الموضوع: سياراتى الزيرو byd f3

المشاركة الأصلية كتبت بواسطة bassem.naguib

ألف مبروك على العربية .. وربنا يباركلك فيها ويكفيك شرها .. ونرجو من سيادك تقولنا أنطباعك عنها أيه وكافة التفاصيل إن أمكن في تجربتك للشراء .



السيارة جهاز الإنذار بها فيه خاصية أنك لو قفلت العربية بالريموت .. فهو يفصل دوارة العربية إلا لو تم فتحها من خلال الريموت مرة أخرى .

ونتمنى من سيادتك التفاعل معنا في تشريفك لنا المقابلة القادمة كعضو من أعضاء byd :


http://www.nilemotors.net/nile/320251-a.html

مشكور استاذ باسم على الرد الافادة وارجو من السادة الاعضاءمالكى الموديل الجديد تأكيد اجابات الاستاذ باسم
بالنسبة لانطباعى عن السيارة هية لحد الان طبعآ لسة عامل بيها 700 كيلو بس ملاحظاتى عن السيارة انها خشنة شوية والفتيس يعض فى بعض الغيارات الا انة فى بعض الاحيان يجب ان تضغط على دواسة الدبرياش للنهاية بطريقة مؤكدة حت تمنع العضة ولازالت التجربة مستمرة وسوف اشارك باى ملاحظة جديدة ان شاء الله

تنبيه بمخالفة القاعدة رقم 6 بند أ
ممنوع الكتابة باللون الأحمر حيث أنه مخصص للمداخلات الإدارية
الرجاء مراجعة قوانين المنتدى
م ع 3

انا لسة شارى موديل 2013
- الجهاز لايصدر منة اى اصوات عند الفتح او الغلق
فعلا اثنا الفتح او الغلق لا تسمع اصوات لسسيارة لكن فى حالة ان فى باب مش مقفول كويس و انت بتدوس على زرار اللوك هتديك تنذار تعرف ان فى باب مش مقفول كويس لكن لو من غير صوت تبقى جميع الببان مغلقة جيدا

- اضواء الاشارات لا تتضىء مع فتح او غلق الابواب ولكنها تضئ مع استخدام الريموت فى الفتح او الغلق فقط
لو فتحت بالريموت العربية و لم تفتح اى باب خلال 30 ثانية و بعدها فتحت اى باب تلاقى الاشارات نورت لمدة 15 ثانية تقريبا
غلق السيارة اتوماتيكيآ بعد سرعة 20كم لا يعمل
انا قبل ما اشترى العربية بقيت اركب تكسيات كتير من نفس العربية ايام ما كنت بسأل عن العربية كويس كلة كان بيقفل اول ما يبتدى يجرى
و انا كمان كدة اعتقد ان كدة فى مشكلة فى السنتر عندك
ارجع للتوكيل و شوف هيقولك اية

أخى الكريم
أولاً: ألف مبروك على السيارة
ثانياً: زميلنا الأستاذ بيتر أفاد فى رده على حضرتك لكنى هزود معلومة وهى إن وظيفة القفل الأوتوماتيكى دى من ضمن الأوبشن التى يمكن إلغاؤها أو تشغيلها (راجع الكتالوج ص27 أو 28 أو 29) مش فاكر بالتحديد لكن هى نفس خطوات تعديل الحساسية بإستثناء آخر خطوة وهى عدد الضغطات على زر Lock وهتلاقيها فى الجدول الموجود فى الكتالوج
بخصوص بقى تعديل الحساسية : التوكيل نفسه مش متأكد ده إنذار ولا إيموبليزر .. بمعنى أنا لما نفذت الخطوات وصلت لمرحلة الأربع حساسيات زى ما الكتالوج بيذكر إلا أننى عندما إضطررت مرة لجعل الإنذار أكثر حساسية لم أشعر بفرق فى إستجابة السيارة للخبطات (علما بأننى ذات مرة وجدت غطاء البنزين مفتوح بعد غلق السيارة وبمجرد غلقة إشتغل جهاز الإنذار وكانت المره الوحيدة) ولما سألت فى التوكيل قالولى ده أصلا مش إنذار ده مانع سرقه يعنى لا يعمل إلا فى حالة فتح السيارة بدون ريموت (جرب تفتح الباب بالمفتاح هتلاقيه إشتغل ودى مش محل خلاف عند أى من مالكى السيارة) الظريف بقى إن التوكيل عندما إستفسرت عن تفسيرة لإستجابة ظبط الجهاز (وليس حساسيته) لم يجد أى جواب وقالولى هنسأل ونرد عليك وأنا مستنى لحد دلوقتى ومحدش رد عليا لأن هم معندهمش رد أصلا

سبحانك اللهم وبحمدك ، أشهد أن لا إله إلا أنت أستغفرك وأتوب إليك

الف مبروك ربنا يديك خيرها و يكفيك شرها

تحياتى