صيانة السيراتو زودت استهلاك البنزين!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!

معايا سيراتو خليجى 2013 - اوتو/6 سرعات وكانت بتعمل فى التفويله 600/580 فى المرتين اللى فولت فيهم قبل صيانة الالف
روحت الرواس اللى فى العبور وبعدها فولت مرتين برضه بس اتصدمت ان الاستهلاك 360/380
ونفس المشاوير ونفس الشوارع دا حتى قبل الصيانه كنت بشغل التكييف وبعدها الجو بقى برد فبطلته
يعنى بالاستهلاك ده لو شغلت التكييف هبيع عفش الشقه عشان اصرف بنزين
واتصلت بيهم قولتلهم حولولى للمهندس وقالى ان الاستهلاك قبل الصيانه مش مقياس
على اساس انى دخلتله المركز وانا راكب فيل هندى مش سيراتو
هل فى ربط بين الصيانه والاستهلاك الفظيع ده؟؟؟؟؟؟

ممكن انت غيرت المحطة اللى بتفول منها .... بنزين مغشوش يعنى

اقتباس:

---

المشاركة الأصلية كتبت بواسطة tarek_rcc

ممكن انت غيرت المحطة اللى بتفول منها .... بنزين مغشوش يعنى

---

ابدا والله نفس المحطتين اللى بقالى 6 سنين بفول منهم وهما محطتين بس .. انا من الاسماعيليه والمحطات النضيفه يتعدو على الصوابع وان لفيت كتير قبل كده وجربت كل محطات البلد بكل شوارعها الداخليه وطرقها الخارجيه لغاية لما استقريت على محطتين بس .. انا كل الملاحظات اللى ممكن تتخيلها جت فى بالى انا مش اول مره اركب كان معايا ايبيزا وبعدها نيو اكسنت واخيرا سيراتو حتى الاكسنت بعد صيانة الالف اتظبطت لكن سيراتو اتحولت لوحش بعد الصيانه .. وبعدين الملاحظه دى عرفتها فى يومها لانى رحت وجيت بنفس البنزين ورحت مستهلك شرطه ( تمن التانك) ورجعت مستهلك شرطتين(ربع التانك) والمسافه من عندى للمركز 85 /90 كيلو

اقتباس:

---

المشاركة الأصلية كتبت بواسطة mhf_77

ابدا والله نفس المحطتين اللى بقالى 6 سنين بفول منهم وهما محطتين بس .. انا من الاسماعيليه والمحطات النضيفه يتعدو على الصوابع وان لفيت كتير قبل كده وجربت كل محطات البلد بكل شوارعها الداخليه وطرقها الخارجيه لغاية لما استقريت على محطتين بس .. انا كل الملاحظات اللى ممكن تتخيلها جت فى بالى انا مش اول مره اركب كان معايا ايبيزا وبعدها نيو اكسنت واخيرا سيراتو حتى الاكسنت بعد صيانة الالف اتظبطت لكن سيراتو اتحولت لوحش بعد الصيانه .. وبعدين الملاحظه دى عرفتها فى يومها لانى رحت وجيت بنفس البنزين ورحت مستهلك شرطه ( تمن التانك) ورجعت مستهلك شرطتين(ربع التانك) والمسافه من عندى للمركز 85 /90 كيلو

---

اهلا بابن بلدى الغالى ....
شوف الموضوع دة حصل معى قبل كدة وفعلا كانت مشكلة لما فولت من محطة ( اولاد طايع ) اللى فى عز الدين ....
بس بصراحة كانت مرة وحرمت وبعدها بأمون من محطة شل اللى فى شارع شبين وكله تمااااام ....
السيارة معى ليها سنة وشوية والحمد لله ...
حاول تغير المحطة وجرب كدة وابقى طمنا

اقتباس:

---

المشاركة الأصلية كتبت بواسطة tarek_rcc

اهلا بابن بلدى الغالى ....
شوف الموضوع دة حصل معى قبل كدة وفعلا كانت مشكلة لما فولت من محطة ( اولاد طايع ) اللى فى عز الدين ....
بس بصراحة كانت مرة وحرمت وبعدها بأمون من محطة شل اللى فى شارع شبين وكله تمااااام ....
السيارة معى ليها سنة وشوية والحمد لله ...
حاول تغير المحطة وجرب كدة وابقى طمنا

---

اولا شكرا لاهتمامك وردك
ثانيا اهلا بيك وبكل الاسماعيلاويه وياريت لو فى حد من اسماعيليه هنا كمان نتواصل معاه انا اسمى محمد حسن
وياريت تقولى الاستهلاك المتوسط جوه البلد كام فى التفويله او فى الصفيحه او كل 100 كيلو وعلى السفر كام ؟؟ لانى مش لاقى رقم محدد بس على الاقل فى رقم تقريبى حد ادنى وحد اقصى
انا من ساعة ماجبت السيراتو وان فولت اربع مرات (ونص تفويله للسفر) مرتين قبل الصيانه ومرتين بعدها كلهم من شيل شبين دا حتى كلهم بعد 12 بليل عشان كثافة البنزين بتبقى اكتر والزحمه والطوابير اقل والبنزينه دى اقرب بنزينه محترمه جانبى ( انا من الخامسه) وجانبى بنزينه الخامسه بنزينها( اجارك الله ) عباره عن سيبرتو نقى %100 السائل الوحيد اللى ممكن يتبخر فى درجه التجمد السيبرتو اللاصلى اللى بيستخدموه فى العمليات الجراحيه .. فموضوع البنزين ده خارج الحساب لانى زى ماقولت رحت ورجعت بنفس التفويله والمسافه من اول صحراوى مصر لمدخل العبور 90 كيلو بجوجل ارث - ورايح تقريبا بتمن التانك وراجع تقريبا بربعه وتقريبا على نفس السرعه 90/100

السلام عليكم
شوف بعد مشوار كده الجنوط سخنه اوى هى و الطنابير بتلسع و الا لا
لو حرارتها عاليه و بتلسع يبقى هما رجلشوا التيل زياده (عشان يخلص منك بسرعه و ميكملش لصيانة العشرين .و استهلاك البنزين هيزيد و السحب هيقل طبعا )
و ممكن انت تكون ناسى فرامل اليد مرفوعه هههههههههههه حصلتلى قبل كده .
شوف كده و رد علينا

لو متأكد من نظافة البنزين،
وضغط الكاوتش مضبوط،
والفرامل مش محملة زى ما moha4tec بيقول (ودى سهل تتأكد منها)..

يبقى:
عملوا Restart لكمبيوتر العربية (غالبا بيرست ويـflash كل الداتا اللى متخزنة فـ الـservice)،

وبالتالى الفتيس لسه بيـrelearn طريقة سواقتك من أول وجديد عشان يحدد الـOptimum-Shifts؟!!!

- ودى بردو انت تقدر تتأكد منها: الفتيس بيأخر فـ النقل وبيحرق عـ النقلات؟؟ ولا بيـupshift بسرعة؟؟!! :U_thin1[1]:

Rgds،

آه نسيت أقول البوجيهات؟؟!!!
هما غيرولك طقم بوجيهات ولا لأ فـ الصيانة دى؟؟
ولو غيروها..
حد لعب فـ الـgap بتاع البوجيه؟!! (بيعملوا حركة شششششيت كده بيوسع الـgap مابين الـTip والـelectrode)؟!!! :duh:

أعتقد دى (+ فلتر الهواء) هى كل الحاجات اللى ممكن تزود إستهلاك البنزين؟؟!! وشيك بردو ان الـAir-box مقفول كويس عـ الفلتر، ووصلات الـintake تمام!!

دى كل حاجة؟!! :U_thin1[1]:

اقتباس:

---

المشاركة الأصلية كتبت بواسطة moha4tec

السلام عليكم
شوف بعد مشوار كده الجنوط سخنه اوى هى و الطنابير بتلسع و الا لا
لو حرارتها عاليه و بتلسع يبقى هما رجلشوا التيل زياده (عشان يخلص منك بسرعه و ميكملش لصيانة العشرين .و استهلاك البنزين هيزيد و السحب هيقل طبعا )
و ممكن انت تكون ناسى فرامل اليد مرفوعه هههههههههههه حصلتلى قبل كده .
شوف كده و رد علينا

---

فعلا انا من ساعة ما عملت صيانه وانا بسمع صوت صفاره خفيفه من ناحية العجل الامامى وانا ماشى وبيزيد وانا بفرمل وشكيت فى الموضوع ده ونزلت كذا مره اجس العجل بس شكيت فى نفسى لان مره يكون سخن جدا ومره يبقى دافئ عادى ومره اسمع صوت الصفاره وانا ماشى وانا بفرمل ومره مفيش صوت خالص وانا خايف انهم يكونو غسلوها وانا كنت جايلهم من مشوار فتكون الطنابير عملت ريجه
ومش متأكد ايه بالظبط لان الصوت والسخونه ساعات وساعات

اقتباس:

---

المشاركة الأصلية كتبت بواسطة formulator

لو متأكد من نظافة البنزين،
وضغط الكاوتش مضبوط،
والفرامل مش محملة زى ما moha4tec بيقول (ودى سهل تتأكد منها)..

يبقى:
عملوا restart لكمبيوتر العربية (غالبا بيرست ويـflash كل الداتا اللى متخزنة فـ الـservice)،

وبالتالى الفتيس لسه بيـrelearn طريقة سواقتك من أول وجديد عشان يحدد الـoptimum-shifts؟!!!

- ودى بردو انت تقدر تتأكد منها: الفتيس بيأخر فـ النقل وبيحرق عـ النقلات؟؟ ولا بيـupshift بسرعة؟؟!! :u_thin1[1]:

rgds،

---

ممتااااااااااااااز
الله ينور عليك

اقتباس:

---

المشاركة الأصلية كتبت بواسطة formulator

لو متأكد من نظافة البنزين،
وضغط الكاوتش مضبوط،
والفرامل مش محملة زى ما moha4tec بيقول (ودى سهل تتأكد منها)..

يبقى:
عملوا restart لكمبيوتر العربية (غالبا بيرست ويـflash كل الداتا اللى متخزنة فـ الـservice)،

وبالتالى الفتيس لسه بيـrelearn طريقة سواقتك من أول وجديد عشان يحدد الـoptimum-shifts؟!!!

- ودى بردو انت تقدر تتأكد منها: الفتيس بيأخر فـ النقل وبيحرق عـ النقلات؟؟ ولا بيـupshift بسرعة؟؟!! :u_thin1[1]:

rgds،

---

ياريت حضرتك توضحلى اكتر يعنى ايه السوفت لسه بيحدد سواقتى يعنى لو بقرص هو هيعملى سوفت لاستهلاكى غير لو بمشى براحتى؟؟وياريت تقولى بالتفصيل ايه اللى ممكن يحصل فى الحالتين وهل فى امكانى اعمله عشان اظبطه؟؟ والصفيحه تقريبا بتعمل كام جوه البلد والزحمه والتكييف وكام على السفر (بالتقريب) ولو قل عن كده يبقى استهلاك غير طبيعى عشان انا مش عارف ايه الطبيعى للسيراتو فى الصفيحه او ف ىالتفويله او فى 100 كيلو
انا بالمناسبه فى واحد صاحبى معاه سيراتو وكيل وقالى ان الخليجى بيجى من بره اقتصادى جدا ومظبوط على اقل استهلاك مع التكييف لكن بعد الصيانه فى مراكز مصر بيزيد استهلاكه عشان هنا فى مصر بيغيرو السوفت بتاعه .. مش عارف ده صح ولا فتى؟؟

اقتباس:

---

المشاركة الأصلية كتبت بواسطة formulator

آه نسيت أقول البوجيهات؟؟!!!
هما غيرولك طقم بوجيهات ولا لأ فـ الصيانة دى؟؟
ولو غيروها..
حد لعب فـ الـgap بتاع البوجيه؟!! (بيعملوا حركة شششششيت كده بيوسع الـgap مابين الـtip والـelectrode)؟!!! :duh:

أعتقد دى (+ فلتر الهواء) هى كل الحاجات اللى ممكن تزود إستهلاك البنزين؟؟!! وشيك بردو ان الـair-box مقفول كويس عـ الفلتر، ووصلات الـintake تمام!!

دى كل حاجة؟!! :u_thin1[1]:

---

او ممكن يكون اتقلب فى البوجيهات و التيل و الذى منه.
حصلتلى مرتين قبل كده هههههههههههه
اتقلبت و مشيت مبسوط ههههههههه و بعد كده لما ابتديت افهم قفشتهم فى تانى مره . و عملت مشكله كبيره .
رحت مركز غيره عمل نفس الحركه بس فى التيل مش كله ههههههههههه
محظوظ اوى .
بعد كده بقيت اعرف كل حاجه و ادخل على النت و اعرف كله و اروح و اقولهم اعملوا كذا و كذا و كذا . و ارخم عليهم و اقف معاهم و ايدى بايديهم .لحد ما اخلص كله و ابقى مطمن . و امشى بنتايج كويسه .
و فى ال 5000 كم بصين العربيه بنفسى . بجيب منظف دوره الوقود و بفك البوجيهات و انضفها و انضف مكانها و انضف بوابات و حساسات و كل اسبوعين بنضف فلتر الهوا و التكييف .
و ربنا يكرم و الاقى مركز محترم اثق فيه .
انا عملت العكس فى البوجيه .قفلت الفتحه على 0.8 ملى زى موقع ان جى كا . هما بيحطوا البوجيهات 1.0 ملى و كده مبيحرقش كويس .
و الله اعلم

اقتباس:

---

المشاركة الأصلية كتبت بواسطة mhf_77

فعلا انا من ساعة ما عملت صيانه وانا بسمع صوت صفاره خفيفه من ناحية العجل الامامى وانا ماشى وبيزيد وانا بفرمل وشكيت فى الموضوع ده ونزلت كذا مره اجس العجل بس شكيت فى نفسى لان مره يكون سخن جدا ومره يبقى دافئ عادى ومره اسمع صوت الصفاره وانا ماشى وانا بفرمل ومره مفيش صوت خالص وانا خايف انهم يكونو غسلوها وانا كنت جايلهم من مشوار فتكون الطنابير عملت ريجه
ومش متأكد ايه بالظبط لان الصوت والسخونه ساعات وساعات

---

هو حصرتك عامل كام الف كم بالعربيه و عملت صيانة اه قبل كده

يا ريت تكشف على التيل بسرعه . الفاره من الفرامل فى حالتين
1- تراب و وساخه فى التيل .و بمجرد الغسيل فى اى مغسله بمدفعالميه جامد .هتنضف با\ن الله و الصفاره تروح
2- التيل خلص .
بس دا يعتمد انت عامل كام الف كم بالعربيه ؟؟؟
و بتدوس فرامل كتير و بتسوق بتهور و بتكبس فرامل و الا اه؟؟؟؟

اقتباس:

---

المشاركة الأصلية كتبت بواسطة moha4tec

هو حصرتك عامل كام الف كم بالعربيه و عملت صيانة اه قبل كده

يا ريت تكشف على التيل بسرعه . الفاره من الفرامل فى حالتين
1- تراب و وساخه فى التيل .و بمجرد الغسيل فى اى مغسله بمدفعالميه جامد .هتنضف با\ن الله و الصفاره تروح
2- التيل خلص .
بس دا يعتمد انت عامل كام الف كم بالعربيه ؟؟؟
و بتدوس فرامل كتير و بتسوق بتهور و بتكبس فرامل و الا اه؟؟؟؟

---

العربيه 2013 زيرو ودى اول صيانه ليها اللى هيا صيانة الالف الاولى وانا طول عمر سواقتى (على رأى صحابى) سواقة عواجيز

وفى كمان ملاحظه مش عارف ليها علاقه بالفرامل ولا لأ ان زيت الباكم فى العلبه مليان على اخره لغاية الغطا معدى علامة الفل ده يأثر على رجرشة التيل ولا عادى؟؟

انا اكتشفت ان استهلاك البنزين بتختلف من طريقه سواقتك انا كنت بعمل 11 كليو فى اللتر الواحد وبمشي علطول على 100ومره كنت مستعجل جدا وسافر العين السخنه كنت معدى 180 طول الطريق وفولت لقيت العربيه عامله 7 كيلو فى اللتر فا طريقه سواقتك هيه الى بتحدد ممكن تكون قرصت عليها شويه وبص على الفلاتر

ثانى حاجه لو الطنابير كانت عملت ريجه كنت هتحس برجره تحت فى رجلك وانتا بتدوس فرامل

يا عم دى عربيه زيرو المفروض التيل سليم و ميصفرش .و جديد طبعا .الا لو هما بدلوه و سرقوك و ادولك تيل مش اصلى و الله اعلم .اخبار الفرامل اه ؟؟ و بص على الطنابير كمان و فلى العربيه كويس قبل ما تروح ابو رواش

توجه على توكيل ابو رواش و اعملها فحص كامل و تقرير و لو فيها حاجه خليهم يحلوها على حسابهم
و موضوع زيت الباكم زياده .ممكن يكون دليل ان فى حاجه غلط عملوها فى الفرامل و الله اعلم .

مبدائيا لا تعتمد على كمبيوتر العربية فى استهلاك البنزين لانه بيكون تقريبى وبيعتمد على حاجات كتير جدا علشان يديلك
الرقم اللى بيظهر قدامك
من الطبيعى ان متوسط استهلاك البنزين بيختلف من اول مرة وبعد العربية ما تمشى وتفول مرة تانية
انا فاكر اول مرة اجيب العربية طلعلى بعد التفويل 560 ك وكان حوالى 43 لتر طبعا الرقم ده مشفتوش مرة تانية
حتى بعد تغير البوجيهات وفلتر الهوا
نيجى للاهم الاستهلاك الحقيقى ولاازم تعرف انه بيختلف من سيراتو لاخرى بمعنى ان لو دواسة البنزين كهربا
يبقى الاستهلاك هيكون اعلى ولو زيت هيكون اقل لان الكهربا بتكون حساسية الدواسة اعلى وبالتالى
هتحرق غيارات وكيك داون بدون ما تقصد عكس الدوسة الزيت بيكون فى تحكم اكتر
الاستهلاك الطبيعى للسيراتو بيكون ما بين 11 الى 12 لتر لكل 100 ك داخل البلد ومع تشغيل التكيف
بيوصل الى 13 وبيفرق ضغط العجل والحمل على العربية فى الاستهلاك
صيانة الالف بيكون تغير زيت وفلتر زيت فقط لا غير وتشيك على العربية من خلال جهاز كشف الاعطال
واستحالة ينزل اى سوفت جديد للعربية بدون شكوى او تعليمات من الوكيل

اخيرا استهلاك العربية للبنزين بيكون اوضح بعد مرور 5000 ك ووقتها ابقى اعمل الصيانة المجانية
بس فى مركز تانى ويفضل فى ابو رواش

بعد أذن صاحب الموضوع
عايز أوسع مساحة المناقشة لتحليل أسباب غير تقليديه لزيادة إستهلاك البنزين اللى بيشتكى منها الكثيرون و منها طلمبة البور لما تكون بايظة ممكن تزود إستهلاك البنزين لأن الحمل بيبقى زيادة على الموتور كأنك مشغل التكيف بالضبط و بردو تقلل تسارع و قوة العربية ، هل توافقونى فى الرأى ده و لا أيه

اقتباس:

---

المشاركة الأصلية كتبت بواسطة dfdfdf

بعد أذن صاحب الموضوع
عايز أوسع مساحة المناقشة لتحليل أسباب غير تقليديه لزيادة إستهلاك البنزين اللى بيشتكى منها الكثيرون و منها طلمبة البور لما تكون بايظة ممكن تزود إستهلاك البنزين لأن الحمل بيبقى زيادة على الموتور كأنك مشغل التكيف بالضبط و بردو تقلل تسارع و قوة العربية ، هل توافقونى فى الرأى ده و لا أيه

---

فى الف سبب يخلو استهلاك البنزين زياده
انا بتكلم فى فرق استهلاك تقريبا الضعف مابين دخولها الصيانه وخروجها منها
زى مايكون استلمت عربيه واحد تانى
من اول مااستلمتها من الصيانه وانا حاسس انها فيها حاجه غلط
تقيله فى السحب وصوت صفاره خفيف يروح ويجى واستهلاك فظيع فى البنزين
وكل اللى قالوهولى فى الصيانه غيرنا الزيت والفلتر وربطنا عفشه وراجعنا على السوائل وحطيناها على الجهاز وغسلناها

اقتباس:

---

المشاركة الأصلية كتبت بواسطة ابو ليلى

مبدائيا لا تعتمد على كمبيوتر العربية فى استهلاك البنزين لانه بيكون تقريبى وبيعتمد على حاجات كتير جدا علشان يديلك
الرقم اللى بيظهر قدامك
من الطبيعى ان متوسط استهلاك البنزين بيختلف من اول مرة وبعد العربية ما تمشى وتفول مرة تانية
انا فاكر اول مرة اجيب العربية طلعلى بعد التفويل 560 ك وكان حوالى 43 لتر طبعا الرقم ده مشفتوش مرة تانية
حتى بعد تغير البوجيهات وفلتر الهوا
نيجى للاهم الاستهلاك الحقيقى ولاازم تعرف انه بيختلف من سيراتو لاخرى بمعنى ان لو دواسة البنزين كهربا
يبقى الاستهلاك هيكون اعلى ولو زيت هيكون اقل لان الكهربا بتكون حساسية الدواسة اعلى وبالتالى
هتحرق غيارات وكيك داون بدون ما تقصد عكس الدوسة الزيت بيكون فى تحكم اكتر
الاستهلاك الطبيعى للسيراتو بيكون ما بين 11 الى 12 لتر لكل 100 ك داخل البلد ومع تشغيل التكيف
بيوصل الى 13 وبيفرق ضغط العجل والحمل على العربية فى الاستهلاك
صيانة الالف بيكون تغير زيت وفلتر زيت فقط لا غير وتشيك على العربية من خلال جهاز كشف الاعطال
واستحالة ينزل اى سوفت جديد للعربية بدون شكوى او تعليمات من الوكيل

اخيرا استهلاك العربية للبنزين بيكون اوضح بعد مرور 5000 ك ووقتها ابقى اعمل الصيانة المجانية
بس فى مركز تانى ويفضل فى ابو رواش

---

انا معنديش الاوبشن ده اساسا مفيش استهلاكى كام على العداد انا اول فئه اوتو يعنى عداد كيلوات وتبدل عددات رحلات بس
بحسبه بسيطه انا مستلم من المعرض عداد العربيه 14 كيلو فقط ولمبة البنزين منوره ومؤشره معدى اخر شرطه يعنى تقريبا العداد مصفر والتانك مفهوش ولا ربع لتر حتى واخدتها منهم وفولتها وقتى
وعملت الفين كيلو (2000) لغاية دلوقتى ومفول 5 مرات
اول مرتين فولتهم قبل الصيانه عدو الاف كيلوالاولى 1100/1050 تقريبا
وتلات تفويلات بعد الصيانه عشان يكملو الباقى من الاف التانيه
ومبتعاملش غير مع بنزينه واحده من ساعة ماجبتها

اقتباس:

---

المشاركة الأصلية كتبت بواسطة ابو ليلى

نيجى للاهم الاستهلاك الحقيقى ولاازم تعرف انه بيختلف من سيراتو لاخرى بمعنى ان لو دواسة البنزين كهربا
يبقى الاستهلاك هيكون اعلى ولو زيت هيكون اقل لان الكهربا بتكون حساسية الدواسة اعلى وبالتالى
هتحرق غيارات وكيك داون بدون ما تقصد عكس الدوسة الزيت بيكون فى تحكم اكتر
الاستهلاك الطبيعى للسيراتو بيكون ما بين 11 الى 12 لتر لكل 100 ك داخل البلد ومع تشغيل التكيف
بيوصل الى 13 وبيفرق ضغط العجل والحمل على العربية فى الاستهلاك

---

عزيزى ابو ليلى يا غالى ..... تحياتى
ازاى معدل الاستهلاك ها يزيد لو الدواسة كهرباء واية هو المعدل المضبوط فى السفر ؟؟؟
انا عندى الدواسة كهرباء والمعدل للسفر خدت 42 لتر فى مسافة 440 كم ...
ملحوظة : فى رحلة العودة اخدت 48 لتر بنزين 95 لنفس المسافة ...
( تكييف حوالى نص المسافة فى الرحلتين )

اقتباس:

---

المشاركة الأصلية كتبت بواسطة tarek_rcc

عزيزى ابو ليلى يا غالى ..... تحياتى
ازاى معدل الاستهلاك ها يزيد لو الدواسة كهرباء واية هو المعدل المضبوط فى السفر ؟؟؟
انا عندى الدواسة كهرباء والمعدل للسفر خدت 42 لتر فى مسافة 440 كم ...
ملحوظة : فى رحلة العودة اخدت 48 لتر بنزين 95 لنفس المسافة ...
( تكييف حوالى نص المسافة فى الرحلتين )

---

ابو حنين الغالى ازيك يا بشمهندس
زى ما وضحت يا صديقى دواسة البنزين الكهربا بتكون الاستجابة فها اسرع من دواسة الزيت
ومن الثبات اسرع فى اول طالعة ( الاتنين سيراتو ومعروف ان اكتر وقت العربية بتسحب فيه بنزين هى الطالعة
من الثبات لو كانت قوية ) وبالتالى ال rbm هيعلى معاك زيادة وتحرق بنزين
بالاضافة لكده اوقات كتير ممكن العربية تعمل معاك كيك دون بدون قصد منك فى مطب او نقر مثلا
انا جربت الاتنين ومن قريب ركبت سيراتو 2012 زيرو دواسة كهربا لزميل لينا اشتراها وجالى علشان
اشوفها فى فرق ملحوظ شوفت الاستهلاك على الكمبيوتر لقيته 11.8 بدون تشغيل تكيف
السول نفس الموضوع بركبها على طول الاستهلاك بيوصل فيها الى 14 لتر لكل 100ك
بس ده علشان لسه صاحبها مش متعود على حساسية الدواسة

الحسبة بتاعتك بتوضح فعلا ان الاستهلاك عالى لان المفروض على طريق طولى الاستهلاك
بيوصل الى 7 : 8 لتر انت وصل معاك الى 10.5 لتر لكل 100 ك واعتقد انه عالى لان العربية
كان فيها وزن كتير وقت سفرك .
ولاازم نبقى عارفين ان الاوتو ماتك طبيعى استهلاك البنزين فيها عالى وخصوصا مع السيراتو
لانها حساسة جدا جدا مع البنزين .