برجلة على السلانسة اثناء التسخين
السلام عليكم وحوش الدايو
باختصار المشكلة بقالها اسبوعين وهي كالتالي
انا مش بخرج كتير بالعربية ممكن مرة او مرتين بس طول الاسبوع لانى بروح شغلي بالمترو .... المهم انا بسخن العربية يوم اه ويوم لا عشان متنامش البطارية.... وانا بسخن والعربية باردة مؤشر الار بي ام ينزل لتحت خالص والعربية كانها هتبطل وتبرجل جامد اوى .... وبعدين لازم ازود بنزين عشان تعلى تاني ... بعد أما تسخن ومؤشر الحرارة يبدأ يرتفع خلاص بتتعدل .... مع العلم ان فيه رعشة خفيفة جدا على السلانسية وانا واقف فالاشارات والطريق البطئ .... النهاردة وانا بسخن العربية بعد الصلاة دورتها ونزلت امسحها من بره .... وانا بمسح من برة سمعتها بتبرجل جامد عقبال ما جيت اركب عشان ازود بنزين لقتها بطلت خالص .... دورتها تانى وكانت مبرجلة والار بي ام قليل وقعدت ادوس بنزين حوالى 10 ثوانى لحد أما اتظبطت ....
ايه دا بقي .... مع العلم ان البوجيهات عندي عاملة 10 الاف كيلو والمفروض اغيرها لاني حاسس ان هي السبب ..... هل ممكن يكون فيه سبب تاني ؟.؟؟؟ .... يعنى فلتر هوا مثلا او فلتر بنزين ؟؟؟؟
