الموضوع: ◕‿◕ ابــيــزا 2010 تتحـــدث بصـمت ← ❤ → الـي ابــيــزا 2008 فمـاذا تـقـول ◕‿◕

بسم الله الرحمن الرحيم

-----
--
-

رجالة سيات منورين بكل تأكيد
بعد اذنكوا هتعبكم بكام سؤال
عن تلك الجميلة الهادئة (الابيزا)

اتمني يكون في ملاك ليها هنا

[frame="7 50"]ابيزا 2008 مانيول 1400 سي سي 85 حصان[/frame]

1 : هل مشكلة البوابة عامة فالموديل ده الي هو من 2006 الي 2008 واختص بالكلام ال 2008 علشان اقرب .
2 : هل العربية في مشاكل تذكر معروف انها جميلة لمن يقدر الجمال لكن عموما لكل شئ عيب والمشكلة ان ملاك الابيزا الموديل ده اكاد اكون مش بشوف حد منهم هنا
ومعرفش بصراحة ايه السبب ..

______________________________________________
_________________________________________

[frame="7 50"]ابيزا 2010 مانيوال 1400 سي سي 85 حصان
[/frame]

طبعا موديل احدث وشكل مختلف وفي اضافات
زي ABS وخلافه واما غير ذلك تبلوه عادي ليس بالسئ وليس بالممتاز وكلميات مش كتيرة وده مش بيفرق عندي

المهم الجوهر الماتور والعفشة والتكيف وخلافه
الاساسيات يعني
------------------

الموديل ده مانيوال اعتقد قليل
لسه منزلتش عموما علشان احكم
--
،،، وهل الموديل ده يتفوق علي الي قبله فايه غير انظمة الفرامل ونجمة زيادة فاختبارات الامان

؟ اني موديل افضل 2008 ولا 2010 الاثنين 1400 سي سي مانيوال ؟
واني ليها افضلية فقطع الغيار وتوفره
ومين فيهم فيه عيوب تذكر ولو عيب واحد حتي ..
والي الفرق الجوهري بين المودلين ؟

فالنهاية ان مش يهمني الشكل المهم اني موديل افضل فيهم بعيدا عن الاحدث هيكون افضل المهم مين فيهم والفرق بينهم هيكون مميازات مش تاريخ انتاج اعتقد ..

وشكرا مقدما


[frame="6 50"]تحياتي
[/frame] ...

المشاركة الأصلية كتبت بواسطة sherifahmed

انا معايا ال1400 المانيوال 2010
بس انا مركبتش الموديل اللى قبله عشان احكم
بس عامة العيوب اللى فى الموديل دا
1) فاضية تماما مفيهاش كاسيت حتا
2) ديقة شوية فى الكراسى ورا يعنى تنفع لشاب او لعيلة صغيرة
بس ممتازة فى كل حاجة تانية و موفرة بشدة فى البنزين و قطع الغيار فى كل حتة لانها vw بالاساس

ايوة يا باشا ما انا الي كنت بتكلم مع حضرتك من فترة
ولو علي العيوب الي حضرتك قولتها مقبولة ومدام مفيش مشاكل كامتور او غيره
يبقي خير ان شاء الله يمكن المشكلة فيها ان المانيوال منها اقل من الاوتو
واشكرك علي مشاركتك الطيبة
تحياتي ليك ..

المشاركة الأصلية كتبت بواسطة syd

في البداية احب ارحب بالأستاذ أحمد من قسم تويوتا - اللي دايماً بيتحفنا بموضوعاته في القسم وبينورنا بمشاركاته.

بص يا باشا - انت داخل في موضوع شائك للغاية والكلام فيه يطول جدا ومشاركة واحدة لن تكفي ولن توفي السيارتين حقهم.
ولكن احب أقولك عن ثقة ان اي عربية تحمل ايقونة seat بداية من عام 93 فهي تحوي في طاياتها تكنولوجيا ألماني عالية الدقة بتفاصيل اسبانية
ومعروف ان شركة سيات هي الجناح الرياضي في مجموعة فولكس فاجن (علي حد تعبير اخي المهندس ايهاب منصور)
وبالتالي هتلاقي العربيتين يتمتعون بنفس الروح الرياضية والأداء المثالي
هتلاقي تشابه كبير في المساحات الداخلية ومساحات التخزين اللي معروف عنهم انهم يتناسبوا مع شاب او اسرة صغيرة
اما عن وسائل الأمان فالأبيزا 2010 تتفوق بمعاملات امان اعلي مثل ebd - esp
لو هنتكلم عن قطع غيار - الأتنين متوفرين جديد في التوكيل ومحلات قطع الغيار لكن 2006 هتلاقي منها استيراد في الحرفيين
الكماليات - تتفوق ال2010 بالطارة المالتي ووصلات الaux وبعض الكماليات الأخري زي الbluetooth

كان في عندنا في القسم تقييمات وتجارب اداء للعربيتين من اصحابهم
هدورلك عليهم واجيبهملك

ولو في حاجة تاني هكتبهالك لأن طبعا المشاركة دي كتبتها كدة من دماغي وبسرعة - هشوفلك ريفيوهات علي العربيتين واكتبلك الخلاصة

تحياتي

يا استاذ سيد كفاية زوقك والله يكفي ويزيد
اومال ان فضلت السيات ليه علي غير منافسيها اكيد علشان المكان الي الواحد بيحس ان بيته بردوا
خصوصا ان دي هتبقي تاني تجربة اسبانية كتقفيل مابالك بتصنيع كامل
اما عن الموضوعات انا من سنين بقلب فالقسم الجميل ده وشوفت تقرير عنها بس زي ما قولتلي
بس انهاردة يهمني رايك الشخصي بعيدا عن اراء اي موضوع رايك كأنك بتفكر فيهم هتختار ايه
الراي دي عندي اكيد فغاية الاهمية وانا معاك هنا عموما اتكلم براحتك وانا بسمع بهدوء علشان زي ما حضرتك عارف جي من تويوتا ومش عاوز افتقد اشياء كتيرة بالطبع مش هسيب تويوتا ولكن اقصد عاوز بقي الاسم الاسباني يخليني انسي شكل اليابان شوية
انا فانتظار رايك الداخلي وتقيمك ليهم حتي لو من راي بعيد كانك بتفكر فيهم عادي
اني برتاح ليها اكتر واني تفكر تحبها عن التانية ومين شكل احب ليك مع اني عارف انك بتحبهم الاثنين كفاية انهم سيات ومن المملكة هنا فالقسم
فانتظار رايك المفصل وجزاك الله خيرا علي مجهودك معانا ..

المشاركة الأصلية كتبت بواسطة syd

ربنا يبارك فيك يا باشا وطبعا القسم يتشرف بانضمامك ليه ومكسب كبير لينا عضو محترم زي حضرتك
ان شاء الله هرد علي حضرتك بالمفيد وبرأيي الشخصي في اقرب وقت ممكن

تحياتي

ربنا يخليك يا استاذ سيد
وانا فانتظارك بس من غير حضرتك قولي زي الاول احمد ..