السلام عليكم ورحمة الله وبركاته
طبعا واضح من عنوان الموضوع تجربة خاصة وطازة لنج مع البنزين المغشوش انا آخر مرة كنت مفول التانك بنزين 80 على حسب العادة وبعد يوم لاحظت ضعف السحب بطريقة مخيفة حيث اننى اكاد اشعر اننى يجب ان انزل من السيارة واعطيها دفها كى تتحرك!!!!!!!!!
وضننت الضنون فى كافة الاشياء المتسبب فى هذا الضعف ولذالك كتب موضوع للنقاش عن ضعف السحب للفليشا واخواتها وطبعا كلكم عارفين الظروف يعنى قلت اعكظ عليها شويه لما ربنا يفرجها النهاردة الخميس وانا راجع من الشغل قلت احود احط بنزين علشان الجمعة والسبت وحطيط ب 30 جنيه والله هما اللى كانو فى جيبى وكنت سلفهم ................*
المهم بعد خروجى من محطة البنزين اكد اشعر اننى ركبت سيارة دون الذى دخلت بها المحطة سحب ممتاز وجريت زى القردة علىالأسفلت فضلت اضحك واقول ياااااااااااااااه كل دا من البنزين المغشوش المهم
النـــــــــــــــــــصيح ة
يجماعة مش شرك تمون من محطة نظيفة او محطه على قد حالها الغش موجود فى كل المحطات والسبب هو سائق شاحنة البنزين معندوش ضمير يعدى يبيع 2000 لتر فى اى مكان ويزود العربية ميه ويروح المحطة يفرغ واحنا نشرب حسبنا الله ونعم الوكيل....

فنصيحتى للسادة الكرام متفولش عمرك فو تانك خالص حط ب 20 جنية بس علشان لو فيه غش يظهر وتنتهى منه على طول....*