكبيره بين عالم السيارات كنت عاوز عربيه متعديش ال100الف وتكون فيها وسائل امان وتوكيل محترم وقطع غيارها موجوده شوفت رينوستيب واى بصراحه عجبتنى اوى (وعشان اتاكد كلمت توكيلها وسالت عن فانوس امامى قالو موجود وتمنه 500وشويه وتيل الفرامل بتاعها ب300وشويه ودى ياجماعه اسعار حلوه جدا كتوكيل لو سمعته اسعار توكيلات تانيه هتستعجبو)
ولاول مره اشوفها واركبها ماشاء الله تقفيل كويس مش ضيقه من الكنبه شنطتها حلوه اللون النبيتى فيها جذاب
فيها شغل من بره نواكل وعتب وشبكه اماميه مخليها تحفه من بره كانها سياره 4×4 وسعرها معقول جدا على امكانيتها الحمد لله اخدت القرار وجبت سانديرو ستيب واى واليكم الاتى
مواصفات السياره:
السياره 1600 سىى سى 90 حصان جنوط 15 سبورت الوانها نبيتى ورصاصى وفضى مانيوال فقط مفتاح ريموت سنتر لوك فوج لايت امامى قوى ماشاء الله فوج لايت خلفى نورها ماشاء الله حلو اوى مرايات مانيوال مش كهرباء مش هنطمع تتفرج على العفشه اسفل السياره ماشاء الله عفشتها باين فيها كل حاجه على حدا مش عك كده زى عربيات تانى ومصفحنها من تحت بغلاف بصراحه شىء يطمن وحاجه كويس جدا استبن سياره اسفل زى الجيب وده بيديك وسع فى الشنطه حتى عده السياره عملينلها مكان خاص بيها مثبته فيه مش مرميه كده فى الشنطه بصراحه فرنسويين دول منظمين اوى
وهى فئه واحده فقط وسعرها الرسمى 81.5 الف فى توكيلها بتباع اغلى من كده فى المعارض نظرا لان عشان تجيبها من التوكيل تكون بالحجز خلال 4شهور انما لو معرض بتستلم على طول بزياده 2 او 3الاف ج
السياره فيها امبوليزر مانع امان ضد السرقه فرامل abs اير باج واحد ه للسائق تكيف كويس برودته حلوه ماشاء الله + سخان زجاج خلفى
2زجاج كهربى امامى فقط مساحه خلفيه كاسيت بلوتوث وده حاجه هايله من رينو انها تنزل كاسيت مواصفاته عاليه كده بتمن العربيه ده فى مالتى فنكشن فى التاره التحكم فى الكاسيت وتقدر تعمل كونتكت مع الكاسيت بموبايلك وتتصل وتقفل من خلال زراير التحكم من التاره بصراحه عجبنى جدا الكاسيت
سماعات اللى جايه مع السياره امامى فقط وفى رف خلفى تركب ورا برحتك
الكلكس بتاعها فى دراع النور شمال . زراير الازاز فى التبلوه امامك على طول.
فى ناس مش حاابه الاستايل ده بس انا شايفه عادى بالتعود .وده ستايل الفرنسى كده مش غاويين يعملو كده ويرخموا على الناس وبعدين الحكمه ان زراير الازاز مش فى الباب اللى عرفته انه الحكمه من كده انهم ميمررورش اسلاك فى ابواب السيارات ودى الحكمه ان الباب ميبقاش فيه اسلاك كهرباء وكل الكهرباء فى التابلوه فقط
تجربه القياده:
تركب السياره تحس بالفخامه لان السياره عاليه بسم الله ماشاء الله تحط مفتاحك فى الكونتاكت وفى لمبه الامبوليزر بتدى فلاش ومبتطفيش الا لما تحط مفتاح العربيه وتتاكد ان المفتاح ده بتاعها لانها مبتدورش الا من مفتاحها وده زى ماسبق وقولنا نظام امان
الماكينه صوتها حلو مش عالى اوى ولا هو واطى جدا بس العزل كويس تقفل الازاز متسمعش حاجه بره ودى ميزه
ماكينه الازاز باين انها كويسه مع طلعه الازاز ونزلته مش زى الفيرنا او لانوس او عربيات كتير ركبتها كورى تحس ان مكن رفع الازاز خامه نفسها تعبانه يجى ينزل يتهبد لا رينو تحس ان الازاز طالع بسلالسه وقوه ونفس الموضوع فى النزول
فرامل السياره قويه جدا بسم الله ماشاء الله توقف العربيه بسرعه جدا ودى حاجه عجبتنى اوى وكنت مقلق منها بس بصراحه طلعت فوق ماكنت اتخيل وفى مفتاح لوك فى تابلوه السياره تقفل وتفتح منه اللوك بتاع العربيه
علو العربيه يخليك متحسش بالنقر والحفر الصغيره اللى بتضايق فى العادى دى عفشتها برضو مساعده على كده ماشاء الله عفشتها ناعمه
فتيس السياره ناعم جدا وغيارته كلها ناعمه لدرجه انى مش بصدق من اللمسه دى جبت مرشديير او تانى او تالت
الغيارت قريبه من بعض روح الاولانى قصيره ويمكن عشان لسه برضو السياره جديده لسه متعودتش على القرص والسحب
ده تقريبا تقرير وافى بكل شىء فى السياره وان شاء الله مع الاستخدام هتبتدى تظهر العربيه اكتر من ميزات وعيوب بس لحد دلوقتى مش شايفلها عيوب غير انها مش جرايه اوى مش بتاعه مناورات ده بتهيالى لانها عربيه عاليه انا مجبتش بيها الا100 لانها لسه جديده عدادها 200كم

دعواتكم ربنا يباركلى فيها ويكفينى شرها وارجو اكون افدتكم ولو فى اى حاجه انا تحت امركم

1000 مبروك و ربنا يحفظهالك .... العربية معايا استلام 12-2011 زي الفل عربية اصيلة اوي شيالة اسية و يوم بعد يوم هتفوق معاك و الاداء في هيتحسن جدا بعد 10000 كم ان شاء الله و اي استفسار انا موجود

الف مبروك يا باشا... ربنا يباركلك فيها ويستر طريقك

المشاركة الأصلية كتبت بواسطة amrelsha3er

السلام عليكم ورحمه الله وبركاته
الحمد لله رب العالمين بعد لف وحيره وكبيره بين عالم السيارات كنت عاوز عربيه متعديش ال100الف وتكون فيها وسائل امان وتوكيل محترم وقطع غيارها موجوده شوفت رينوستيب واى بصراحه عجبتنى اوى (وعشان اتاكد كلمت توكيلها وسالت عن فانوس امامى قالو موجود وتمنه 500وشويه وتيل الفرامل بتاعها ب300وشويه ودى ياجماعه اسعار حلوه جدا كتوكيل لو سمعته اسعار توكيلات تانيه هتستعجبو)
ولاول مره اشوفها واركبها ماشاء الله تقفيل كويس مش ضيقه من الكنبه شنطتها حلوه اللون النبيتى فيها جذاب
فيها شغل من بره نواكل وعتب وشبكه اماميه مخليها تحفه من بره كانها سياره 4×4 وسعرها معقول جدا على امكانيتها الحمد لله اخدت القرار وجبت سانديرو ستيب واى واليكم الاتى
مواصفات السياره:
السياره 1600 سىى سى 90 حصان جنوط 15 سبورت الوانها نبيتى ورصاصى وفضى مانيوال فقط مفتاح ريموت سنتر لوك فوج لايت امامى قوى ماشاء الله فوج لايت خلفى نورها ماشاء الله حلو اوى مرايات مانيوال مش كهرباء مش هنطمع تتفرج على العفشه اسفل السياره ماشاء الله عفشتها باين فيها كل حاجه على حدا مش عك كده زى عربيات تانى ومصفحنها من تحت بغلاف بصراحه شىء يطمن وحاجه كويس جدا استبن سياره اسفل زى الجيب وده بيديك وسع فى الشنطه حتى عده السياره عملينلها مكان خاص بيها مثبته فيه مش مرميه كده فى الشنطه بصراحه فرنسويين دول منظمين اوى
وهى فئه واحده فقط وسعرها الرسمى 81.5 الف فى توكيلها بتباع اغلى من كده فى المعارض نظرا لان عشان تجيبها من التوكيل تكون بالحجز خلال 4شهور انما لو معرض بتستلم على طول بزياده 2 او 3الاف ج
السياره فيها امبوليزر مانع امان ضد السرقه فرامل abs اير باج واحد ه للسائق تكيف كويس برودته حلوه ماشاء الله + سخان زجاج خلفى
2زجاج كهربى امامى فقط مساحه خلفيه كاسيت بلوتوث وده حاجه هايله من رينو انها تنزل كاسيت مواصفاته عاليه كده بتمن العربيه ده فى مالتى فنكشن فى التاره التحكم فى الكاسيت وتقدر تعمل كونتكت مع الكاسيت بموبايلك وتتصل وتقفل من خلال زراير التحكم من التاره بصراحه عجبنى جدا الكاسيت
سماعات اللى جايه مع السياره امامى فقط وفى رف خلفى تركب ورا برحتك
الكلكس بتاعها فى دراع النور شمال . زراير الازاز فى التبلوه امامك على طول.
فى ناس مش حاابه الاستايل ده بس انا شايفه عادى بالتعود .وده ستايل الفرنسى كده مش غاويين يعملو كده ويرخموا على الناس وبعدين الحكمه ان زراير الازاز مش فى الباب اللى عرفته انه الحكمه من كده انهم ميمررورش اسلاك فى ابواب السيارات ودى الحكمه ان الباب ميبقاش فيه اسلاك كهرباء وكل الكهرباء فى التابلوه فقط
تجربه القياده:
تركب السياره تحس بالفخامه لان السياره عاليه بسم الله ماشاء الله تحط مفتاحك فى الكونتاكت وفى لمبه الامبوليزر بتدى فلاش ومبتطفيش الا لما تحط مفتاح العربيه وتتاكد ان المفتاح ده بتاعها لانها مبتدورش الا من مفتاحها وده زى ماسبق وقولنا نظام امان
الماكينه صوتها حلو مش عالى اوى ولا هو واطى جدا بس العزل كويس تقفل الازاز متسمعش حاجه بره ودى ميزه
ماكينه الازاز باين انها كويسه مع طلعه الازاز ونزلته مش زى الفيرنا او لانوس او عربيات كتير ركبتها كورى تحس ان مكن رفع الازاز خامه نفسها تعبانه يجى ينزل يتهبد لا رينو تحس ان الازاز طالع بسلالسه وقوه ونفس الموضوع فى النزول
فرامل السياره قويه جدا بسم الله ماشاء الله توقف العربيه بسرعه جدا ودى حاجه عجبتنى اوى وكنت مقلق منها بس بصراحه طلعت فوق ماكنت اتخيل وفى مفتاح لوك فى تابلوه السياره تقفل وتفتح منه اللوك بتاع العربيه
علو العربيه يخليك متحسش بالنقر والحفر الصغيره اللى بتضايق فى العادى دى عفشتها برضو مساعده على كده ماشاء الله عفشتها ناعمه
فتيس السياره ناعم جدا وغيارته كلها ناعمه لدرجه انى مش بصدق من اللمسه دى جبت مرشديير او تانى او تالت
الغيارت قريبه من بعض روح الاولانى قصيره ويمكن عشان لسه برضو السياره جديده لسه متعودتش على القرص والسحب
ده تقريبا تقرير وافى بكل شىء فى السياره وان شاء الله مع الاستخدام هتبتدى تظهر العربيه اكتر من ميزات وعيوب بس لحد دلوقتى مش شايفلها عيوب غير انها مش جرايه اوى مش بتاعه مناورات ده بتهيالى لانها عربيه عاليه انا مجبتش بيها الا100 لانها لسه جديده عدادها 200كم

دعواتكم ربنا يباركلى فيها ويكفينى شرها وارجو اكون افدتكم ولو فى اى حاجه انا تحت امركم

تم انشاءصفحة على الفيس بوك اسمها Renault stepway lovers & ownersللتواصل و تبادل الخبرات لكل ملاك و عشاق الساحرة (Renault step way)..... وعلشان كلنا اتحدنا فى الاختيار... اعتقد انه اكيد افكارنا هتكون متقاربة فى مجالات تانية كتير...وياريت كلنا نكون أدمن للصفحة دى....و الله الموفق((((((: