الموضوع: الغاء الدعم عن 1600 cc فيما فوق ؟

يا جماعه كل اللي معاه ١٦٠٠ ما يقلقش القرار مش هيطوله لو بصيتوا في رخص العربيات هتلقوها ١٥٩٠ سي سي او اكتر شويه صغيره المهم انها مش محصله ١٦٠٠

المشاركة الأصلية كتبت بواسطة mohamed.fawzy

للأسف مش اشاعات .... التصريح امبارح كان بأن الكوبونات هتبقى حتى فئه 1600 سى سى فقط :(

تحليلى الشخصى :

1- القرار مش هيأثر كتير على اللى شارى عربيه جديده فوق 1600 سى سى

2- القرار هيقى وحش جداااااااااااا للناس اللى معاها عربيات قديمه اكتر من 1600 سى سى و هتضطر تبعها بتراب الفلوس

3- القرار هيبرجل سوق السيارات فى اسعار العربيات الجديده و هيخلى كل التوكيلات تنزل العربيات الجديده بمواتير سعتها اللتريه صغيره وده حاصل يالفعل بشكل ما

ازاى الكوبونات لحد 1600 ؟؟! واكيد السوق هيتبرجل وكده الناس اللى معاها عربيات فوق ال1600 تروح فى ستين داهيه حتى لو كانت 1601 .

المشاركة الأصلية كتبت بواسطة s o p h o s

ما المشكلة في شركات لو صغرة السعة
ممكن تجيبه تربو ويبقي 95 ..

ماشى ماهى نفس المشكله وهتبقى خرااب .

المشاركة الأصلية كتبت بواسطة mohamed.fawzy

اقصد مثلا ان ممكن عربيات كبيره الحجم و تحتاج كحرك كبير و ينزلها الوكيل مصر بمحرك صغير لا يتلائم مع حجم ووزن السياره ... دهخ مثلا مثال واضح فى الكيا كارينز .... بتنزل بره 1800 و 2000 سى سى .... و بتنزل مصر 1600

وده موجود من زمان وقرفانين منه يعنى بعد كده ايه هنلاقى الشيروكى 1100 سى سى !

المشاركة الأصلية كتبت بواسطة youssef_u

كل العالم عايشين مرتاحين و عندهم افخم عربيات و بسعرها الرسمي يعني في السعوديه اركب تويوتا كامري اخررر موديل ب ١٠٠ الف ريال و هنا يادوب اركب سيفيك ب ١٧٠ الف ؟؟؟ مش كفايه حاطين جمارك عالييه جدا و عايزين يغلو البنزين كمان ؟
منه لله اللي كان السبب

عندك حق فعلا

المشاركة الأصلية كتبت بواسطة ali_333

اكيد القرار حيشمل السعة اللترية مع موديل السنة يعني العربيات القديمة اللي محركاتها كبيرة حتدخل الدعم عادي

ياريت كانت الدماغ كده كان زمان الدنيا حلوه . انما دى دماغ وس...

المشاركة الأصلية كتبت بواسطة hussein_ramdan

الحكومة دى عاملة زاى الست الشحاتة بتديها فلوس وتتنك عليك معا العلم الواحد ممكن يدهم بالجزمة
يعنى هوما مش عايزين يدو الناس الى شارية العربيات غالية دعم
طيب ياعالم ياحرامية يانصبين لية بتخدو تمن العربية مرتين من الراجل دة
ودفعو فلوس قد كدة فى المرور
وفى الاخر يقولك اصل احنا هنرفع الدعم
طيب مترفعو ولاة تغورو فى ستين داهية وبعدو عننا
وسبونا نشترى عربيات غالية فعلا ومنخدش الدعم
بس على الاقل الناس هتركب عربيات عليها القيمة

فعلا عملين زى الجزارين

المشاركة الأصلية كتبت بواسطة hussein_ramdan

فى قرارت مهمة هتتاخد اليومين الجاين والاخوان هتنزل الشارع
والموضوع موجود والمشاركة بتاعتى موجودة وهنتفرج

ياريت مايبقاش فيه مشاكل .

اذا انا رخصتى 1600 سى سى
المفروض الدعم يبقى ل1600 لبدايه موديل 95 فما فوق
لان الصراحه العربيات الكرابتير ديه شفاطه بنزين