الموضوع: ◕‿◕ ابــيــزا 2010 تتحـــدث بصـمت ← ❤ → الـي ابــيــزا 2008 فمـاذا تـقـول ◕‿◕

المشاركة الأصلية كتبت بواسطة Y a r i s

حبيبي ياعم سيد وحشني والله ِ
وبعدين ياعم سيد انا واحمد من الصبح عندكوا في القسم محدش لحقنا بكوبايت شاي احمر بالنعناع ... او كلفت نفسك ياعم سيد وبعت حد من عندكو يجبلنا علبتين كنز ولا حتى قزازتين كزوزة. صاروخ كدة .... او تقولنا اتفضلوا ياجماعة على الغدى .... يالله بقه. ملحوقة
ههههههههه خلي البيبسي عليا
هو بص يابوحميد انا بصراحة السايت مجربتهاش بس ركبت فيها مع صديق ليا .... وهو لحد دلوقتي معناش من مشكلة الحرارة فيها .... وتحس كده من تصميمها الداخلي. انها الفاااا روميووو بخلاف الفابيا او الفولكس سيات ابداً انتا كانك راكب الفا روميو بالزبط بالزات في الصالون بتعها .... هيا عربية ناشفة وقوية وناعمة بنفس الوقت كرسيها من قدام معقولة بس من ورى لو القدام مرجع الكرسي متعرفش تدخل حتى فردتت الشبشب بتاعك بعكس الفابيا الي بتبقى اوسع من صالون السيات شويتين من الخلف موديل ايه ؟
مش مشكلة استحمل

بالنسبة للسيطرة على العربية كل الي قابلتهم وعندهم سيات قالولي كلمة وحدة العربية تحكمها عالي وبتوقلك انا كلي ليييك يمين يمين شمال شمال طبعاً ده شامل الغرز والمناورات على سرعات عالية
كم اتمني
في السيات الي بيقعد جمب السواق بيبقى مرتاح نسبياً لغايت سرعة ١٢٠ في الفابيا الي قاعد جمب السواق بيحس بالسرعة بعد سرعة ٨٠. طبعاً السواق مبيحسش بحاجة وهو ده الي لاحظتوا بعكس التويوتا الي بيبقى قاعد جمب السواق مبيحسش بالسرعة غير بعد ال ١٤٠ يبتدي يقولوا هدي شوية ياعم احنا مش مستعجلين ههههههههه
هههههههههه حبيبي يا ياريس المفروض ان الابيزا فالثبات اعلي من التويوتا بصراحة فالتويوتا لو معايا 3 غيري لحد 160 بمشي براحتي انما لو لوحدي هو 100 وبحمد ربنا
بس المشكلة الي بشوفها في عنصر تبريد المحرك. بالذات في الفابيا اول ما بتفتح بوقها خلاص مبتعرفش تقفلوا. وفيها عيب حتت انك وانتا بتملى مية القربة. لازم تاخود هوى وشغلانة وتقعد تشفط كده من خرطوم القربة وشغلانة ده غير تنفيس غطى القربة الي بيدربك الدنيا والعربية فيها كمبيوتر وحساسات بالهبل وهو ده الي بيدايقني منها ... بس لو عربية نضيفة. هاتها وانتا مطمن .... وتحياتي
ما انا قولت اسئل علي المواضيع دي وكمان سمعت عن موضوع البوابة فيها وفي انتظار التقيم

المشاركة الأصلية كتبت بواسطة syd

ابيزا 2010 للأستاذ حاتم

http://www.nilemotors.net/nile/15589...post3872742695

http://www.nilemotors.net/nile/11944...post3872297929


ابيزا 2008 للأستاذ سامح

http://www.nilemotors.net/nile/97430...post3872014931


تحياتي

ما شاء الله
وموضوع الايبزا مع الكيا يخلي الكيا تصعب علي الواحد ..

المشاركة الأصلية كتبت بواسطة sala7

ازيكو يا شباب
انا قريت الموضوع كله و عاوز اضيف شوية بهارات للموضوع
طبعا انا هتكلم على رأيي الشخصي المتواضع
اللي عاوز يركب ابيزا هو موديل واحد (2000 - 2002)
الابيزا من سنة الصنع بعد 2002 لغاية 2008 فيها مشاكل متعددة اهمها :
1- العفشة بتفك بسرعة من بعضها هتلاقي نفسك كل سنة بتغير كوتش مقصات و خصوصا في الجو الحر الشديد و البرد الشديد .
2- كراسي الموتور غير معمرة بالمرة سنتين تلاته و تلاقي الموتر ريح على الشاسية و تسمع بقا رزع خفيف و تخبيط في النقلات .... الخ
3- تقفيل الصالون بتعها اي كلام × اي كلام .. حتى الشكل الداخلي مش مريح بالمرة و متحسش انك راكب الماني او راكب ابيزا .
( الـ 3 نقط السابقين عن تجربة صديق لي )
4- سحب و تصارع و استجابة لو جينا نقيم 4/10 .

طيب بالنسبة لموديلات ما بعد 2010 .
هي شكلاً حلوة و رياضية للغاية . لكن شبابية و لا تصلح لاسرة صغيرة .

- مش هتكلم عن قطع غيار لان دي بتبقا حاجه نسبية و مافيش حد زي التاني بالنسبة للدخل و بالنسبة للتصليح (يعني واحد بيصلح علن ميكانيكي في ابو 100 او 200 ) وواحد بيصلح ( في التوكيل في ابو 900 و 2000)
- بالنسبة للحرارة ... الطبيعي اننا عنينا على طول على العربية ،، العربيات الالماني سعات بتسخن لعدم الاهتمام
طيب تعالى نقارن بين التويوتا و الفولكس في السخونية
- التويوتا عربية ياباني ناعمة آآه ، لكن خفيفة على الارض - نادرا ما بتسخن ... بس لو ما اخدتش بالك من المية (وش سلندر هيضرب) و ده لانهم عادة مش عملين حساسات على القربة يعني لو عندك تهريب بسيط و طالع مشوار 500 كم عبال ما توصل المية هتكون فضيت و المكنه هتكون انتهت .
تعالى بقا للالماني .. معقد و كلها حسسات آآه .. لكن امان و تقيلة و اعتمادية جدا ، حطين حسسات في كل شبر فيها ... علشان تبقا اكنك راكب طيارة مش عربية . حطين حساس على قربة المية علشان ينبهك لو فيه تهريب
انظمة امان بيعملوها لعربية من بعد 1600 سي سي ، يعني لو جيت بصيت على اسكودا 1800 لازم تلاقي abs و air bags و ... و ... الخ مع العلم انهم بيامنوا على العربيات السعة اللترية اقل من 1800 بردو ..
التويوتا كرولا بينزل منها 1800 فاضية ولا abs ولا مريات طي و لا كراسي كهربا .... و محدش يقولي لا موجوده علشان اللي فرض جدلي موجوده مش في متناول يد الجميع
الماذدا شرحها - الكيا شرحها تلاقي فيهم abs و مافيهاش اي اوبشن تاني ... و الموضوع يطول شرحة في العربيات اللي فيها اوبشن و العربيات الهاف اوبشن و العربيات الفاضي
نسبه و تناسب و انا لا انحاز الى العربيات الالمانية و لكن هي دي اللي اسمها عربية


من وجهة نظري الشخصية اللي عاوز يركب سيات لجميع الموديلات و هينبسط يركب (ليون - توليدو من 1999 - 2006) كوردبا و ابيزا لغاية 2002 .

يعني يا باشا موديل 2006 الي 2008
في العيوب دي بتاعت العفشة بتتفكك مع الوقت وقواعد الماور ضعيفة
بالاضافة ان اني في كلام علي موضوع البوابة فالعربية دي ؟؟؟؟

وهل مشاكل الموديل ده انتهت ف 2010 بعيدا عن مساحة العربية والكمليات
واما عن السحب فالماتور هنا وهنا بيطلع نفس عدد الاحصنة 85
تحياتي علي ردك ..

ايه مفيش اي ملاك لموديل 2006 الي 2008 مانيوال ؟؟؟!!

؟؟ طيب مفيش 2010 للبيع ..؟؟

هو مفيش مانيوال كل اوتو ...!