السلام عليكم
الموضوع بسيط ومهم فى نفس الوقت للغاية فيه جلدة كاوتش طالعة من جسم العربية موصلة لباب الشنطة ورا معدى جواها ضفيرة سلوك كهرباء

طبعا عندنا الشنطة بتفتح كهرباء والجلدة دى مصممة بشكل ما عشان تحمى السلوك من القطع مع الفتح والقفل

الجلدة مع مرور الوقت بتتقطع وممكن بعدين لو سلك قطع متعرفش تفتح الشنطة وتبقى مشكلة جدية

لذلك أنا قررت ألحمها ولحامها أسهل من تغييرها للعلم بكتير

الجلدة زى ما أحنا شايفين مقطوعة اللى عملته كالآتى


Uploaded with ImageShack.us
نظفت التراب اللى حواليها

جبت إبرة وفتلة وخيطتها

جبت سيليكون وغطتها بيه وسبته يجف وبقت أحسن من الأول السيليكون بعد ما بيجف زى الجلد بياخد ويدى وبيلزق فيها كويس جدا

حاجة بسيطة هنعملها هتوفر علينا مشكلة ممكن تحصل لا قدر الله