معلومات عن التيجو

**msobhy** · 19-12-2012 03:39 AM

المشاركة الأصلية كتبت بواسطة alking2011

أنا بردوا زى حلاتك محتار فى العربية دى شكلها و حجمها حلو بالنسبة لسعرها و لكن موضوع الصينى مخوفنى أنا كنت هجيب لانوس جديدة ولكن فكرت و قولت أجيب تيجو كسر زيرو هتبقى أكبر و أفضل و ياريت حد يفيدنا

انا اسف فى اللفظ - انا اتكرعت لانوس
فكر فى أى حاجه ما عدا اللانوس
اللنوس عربيه معمره(كمجمل) وصيانتها سهله ورخيصه - ده صحيح - لكن اعطالها البسيطه لا تنتهى
لكن بعد كده شوربه - انا معايا لانوس 2000 /// وفى الشغل شيفورليه لانوس 2010 //// وأصحابى معاهم 2003 - 2005
والله عربيه ملهاش أى تلاتين لازمه
لكن سهولة بيع رائعه - صيانه سهله - قطع غيار استيراد وجديد بالعبيييييييييييييط
والنبى يا رجاله - انا عارف ان منتدى الاسبرانزا مريح شويه - حد يرد عليه فى الكام سؤال دول
انا خلاص هابيع عربيتى وعايز اقرر هاجيب ايه

**msobhy** · 19-12-2012 06:26 AM

المشاركة الأصلية كتبت بواسطة msobhy

طيب شوية أسئله وأرجوكم الصبر معايا شويه لأنى ان شاء الله فى طريقى لشرؤها خلال أيام - وطبعا كل الاسئله على ال 1600 سى سى
1 - هل فعلا خامات التابلوه سيئه جدا وبتقشر
2- هل العربيه فيها مشكلة التسقيف اللى فى الm11
3 - العربية ال 516 ينفع يتسقط لها موتور لانسر مايفك - هل نفس الكلام على التيجو
4- سعر التيجو 2011 أو 2012 وكيلوهات قليله تقريبا يبقى فى حدود كااااااااااااااام
5- ايه اكتر العيوب المنتشره فى التيجو
6- ايه اكتر حاجه اركز عليها لما اتفرج على التيجو
7- ايه الحاجات اللى بتيجى مع العربيه (كتالوجات - مفاتيح احتياطى - عده ,,,,,,,,,,, الخ)
8- متوسط استهلاك البنزين داخل البلد قد ايه - وخارج البلد فى الطوالى
9- أعلى سرعه ممكن العربيه توصلها كام
10 فرامل العربيه وثباتها على السرعات العاليه ايه اخباره
11- التكييف فى ايام الحر الشديده بيكون عامل ايه (انا مرعوب من النقطه ديه بسبب حجم العربيه)
أرجومكم تردوا عليه فى النقاط ديه ربنا يبارك لكم
سؤال غريب لو قدامى نيسان صنى وتيجو والاتنين حالتهم ممتازه - اختار مييييييييييييييييييييييين

يا رب أى حد يرد يا رب

- عادى اللى عايز يشتم يشتم - بس حد يرد والنبى - يا جدعان خلاص فاضل كام يوم وهاشترى - يلا يا جدعان - قبل ما يعقل يا جدعان

- فرصه عظيمه يا جدعان

حد بينادى على ابو مروان - برضو لأ

**msobhy** · 19-12-2012 03:17 PM

جربت العربيه النهارده وفعلا مصدوم صدمة عمرى - العربيه صوتها عاااااااااااااااااااااااا ااالى جدا - فكرتنى بالظبط بالعربيات النقل - وكل جزء فى العربيه بيخبط ويسقف - مش عارف اعمل ايه - ده انا ظبطت نفسى انى خلاص هاشتريها على الاسبوع اللى جاى - ديه حيرة ايه ديه بس يا ربى :(

**msobhy** · 19-12-2012 05:36 PM

المشاركة الأصلية كتبت بواسطة hemaa_82

كلام رائع ....

و الحمد لله بقي فيه محلات و ميكانيكية و مراكز بعيدا عن رحمة التوكيل ....

معلش - حضرتك تقصد ايه

المشاركة الأصلية كتبت بواسطة akmm

متابع ..................وجرب عربيه تانيه

بكره هاخد نفس العربيه على طريق مصر اسكندرية لمدة ساعه - بالاضافه الى داخل البلد لمدة ساعتين تقريبا - وهاعمل تقييم لإستهلاك البنزين وربنا يكرم - بجد انا زعلاااااااااااااان

**hugan** · 19-12-2012 09:04 PM

المشاركة الأصلية كتبت بواسطة msobhy

معلش - حضرتك تقصد ايه

بكره هاخد نفس العربيه على طريق مصر اسكندرية لمدة ساعه - بالاضافه الى داخل البلد لمدة ساعتين تقريبا - وهاعمل تقييم لإستهلاك البنزين وربنا يكرم - بجد انا زعلاااااااااااااان

العربيه اللي حضرتك جربتها عامله كام كيلو
ولو معديه في الاستهلاك
ياتري صاحبها مصينها كويس ولا مهملها
لان هاييفرق لو العربيه زيرو من عربيه عامله 10000

**msobhy** · 19-12-2012 11:36 PM

المشاركة الأصلية كتبت بواسطة hugan

العربيه اللي حضرتك جربتها عامله كام كيلو
ولو معديه في الاستهلاك
ياتري صاحبها مصينها كويس ولا مهملها
لان هاييفرق لو العربيه زيرو من عربيه عامله 10000

العربيه عامله 12000 كيلو- موديل 2012 - صاحبها ولا ليه فى العربيات من اساسه
اللى اكتشفته فى العربيه كالتالى
1- فيه ريجه مهوله فى الطنابير الاماميه - خاصة الشمال اللى ناحية السواق
2- صوت الموتور عالى جداااااااااااااا وفى صيانة ال 1000 قالوا له ان ده عادى وهو صدق
3- بجانب الصوت العالى فيه ونه واضحه جدا - فيه بليه بايظه أو الدينامو البلى بتاعه بايظ
4- فى تخبيط فى العفشه قدام شمال ناحية السواق برضو
5- فيه حاجه زى مسمار ملخلخ عمال يعمل صوت سكسكه طول ما انا ماشى
6- الفتيس فيه عضه فى التانى
7- بعد تشغيل التكييف على اعلى سرعة بلحظات العربيه بتبرجل جامد وترجع تظبط
8- تخبيط جامد جدا من ورا فى أى مطب - وأعتقد ان ده سببه الجنط الاستبن مش متثبت كويس
ده كله كوم والفرامل بتاعتها كوم تانى
مستحيل - مستحيل مستحيل تبقى هيه ديه فرامل التيجو - فراملها بمعنى الكلمه ضايعه - صوره طبق الاصل من اللانوس - ازاى مع حجم الطنابير والكاوتش والجنوط وال abs مش عارف
.
سحب العربيه غير اللى الكل بيقولوا عليه - فعلا سحبها كويس مقارنه بحجمها على 1600 سى سى - وطلعتها حلوه والله - وانا بجربها كان فيها بنت معاها برضو تيجو نبيتى - البت فعلا كانت محسسانى انها راكبه طياره - مع ان اللى كانت معاها برضو ال 1600 -
.
الاول كنت بستأذن صاحبها علشان اتفرج عليها واجربها - الموضوع اتعكس دلوقتى وبقيت انا المسؤل عن صيانتها وهاروح التوكيل وهاشوف ربنا يكرمنى وهاعمل معاهم ايه - بحكم ان صاحبى ملوش فى العربيات تماما

**msobhy** · 19-12-2012 11:38 PM

بعد اذنكم ازاى اجيب معدل استهلاك البنزين وانا ماشى فى التيجو

-

-

-

الموضوع: معلومات عن التيجو

LinkBack

أدوات الموضوع

عرض

-

-

-

-

-

-

-

المواضيع المتشابهه

>>>> كل شيء عن التيجو <<<<

عوز اركب dvd فى التيجو

اين التيجو

حد عنده معلومات عن التيجو Tiggo 4X2

معلومات عن التيجو tiggo 4x2

الكلمات الدلالية لهذا الموضوع

المفضلات

المفضلات

ضوابط المشاركة