هل ممكن تركيب عداد حرارة خارجي؟؟

**alameer81** · 23-11-2012 01:47 AM

السلام عليكم
كيفكم يا شباب
النهاردة حصل موقف غريب شوية معايا, كنت مسافر من الاسماعيلية للزقازيق وكل شئ تمام , المهم وانا خارج من الاسماعيلية بعد ما مشيت بالعربية حوالي 5 كيلو لاحظت ان عداد الحرارة متحركش من الصفر , رحت مغير طريقي علي الميكانيكي علشان اشوف ايه الموضوع ويدوب قدام ورشته لقيت المية طالعه من الكبوت , فتحت الكبوت لقيت المروحة ما دارتش ز
الي جه في دماغي حاجة من اتنين , اما ترموستات الكوعه معلق قافل او حساس الحرارة فيه مشكله
الحمد لله طلع الموضوع بسيط وطلعت فيشة الحساس معلقة

دلوقت بقي انا حاسس اني تحت رحمه فيشة ممكن تعلق ومفيش اي شئ ها يقولي ان الحراة زادت
عشان كده انا عاوز اعمل عداد حرارة خارجي واركب الحساس بتاعه علي المكنه قبل الترموستات لو ممكن

يا ريت حد يقولي اجيب عداد وحساس منين واركب الحساس فين بالضبط

واسف علي الاطاله وشكرا

**misoalex** · 23-11-2012 06:08 AM

ممكن حتجيب عداد حراره بتاع لادا وحساس بتاع لادا او 128 وتروح لخراط يفتحلك مكان الحساس وتروح لكهربائى يعملك التوصيلات ويركب العداد

الحوار ده بيعملوه فى العربيات القديمه الل مفيهاش عداد حراره اصل وبتنزل بلمبه بتنور لما العربيه تولع اصلا هههههه
زى السيات كده مثلا