حادثة بشعة على طريق العلمين
على هامش سفرية مطروح اللي سافرتها الاسبوع اللي فات
احب اتناول نقطة معينة وبالصور واعرف لسه عندكم نفس تمشو بسرعة
راجع من مطروح مسكت الطريق الساعة 11 بالليل ويا دوب مشيت ال 180 بتوع من مطروح لمارينا ودخلت طريق العلمين وهو للي ما يعرفهوش طريق مظلم بدون خدمات تماما الا نقطتين اسعاف وبنزيتن في اول من كل اتجاة وطوله 155 كم تقريبا ومتسفلت حلو وناعم وحارتين في كل اتجاة يفصل بينهم جزيرة محترمة قد بتاعت طريق اسكندرية الصحراوي
انا مسكت الطريق ده ورجلي ما نزلتش عن 180 ومقفل عداد العربية ومستغل ان الهوا في ضهري والطريق شبه فاضي عربية كل كام كم
طبعا منتهي التهور عشان عيالي كانو معايا وزوجتي كانت عينها غفلت وهيا قاعدة ورايا مش شايفة ماشي كام
بعد 100 الطريق لقيت عربيات ضاربة انتظار على جنب هديت بسرعة ووقفت جنبهم عشان عرفت ان في حادثة وانا بحب اقف اساعد يمكن يحصلي كدة في يوم
الاسعاف ماكنش لسه والحادثة كانت لسه حاصلة اوكتافيا A4 رايحة اتجاة الساحل الشمالي وفيها رجل و3 سيدات منتقبات و3 اطفال 6 و 9 سنين تقريبا ودول اكتر المتبهدلين وطلفة صغير 3 سنوات كانت امها محتضناها ماحصلهاش حاجة
والشيخ السائق كان بيجيب دم من كل حتة في جسمة وهو كان السائق الا انه كان واقف على رجلة وبيتفقد احوال زوجتة وبقية الاطفال
مش هاقدر احطلكم صور بشعة
اقدر اقولكم انه كان ماشي 120 فقط وفجأة العربية اتقلبت منه
اغرب ما في الموضوع ولا اير باج فتح من الاتنين الامامين
من الصدمة الكرسي بتاع زوجتة خرج من المجرى وطار بيها في الهوا خاصة ان الازاز الامام طار مع اول قلبة
العربية اتقلبت 3 مرات على الاسفلت ومرتين في الجزيرة تقريبا
الاسعاف لما وصل مش هاين علية يجي ناحية الجزيرة والمصابين اتحطو على المحفات على نور بطارية صغيرة وانوار موبيلات الناس
السيدة المنتقبة كانت بتصرخ مش من الالم انما من محاولة المسعف انه يكشف وشها لما حاول يكشفه عشان يركبلها الرقبة احترازا لكونها مصابة بكسر في الرقبة خاصة ان الكرسي الامامي طار بيها خارج العربية وماتسالونيش ازاي وهيا رابطه الحزام
وكمان زوجها كان رابط الحزام واتبهدل ومفيش ولا اير باج فتح ومحدش يقولي عشان مش تصادم مباشر ودي قلبة فقط لاء مش فاهم
الاطفال في المقاعد الخلفية ونتيجة استهتارنا بعدم لبسهم الحزام كانو اكتر المصابين تضررا وبهدلة
بقيت الطريق كلة مشيتة على 90 وماقفلتش ال 100 زي ال... الكتاب ما قال:)
اعصابي سايبة وعيني بتدمع على البني ادام اللي بق على الفاضي وبيجعجع كتير وهوب يلاقي فردة كاوتش هوا ضيعتة
اسيبكم للصور الخفيفة ومارضيتش احط الصور البشعة عشان اصحاب القلوب الضعيفة
http://www8.0zz0.com/2008/07/13/12/900416428.jpg
http://www7.0zz0.com/2008/07/13/12/797705065.jpg
http://www7.0zz0.com/2008/07/13/13/317430435.jpg
http://www7.0zz0.com/2008/07/13/13/318187935.jpg
حادثة على طريق بورسعيد الإسماعيلية
بمناسبة الحوادث كنت في زيارة احد اقاربي و هو يعمل مأمور بأحد أقسام شرطة بورسعيد و فوجئت بوجود سياره محطمة بطريقة غريبه و قمت بتصويرها و بعدين سألته عن التفاصيل لما دخلتله..قالي السائق كان طاير و بعدين حب انه يتفادى موتوسيكل ظهر فجأه على الطريق و العربيه عامت منه و راحت فى الرصيف الشمال ثم طارت و ارتدت في عمود كهرباء على يمين الطريق كما هو واضح في الصور ...الراجل في العنايه المركزه لانه مصاب بغيبوبه ....
http://www8.0zz0.com/2008/07/13/18/761906580.jpg
http://www8.0zz0.com/2008/07/13/18/197045476.jpg
السيارة وسيلة مواصلات مريحة وليست وسيلة مواصلات سريعة
ربتا يسترها معانا كلنا احنا وحبايبنا
من المعروف ان الأسكودا سياره ثابته على الطريق ولذلك أطلق عليها الجاموسة
ولكن مع السرعة لا ينفع شىء
رجائى لكم جميعا
لا تزيد السرعة عن 100 فى أشد الظروف
فلو كنت سائق لوحدك فيوجد زوجة واولاد فى انتظارك( لوأنت متزوج) واب وام فى انتظارك (لوأنت أعزب) ولك ان تتخيل للحظه كم انت عزيز عليهم وفراقك كيف سيؤثر فيهم وعليهم
ولو كنت سائق ومعك أحد فأنت من الممكن ان تصبح قاتل لهذا الشخص وتعيش بذنبه طول حياتك
فالرجاء عدم السرعة والتهور
ولتعلموا ان السيارة نعمه انعم الله علينا بها (انظروا على مواقف المواصلات العامه)
وهى فى الأساس
وسيلة مواصلات مريحه وليست وسيلة مواصلات سريعة
اللي بيسوق أكتر من ١٢٠ كم في مصر ولو في أحسن الطرق بيحاول ينتحر
أنا باعتبر اللي بيسوق أكتر من ١٢٠ كم في مصر ولو في أحسن الطرق بيحاول ينتحر. أنا عشت في أمريكا الشمالية وفي أوربا سنين طويلة وي السرعة دايماً بين ٨٠ و-١٢٠ كم إلا في بعض المسافات رغم إن الطرق ممتازة . وأنا أخذت غرامات على سرعات مختلفة من 40km إلى-140km فلما أسمع إن حد ساق على سرعة 180km في مصر باعتبرها محاولة إنتحار فاشلة و إن ربنا نجاه. أنا أعتقد إن السرعة في مصر المفروض لا تزيد عن 100km في الطرق الكويسة و ربنا يحفظنا جميعا.