عرض للطباعة
معايا ماتركس
انا بسافر كتير بين مصر والاسكندرية اسبوعيا غير السير داخل القاهرة
فهل فعلا لو مونت بنزين 80 يؤثر على الموتور والاانجشن ؟؟ولا فقط الاداء؟؟؟؟
والاقتراح الثاني التحويل الى غاز طبيعي .. هل يؤثر قعلا على عمر الموتور
ولا ده فقط كلام للترويج للبنزين والذي يعتبر مكسب للشركات اكثر من الغاز؟؟؟؟
تم نقل المشاركة, يرجى من العضو مراعاه القسم المناسب لموضوعك
http://www.nilemotors.net/Nile/showthread.php?t=21870
مشرف القسم
بص علي المواضيع دي
http://www.nilemotors.net/Nile/showthread.php?t=16758
http://www.nilemotors.net/Nile/showthread.php?t=31332
http://www.nilemotors.net/Nile/showthread.php?t=7053
ملحوظة: الغاز الطبيعي يطلعك كم الضمان
الخلاصة بالنسبة للماتريكس:
بنزين 80 بيأثر علي الأداء و علي عمر الموتور علي المدي البعيد
الغاز بيأثر علي الأداء و علي العمر الموتور بشكل أكبر و كمان حيطلعك من الضمان
الماتريكس حط لها 90 ياعم بلاش 90 حط 92 لان الفرق 10 قروش لكن لو عاوز تحط 80 يبقي الافضل تبيعها وتجيب حاجة تنفع معاها ال80
أولاً : البنزين الـ 80 قريت في جريدة انه هيغلى و هيبقى بـ 140 قرش ,
ثانياُ : لو المصنع اللي عمل العربية بيقول يتحط بنزين 90 يبقى مينفعش تحط 80 ,
الموضوع يرتبط برقم الأوكتين الخاص بعربيتك ,
رجاء البحث عن المواضيع الخاصة برقم الأوكتين لمعرفة كافة المعلومات عن القصة دي.
يبقي الافضل تبيعها وتجيب حاجة تنفع معاها ال80
لأ صعب جدا 80 مينفعش حتلاقى العربية على طول بتكركر و دة غلط جدا جدا
و الغاز بصراحة حرام لأنة حيبوظ العربية بدرى و الأداء حيقل و حتبقى صعبة فى الدوارة الصبح و حاجات كتيير كدة دة غير انك حتقف طابور كبير جدا علشان تمون
ليه يا عم
هل سفرك بالسيارة مش بيعود عليك بعائد او بمعنى أخر مش هو سفر خاص بالعمل
اعمل حساب البنزين ولو قارنت سفرك بدون السيارة اى بالمواصلات العامه حيكون اكثر
اذن السيارة أفضل وعشان كده حافظ عليها بالبنزين 92 مش 90
بص يا ريس انا ليا قريبى معاه رينو كليو 2003 وبيحطلها 80 و ماشيه معاه زى الفل
بس اهم حاجه انك تسايس العربيه و متكبسش على دواسة البنزين جامد علشان متكركرش معاك لان كدا هتبوظ الموتور
بس طبعا اكيد العمر الافتراضى للموتور هيقل كتير
فلو عيز تجرب انتا حر و ممكن كمان تخلط نص التانك 92 و النص 80 انا جربتها فى عربيتى الفابيا 1000 سى سى بس سحب العربيه قل للنص ف معملتهاش تانى
حط 80 و جرب لو كركرت معاك يبقي ما تحطوش تاني
و بعدين املي نص التانك 80 و النص 92 و شوف لو ما كركرتش (سقفت يعني)
يبقي خليك علي النظام دا
انا بضيف صوتى للناسى الحلوه دى
----------------------------------
الخلاصة بالنسبة للماتريكس:
بنزين 80 بيأثر علي الأداء و علي عمر الموتور علي المدي البعيد
الغاز بيأثر علي الأداء و علي العمر الموتور بشكل أكبر و كمان حيطلعك من الضمان
----------------------------------
الماتريكس حط لها 90 ياعم بلاش 90 حط 92 لان الفرق 10 قروش لكن لو عاوز تحط 80 يبقي الافضل تبيعها وتجيب حاجة تنفع معاها ال80
اخى العزيز الغاز بيتعب المرش والبطاريه لانه مش بيدور العربيه الصبح بسرعه وخاص فى الشتاء هتعانى منه جدا وشكرا