السلام عليكم
من غير مطول عليكو انا عجباني الفورد الجديدة
بس سامع ان فيها نتشه غريبة و حاجات كده
ولازم بنزين ٩٥ ؟؟؟؟ ارجو المساعده عشان معرفش
حاجة عن فورد خالص
عرض للطباعة
السلام عليكم
من غير مطول عليكو انا عجباني الفورد الجديدة
بس سامع ان فيها نتشه غريبة و حاجات كده
ولازم بنزين ٩٥ ؟؟؟؟ ارجو المساعده عشان معرفش
حاجة عن فورد خالص
بص يا باشا هي فعلا فيها نتشة في الفتيس على السرعات المنخفضة هاتحس بيها في بداية السواقة بعد كده هاتحسها على خفيف يمكن يكون تعود او هي هاتقل المهم انك هاتحس انها خفت ومش مسببالك مشكلة وكمان انا اعرف ان الفوكاس 2013 ما فيهاش النتشة دي خالص نتيجة ان السوفت وير بتاع الفتيس احدث وده كلام الزميل العزيز الاستاذ يحي عندنا هنا في المنتدى معاه الهاتشباك 2013
بالنسبة للبنزين هي ممكن تمشي ب 92 عادي ومش هاتحس بفرق يذكر ده كلام الوكيل وبعض الناس اللي جربت تحط بنزين 92 انا عن نفسي ماشي ب 95 لحد دلوقتي بس ناوي اغير اول ما يإلى ان شاء الله وساعتها هاقول لحضرتك لو فيه تغير حصل في الاداء
فعلا النتشه دي مش موجوده خالص، واتفضل اسال واحنا تحت امرك
الف شكر يا جماعة علي الرد :)
منوره بوجودك يا باشا، والله مش عارف هعمل ايه لما ال ٩٥ يوصل ٤.٧٥. انت جربت تجيب التوب سبيد؟!! انا العربيه عمله ٦٠٠ كيلو وجربت اجيب التوب سبيد وصلت ل ٢١٠ وال ار بي ام كان لسه فيه بس خوفت اكمل والطريق افل. خبر طازه ال ٩٥ بقي ٥،٨٥!!!!!!
هوا بنزين ٩٥ بقا ب ٤.٧٥ ولا ٥.٨٥ يا جماعه ؟؟؟؟؟؟؟؟؟؟؟؟؟؟؟؟
ممكن حد يحكيلى على الاوكتان ده وايه احسن نوع واحطو كل اد ايه ياترى
هية الفورد 2013 مختلفة عن ال2012 ولا هوة نفس الشكل ؟
لأنى أنا شارى فورد 2012 شهر أكتوبر اللى فات وقالى فورد 2013 لسة منزلتش أصلا
لا يا باشا مش نفس الشكل و نازل منها سيدان
و هاتشباك ..... واحد صحبي لسه جايبها قالي
عيبها الوحيد فيها نتشه في السرعات الاولانية
بالمناسبة انا بفكر اجيب ب م ٣١٦ ٢٠١٠ ايه رايك
و تعرف حد او مكان بيبيع ؟؟؟؟
عشان اللخبطة بس :)
ده الشكل القديم
http://img2.netcarshow.com/Ford-Focu...llpaper_01.jpg
http://img2.netcarshow.com/Ford-Focu...llpaper_07.jpg
و ده الشكل الجديد اللي نازل السنة اللي فات
http://www.almstba.com/vb/imgcache/a...089259_744.jpg
http://www.jscspeed.com/images/catal...032_header.jpg
و ده لسة لحد دلوقتي متغيرش
مظبوط يا باشا وهو الراجل جاب الشكل الجديد بتاع 2012 وهو هو بتاع 2013 هما بيقولو على اللي نزلت في النص الاولاني من 2012 انها موديل 2012 واللي نزلت النص التاني من 2012 انها موديل 2013 والاتنين نفس الشكل طبعا بس هما زودوا البلوتوث والاوامر الصوتية في موديل 2013
انتو صح يا جماعة هي دي اللي مع صحبي
كده حددنا العربية :) فيها عيوب فعلا ولا اتكل
علي الله واشتري ؟؟؟
اتوكل علي الله واستخير ، هيا عربيه ماشاء الله عليها ومظلومه في مصر جامد علشان ثقافه السوق عندنا بجد باللشقلوب و مفيش توكل علي الله كله بيفكر يبيع قبل مايشتري اصلا، وكمان لازم تكون عارف هتدفع فلوساك في ايه بالضبط، بقولك ايه نصيحه ممكن تشوف الاسبورتاج ام ٢٤٠ بقولوا هتوصل ل ٢٥٥ بعد استفتاء الدستور انشاء الله!!!!!
هههههههههه والله انا فكرت فيها او القاشقاي
بس هتستلم بعديها ب ٦ شهور او تدفع
اوفربرايس بتاع ٢٠ الف ... و اهلي كمان
مصممين علي الكورولا الجديدة وانا محتار
بين كل دول بجد دماغي هتفرقع :)
انا سمعت ان الكورولا هتغير شكلها السنه اللي جيه، لا تقلق ان اخدت الكرار بعد ٥ شهور بحث واستشارات الاخوة الافاضل ، انا بدأت ب ١٣١ وبعد كده بولونيز وبعد كده لانسر البومه والشارك وشويه هوندا سيفيك ٢٠٠٩ لمده سنه وبعدين كان نفسي في حاجة اوروبي او امريكي المهم ربنا هداني للفورد . المهندس محمد فوزي هوه اول واحد كان كاتب التقرير هنا وبجد ربنا يجازيه خير، حسيت اني مش لوحدي اللي بفكر في الفورد، لسه في ناس عايزه تسيب نظريه القطيع، اهدا انت كده واستخير وانشاء الله هتلاقيها جت لوحدها، لو انت سواقتك مكروباصات الفورد الهاتشباك هتقول معاك جامد قوي ، ازازاك مقفول وال اف ام شغال تمام والموبايل متوصل تمام ، فتيسك علي الs وايدك علي ال + و - ومستني عمال تبص في المرايات هااااااااا يارب ابعت حاجه علشان نتسلي بس متكونشي female علشان دول مش بيهموهم حاجه:), ربنا يستر طريقنا واحنا تحت امرك في اي حاجة.
ههههههههههه
حلو أوي موضوع ما تبقاش female ده
و موضوع القطيع ده عشان سعر اعاده البيع
لا بقي انا أركب ركوبه و لما أبيعها أبيعها
ما زيها زي البي ام هي الناس بطلت تركب بي امات يعني !
أحلى سواقة عربية فى التاريخ صراحة أنا مستمتع بيها جدا بس الصالون ضيق شوية عليها فعلا
انا شارى بتاعتى فى اخر 2012 ومفهاش لا اوامر صوتية ولا بلوتوث انا بتاعتى نوعها تريند بلس وجبتها 168 الف ونص كاش من الطارق فى كارفور
ربنا يباركلك فيها انت احسنت الاختيار انا زيك بردو لما اشتريت ما كانش لسة نزلت الاوامر الصوتية والبلوتوث مع اني جايبها هايلاين بس طبعا انا معاك في متعة السواقة وانا بصراحة مش حاسس قوي بالضيق اللي في الصالون انا اسرتي عبارة عن مراتي وبنتي فقط فاهم حاجة عندي الكراسي اللي قدام وطبعا دي تمام يبقى مفيش مشكلة
مهندس محمد التوكيل فى اسكندرية اخبارة اية؟؟ ومكانة فين بالظبط عشان عاوز اروح اعمل صيانة
يا ريت حد يوضحلنا الفرق بين فئات الفوكس
بذات الفئة اللي بـ 170 و 180
شكرا مقدما :)
أسعار فئات الفورد فوكاس 2012 وقطع الغيار والاكسسوارت
للفورد فوكاس 2012 ستة فئات مختلفة وهي:
1- فورد فوكاس سيدان تريند : 158000 جنيه
2- فورد فوكاس سيدان تريند بلس : 170000 جنيه
3- فورد فوكاس سيدان سبورت :179000 جنيه
4- فورد فوكاس سيدان سبورت + فتحة سقف :190000 جنيه
5- فورد فوكاس هاتش باك : 190000 جنيه
6- فورد فوكاس ستاشن: 193000 جنيه
واللينك ده فيه الفرق في الاوبشن ما بين الفئات المختلفة
https://docs.google.com/file/d/0B8BI...6dw/edit?pli=1
اللينك ده مش شغال :)
هههههه :grinder:
أنا شفت اللينك قبل كده فعلا بس على ما اتذكر مكنش مظبوط قوي
فـقلت ممكن تكونوا وصلتوا لحاجة جديدة
أنا كان معايا ال brochure من معرض automec باين (مش فاكر أنهي معرض بصراحة )
و كان ناقص حاجات كتير أنتم قولتوا إنها موجودة فيها
أنا سؤالي ده عشان فعلا العربية دي من أحسن 3 عربيات في رأيي في ال range ده
هي وال astra وال impreza
فـكنت حابب أعرف عنها أكتر
السلام عليكم ازيكم يا جماعه انا كنت عايز اعرف الفرق بين فئات الفوكس وايه رايكم هيا ولا الاسترا. وهل فعلا الامبريزا. Cvt
للفورد فوكاس 2012 ستة فئات مختلفة وهي:
1- فورد فوكاس سيدان تريند : 158000 جنيه
2- فورد فوكاس سيدان تريند بلس : 170000 جنيه
3- فورد فوكاس سيدان سبورت :179000 جنيه
4- فورد فوكاس سيدان سبورت + فتحة سقف :190000 جنيه
5- فورد فوكاس هاتش باك : 190000 جنيه
6- فورد فوكاس ستاشن: 193000 جنيه
فرق الفئات:
1- سيدان تريند: 1600 سي سي - 125 حصان - 4 ايرباج - abs - ebd - esp - تكييف عادي - اليكتريك بارو ستيرنج - 2 زجاج كهرباء امامي - ريموت كنترول - كاوتش 16 طاسات - cd - خزان وقود 55 لتر - 5 حزام امان
2- سيدان تريند بلس: ما سبق + 4 زجاج كهرباء - 6 سماعات - بارك سنسور - وحدات رفع وانزال زجاج - مرايات ضم - فرش 2 لون
3- سيدان سبورت : ماسبق + تكييف تاتش - جنوط اسبور 16 - usb - زجاج فاميه - شاشة 3.5" - نواكل - طارة جلد - مثبت ومحدد سرعة - طارة مالتي فانكشن - سنسور مطر - سنسور اضاءة - مرايات تعتيم - هاند براك z شيب - دواسات
4- سيدان سبورت + فتحة سقف : ماسبق + فتحة سقف - اوامر صوتية - بلوتوث
5- هاتشباك = سيدان سبورت + فتحة سقف
6- ستاشن = سيدان سبورت + فتحة سقف
وبالنسبة للمقارنة بينها وبين الاسترا فالاتنين قريبين جدا من بعض بس الاسترا ارخص 23000 الف بالنسبة لأعلى فئة في الفورد
والامبريزا cvt فعلا
بجد شكرا جدا على الرد الوافي المبسط الدقيق....بجد الف شكر تعبتك معايا.
@ mohamed fawzy
متشكرين على المقارنة :B4_282:
والله بجد ياريت عشان انا محتار جدا بين الاسترا الكوسمو والفورد الترند بلس...
الاتنين نفس السعر تقريبا بس الي اعرفه لحد دلوقت اني الاسترا فيها مثبت سرعه والفورد لا...... عايز اعرف ايه الفروق الاخرى....
لو هتقارن قارن بين cosmo و sedan sport لانهم تقريبا زي بعض
و شوف بقى عاوز أداء أحسن بس أغلى 12 ألف
ولا شكل أحلى و ارخص
أما لو مش هتعلى عن 170 ألف
والمقارنة بين cosmo و trend +
ال focus هتتفوق في الموتور والفتيس بس
ال astra فيها زيادة عن ال focus
فرامل يد كهربة
مسند يد
aux و usb
7 سماعات (الفوكس 6 بس )
multifunction
فرش جلد على قماش
مثبت و محدد سرعة
جنط 17
تكييف اوتوماتيك + dual zone
طارة جلد
مراية تعتيم
مقابض و حليات كروم
حساسات نور و مطر
فوجات
شاشة بيانات جرافيك
الله ينور يا باشا وبما انك قارنتله من حيث الكماليات والسعر اسمحلي اديله فيكرة عن الاداء
انا طبعا معايا الفوكاس سيدان سبورت بلس وسوقت الاسترا الهاتش باك 2011 وما اعتقدش انها تفرق كتير عن السيدان 2012 بص يا سيدي
قوة الموتور: الفوكاس
التسارع: الفوكاس
العزل: زي بعض
الثبات: الفوكاس
سعر قطع الغيار: الفوكاس
الوكيل: الفوكاس
قيمة مقابل سعر: الاسترا
سعر اعادة بيع: الاسترا
الخامات الداخلية: زي بعض
الشكل الخارجي (أذواق): بس رأيي الاسترا السيدان اشيك من الفوكاس السيدان والفوكاس الهاتش باك اشيك من الاسترا الهاتش باك
وسائل الامان: زي بعض
الفرامل: الفوكاس
البنزين: الاسترا 92 والفوكاس 95 وممكن تمشي ب 92 بس مش بنفس الاداء يبقى الاسترا تتفوق في النقطة دي
Fair & Square Comparison
Eng. Fawzy, You make me love the car more and more