الغرق بين الهيواندى اكسيل و الشاهين

**A.samy** · 13-07-2008 07:55 PM

اية الفرق بين الهيواندى اكسيل 1300والشاهين 1300 حيث ان سعرهم مستعمل تقريبا واحد .

**cobraa2008** · 13-07-2008 08:00 PM

ده من غبور وده من نصر للسيارات
ده بور وده من غير بور
ده مريحة ومكيفة ده غير مريحة واعتقد متركبلها تكيف بس الاصل غير مكيف
ده ما بتسستحملش الشارع المصري ده تستحمل
ده قطع غياراها غالية مقارنة بالشاهين

**Adham** · 31-07-2008 11:44 PM

مافيش وجة شبة اصلا

الاكسيل على كبالن و الشاهين كردان
الاكسيل صاج و علب شاسية ضعيف
الشاهين على شاسية مش علب و بالتالي اقوى

الاكسيل خفيفة و مريحه و توفر بنزين

اللشاهين ناشفة و مش مريحه بس متينة و معمرة

الكماليات في الاكسيل اكتر و فعالة اكتر

زي التكييف و الباور و غيرة
الشاهين كمالياتها مش قوي و تكييفها وحش

الاكسيل توفر بنزين اكتر

**Johnny82** · 02-08-2008 04:49 PM

الصالون يا جماعة مهم برضة والشكل كمان
الهيونداى اكسيل من اجمل الاشكال فى العربيات لحد دلوقت تتخيلوا
صالون الشاهين ديق واللى قاعد ورا ميشوفش الشارع !!!
اعتقد ان الشاهين بتسخن معرفش لية بس ممكن تتظبط انما الهيونداى عربية ناعمة شوية متسخنش كتير.
بس كلة بيتظبط ماعدا الشكل والصالون .

**Mohamed_Hegazy** · 02-08-2008 05:20 PM

شوف الشاهين لوفيها بور هتكون مريحة زى الاكسل تماما وانا عندى تكييف وشغال تمام وبيادى الغرض اما من ناحية الاستهلاك فتعتبر موفرة فى البنزين وليس العكس
بالاضافة انها تتميز فى امور اخرى - كالارتفاع عن الارض ولو ركبت اى عدد اوحمل بتستحمل - صاج قوى يستحمل - محرك عشرة على عشرة - ماعتقدش فى حاجة هتديك كل دة فى نفس الوقت
بالنسبة للاكسل لااعرف عنها شيئ بس اسمع انها كويسة