طريقة سرقه جديده لنج

**Amrgamal1** · 22-11-2012 02:52 AM

ههههههههههههههههههه
ناس طيبـين أوي يا خال

**pro_samir** · 22-11-2012 06:21 AM

واحد قريبي مهندس ولف اماكن كتيير تبع الشغل فا يعرف ناس كتير من كل حته ..

بيشتري لبس في وسط البلد وبعد ما خلص لقي واحد عمال يبص عليه

ويقف يبصله ويمشي ويقف ويرجع يبص عليه من بعيد تاني وهكذا ...

لما لقي قريبي ابتدي يركز معاه راح عليه وفتح حوار الكلام مش انت أأ.. انت مش فاكرني .. وقعد يوقعه في الكلام وياخد منه كلمه ويعمل عليها حوار ويسيبه هو يقع بكلمه تانيه ويكمل عليها وهكذا .. وقريبي محرج علشان مش فاكره قوي

لحد ما اوهمه انه يعرفه من مكان معين وقاله انه ضاع منه فلوس ومش عارف ايه راح الباشا مطلع معظم الفلوس اللي اتفضلت معاه وادهاله ومشي

بمجرد ما لف وشه الناحيه التانيه فاق لنفسه ولسه هيلحقه كان اختفي ..

طبعا الأخ اللذيذ ده في الأول مثل انه بيشبه عليه ولما لقاه ابتدي يركز معاه اتأكد انه يعرف حد شبهه وبناء عليه راح كلمه وافتعل حوار و وقعه في الكلام

وبالفعل قريبي ركز معاه في الأول علشان كان يعرف واحد شبهه اشتغل معاه في موقع جنوب الصعيد من فتره كبيره وكان شبهه بشكل كبير .. ولا طبعا عمره ما كان يتخيل انه يتنصب عليه بالبساطه دي راجل مهندس ومش صغير في السن ولف وشاف كتير

هو طبعا كان مكسوف وهو بيحكي والواحد ميتخيلش ابدا انه ممكن يحصله كده .. بس اهي حصلت ولما فاق بعد ثواني كان التاني طار

**sting_2010** · 22-11-2012 06:21 PM

حرامى مبدع فعلا

**BESO516** · 22-11-2012 09:50 PM

المصرى معروف بطيبته وشهامته اللى بتوصل لدرجه الهبل والجهل احيانا

**Ahmed_selmy** · 23-11-2012 02:11 AM

هههههههههههههههههههههههه
والله الشعب المصرى دا ذكى جدا , بس لو يوظف ذكائه صح والله كنا نخربها ونعمل البدع

**amrelsha3er** · 23-11-2012 03:53 PM

المشاركة الأصلية كتبت بواسطة abogogo

طيب اسمعوا دي ( واحد اشترى خروف العيد وحطة على سطح العمارة وقفل عليه حرامي طلع السطح وسرق الخروف وهو نازل شافه جار صاحب الخروف راح الحرامي فضل يقول ناس متعبه بعد لما طلعتلهم بالخروف مش عاوزين يشتروه بالسعر اللى اتفقنا عليه تحت ...!!! يخلصك يا استاذ الخروف ده عاوزين ياخدوه ب750 جنيه بس وبعد ماوفقت مرديوش ... الراجل قالوه ب750 وريني وفضل يفلي في الخروف وفي النهاية اشتراه وراح طلعه على السطح تاني يوم الراجل اللى اشترى الخروف من الحرامي وصاحب الخروف الاصلي كل واحد ماسك كام حزمة برسيم وطالع يأكل الخروف وحصلت خناقة كل واحد بيقول الخروف بتاعة والخناقة كبرت وضربوا بعض وجت الشرطة خدتهم الاتنين راح الحرامي طلع تاني وقال للناس الباقية انه جاي من القسم والظابط عاوز الخروف وراح اخده ومشي ....( يعني سرق الخروف وباعه وسرقه تاني ...!!! )

جامده اوووووووووووى هههههههههههه
بس اكيد محصلتش :d